రాష్ట్రీయం
డిజిటల్ తెలంగాణకు గూగుల్ దన్ను
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 3:గ్రామీణ ప్రాంతంలో మహిళలకు డిజిటల్ అక్షరాస్యత మొదలుకొని, స్టార్టప్‌లకు సాంకేతిక సహకారం అందించడం వరకు రాష్ట్రానికి సాంకేతిక సహకారం కోసం గూగుల్ ఇండియా, తెలంగాణ ప్రభుత్వాల మధ్య శుక్రవారం కీలక ఒప్పందం కుదిరింది. తెలంగాణలో డిజిటలైజేషన్‌పై గూగుల్ ఇండి యా, తెలంగాణ ప్రభుత్వం మధ్య ఒప్పందం కుదిరింది. గూగుల్ ఇండియా ప్రతినిధులు, ఐటి, పరిశ్రమలు, మున్సిపల్ వ్యవహారాల శాఖ మంత్రి కె తారక రామారావుల మధ్య ఢిల్లీలో శుక్రవారం సమావేశం జరిగింది. టి-హబ్‌తో తెలంగాణలో సాంకేతిక అంశాల్లో గూగుల్ సహకారం అందిస్తుంది. ఈ ఒప్పందంతో గూగుల్ క్లౌడ్‌ను తెలంగాణ ఉపయోగించుకుంటుంది. టి-హబ్ స్టార్టప్‌లకు గూగుల్ మెంటర్‌గా ఉండి సహకరిస్తుంది. రాష్ట్రంలోని ఆన్‌లైన్ వ్యవహారాలు అన్నింటికీ గూగుల్ సాంకేతిక సహకారం అందిస్తుంది. రాష్ట్రంలోని చిన్న, మధ్యతరహా వ్యాపారులు ఆన్‌లైన్ వ్యవహారాలకు సేవలు అందిస్తుంది. బిటెక్, బిఇ, ఎంసిఎ విద్యార్థులకు సాంకేతిక నైపుణ్యంలో, మొబైల్ యాప్ డెవలప్‌మెంట్‌లో శిక్షణ ఇస్తుంది. కల్చరల్ టూరిజం శాఖతో కలిసి ప్రాజెక్టు వర్క్‌లో భాగస్వామిగా ఉంటుంది. రాష్ట్రానికి సంబంధించి సాంస్కృతిక, శిల్ప సంపదను చాటే ప్రాజెక్టులకు రూపకల్పన చేస్తారు. తెలంగాణ చరిత్ర, ఇక్కడ సంపదను ప్రపంచం దృష్టికి తీసుకు వెళతారు.
ఈ ఒప్పందంలో భాగంగా తెలంగాణలోని గ్రామీణ ప్రాంతాల్లోని మహిళలకు డిజిటల్ సాథీ పేరుతో డిజిటల్ అక్షరాస్యత కల్పిస్తారు. స్వయం సహాయ బృందాల నుంచి మహిళలను ఎంపిక చేసి డిజిటల్ శిక్షణ ఇస్తారు. టాటా ట్రస్ట్ సహకారంతో ఈ కార్యక్రమం చేపడతారు. మహిళలు సాథీ పేరుతో తోటి మహిళలకు శిక్షణ ఇస్తారు.
సమావేశం అనంతరం గూగుల్ ఇండియా పబ్లిక్ పాలసీ డైరెక్టర్ చేతన్ కృష్ణ స్వామి మాట్లాడుతూ సాంకేతిక రంగంలో తెలంగాణ ముందుందని, తెలంగాణతో కలిసి పని చేస్తామని చెప్పారు. మహిళలు, విద్యార్థులు, చిన్న, మధ్య తరహా వ్యాపారులు, కొత్త వ్యాపారవేత్తలకు సహకరించే విధంగా పని కలిసి పని చేస్తామని చెప్పారు. ఇంటర్‌నెట్ ద్వారా ఈ వర్గాలు ప్రయోజనం కలిగే విధంగా గూగుల్ ఇండియా పని చేస్తుందని చెప్పారు. ఐటి శాఖ మంత్రి కె తారక రామారావు సహకారానికి కృతజ్ఞతలు చెప్పారు.
తెలంగాణ అభివృద్ధిలో గూగుల్ ఇండియా సహకరిస్తోందని ఐటి శాఖ మంత్రి కె తారక రామారావు తెలిపారు. మహిళలు, యువత, చిన్న వ్యాపారులు, విద్యార్థులకు ప్రయోజనం కలిగే విధంగా తెలంగాణ ప్రభుత్వం అనేక కార్యక్రమాలు చేపట్టిందని, గూగుల్‌తో జరిగిన ఈ ఒప్పందం వల్ల వీరికి ఐటి ద్వారా మరింత మేలు కలుగుతుందని అన్నారు. గూగుల్‌తో కలిసి డిజిటల్ తెలంగాణ సాధించడమే తమ లక్ష్యమని అన్నారు. డిజిటల్ తెలంగాణ ప్రణాళికకు గూగుల్‌తో కలిసి పని చేయడం ఎంతో ఉపయోగపడుతుందని కెటిఆర్ తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.