రాష్ట్రీయం
ఎమ్మెల్సీ ఎన్నికల్లో టిడిపి విజయం
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, మార్చి 3: స్థానిక సంస్థల ద్వారా జరిగే శాసనమండలి ఎన్నికల్లో అధికార తెలుగుదేశం పార్టీ విజయదుందుభి మోగించింది. ఆరుచోట్ల ఏకగ్రీవం కాగా, మరో మూడు చోట్ల పోటీ జరగనుంది. చిత్తూరు, తూర్పు, పశ్చిమ గోదావరి, అనంతపురం, శ్రీకాకుళం జిల్లాల్లో స్థానిక సంస్థల ద్వారా జరగనున్న ఎమ్మెల్సీ ఎన్నికల్లో ఎవరూ నామినేషన్లు వేయకపోవడం, బరిలో ఉన్న వారు ఆఖరు నిమిషంలో వైదొలగడంతో రంగంలో ఉన్న తెలుగుదేశం పార్టీ అభ్యర్ధులు ఏకగ్రీవంగా ఎన్నికయినట్లయింది. అయితే అనంతపురంలో జెసి మేనల్లుడయిన తెదేపా అభ్యర్ధి దీపక్‌రెడ్డికి చెమటలు పట్టించిన సీపీఐ అభ్యర్ధి పీలా నర్సింహయ్య ఆఖరి నిమిషంలో సీపీఐ అధిష్ఠానం రంగంలోకి దిగడంతో నామినేషన్‌ను ఉపసంహరించుకోక తప్పలేదు. అయితే, ఇదే అభ్యర్థి ఇటీవల తన నామినేషన్ ఉపసంహరించుకునేందుకు తన సంతకం ఫోర్జరీ చేసే కుట్ర జరిగిందని ఆరోపించి, ఇప్పుడు హఠాత్తుగా బరి నుంచి వైదొలగడం విస్మయం కలిగించింది. పశ్చిమ గోదావరి జిల్లాలో మంత్రి పీతల సుజాత చొరవ తీసుకుని, బరిలో ఉన్న ఇతర అభ్యర్ధులతో రాయబారం నడపటంతో అక్కడ ఎన్నికలు లేకుండా ఏకగ్రీవమయింది.
నామినేషన్ల ఉపసంహరణ గడువు ముగిసిన అనంతరం దొరబాబు (చిత్తూరు), చిక్కాల రామచంద్రరావు (తూర్పుగోదావరి), మంతెన సత్యనారాయణరాజు, అంగర రామ్మోహన్‌రావు (పశ్చిమ గోదావరి), శత్రుచర్ల విజయరామరాజు (శ్రీకాకుళం), దీపక్‌రెడ్డి (అనంతపురం) ఏకగ్రీవంగా ఎన్నికయ్యారు. అయితే కడప, కర్నూలు, నెల్లూరు జిల్లాల్లో వైసీపీ అభ్యర్థులు కొనసాగుతున్నందున ఆ మూడు జిల్లాల్లో మాత్రం పోటీ నెలకొంది.
6న లోకేష్ నామినేషన్
కాగా తెదేపా జాతీయ ప్రధాన కార్యదర్శి లోకేష్ ఈనెల 6న ఎమ్మెల్సీ అభ్యర్థిగా నామినేషన్ వేయనున్నారు. ఎమ్మెల్యే కోటాలో పార్టీ పొలిట్‌బ్యూరో ఆయనకు టికెట్ ఖరారు చేసిన విషయం తెలిసిందే.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.