రాష్ట్రీయం
బాబు తీరు బాధాకరం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 4: ఉమ్మడి రాష్ట్రం రెండుగా విడిపోయ అభివృద్ధి చెందుతున్న దశలో రెచ్చగొట్టే విధంగా ఆంధ్ర సిఎం చంద్రబాబు మాట్లాడుతున్నారని గవర్నర్ నరసింహాన్ వద్ద తెలంగాణ సిఎం కె చంద్రశేఖర్‌రావు ఆవేదన వ్యక్తం చేశారు. ఈనెల 10 నుంచి ప్రారంభం కానున్న బడ్జెట్ సమావేశాలకు గవర్నర్‌ను లాంఛనంగా ఆహ్వానించేందుకు కెసిఆర్ శనివారం రాజ్‌భవన్‌కు వెళ్లి గవర్నర్‌తో భేటీ అయ్యారు. కెసిఆర్ గవర్నర్‌ను కలిసి వెళ్లిన తరువాత అసెంబ్లీ సమావేశాలపై నోటిఫికేషన్ వెలువడింది. ఇదిలావుంటే, భేటీలో తెలంగాణ ఏర్పాటుపై చంద్రబాబు చేసిన వ్యాఖ్యలను కెసిఆర్ గవర్నర్ దృష్టికి తీసుకు వచ్చారు. విడిపోయ రెండు రాష్ట్రాలు అభివృద్ధి చెందుతున్న తరుణంలో ఆంధ్ర అసెంబ్లీని ప్రారంభిస్తూ తెలంగాణ ఏర్పాటు చీకటి రోజని చంద్రబాబు వ్యాఖ్యానించటం ఎంతమాత్రం సరికాదని కెసిఆర్ ఆవేదన వ్యక్తం చేశారు. తెలంగాణ ఆవిర్భావం తరువాత ఎలాంటి అవాంచనీయ సంఘటన తలెత్తలేదని, ప్రాంతాలకు అతీతంగా ప్రజలంతా కలసిమెలసి ఉంటున్నారని అన్నారు. తిరుపతిలో భారీ కటౌట్లతో తనకు స్వాగతం పలికారని కెసిఆర్ గుర్తు చేసుకున్నారు. నోట్ల రద్దు తరువాత రాష్ట్రానికి కలిగే నష్టంపై గవర్నరే కేంద్రానికి వివరిస్తే మంచిదని కోరారు. బడ్జెట్‌పై నోట్ల రద్దు ప్రభావం పెద్దగా ఉండదంటూనే, సంక్షేమానికి పెద్ద పీట వేస్తున్నట్టు వివరించారు. ఇదిలావుంటే, శాసనమండలి, శాసన సభ బడ్జెట్ సమావేశాలు 10 నుంచి ప్రారంభించేందుకు గవర్నర్ ఇఎస్‌ఎల్ నరసింహన్
శనివారం నోటిఫికేషన్ జారీ చేసినట్లు లెజిస్లేచర్ సెక్రటరీ ఎస్ రాజాసదారామ్ జీవో విడుదల చేశారు. 10న ఉదయం 10 గంటలకు ఉభయ సభలను ఉద్దేశించి గవర్నర్ నరసింహన్ ప్రసంగిస్తారు. అనంతరం స్పీకర్ ఎస్. మధుసూదనాచారి శాసనసభ వ్యవహారాల సలహా సంఘం (బిఎసి) సమావేశాన్ని నిర్వహిస్తారు. కౌన్సిల్ చైర్మన్ స్వామిగౌడ్ తన ఛాంబర్‌లో కౌన్సిల్ బిఎసి నిర్వహిస్తారు. 29న ఉగాది పర్వదినం ఉన్నందున అంతకుముందే ఉభయ సభల్లో ద్రవ్య వినిమయ బిల్లును ఆమోదించుకుని, మిగతా అజెండా పూర్తి చేసి సమావేశాలు ముగించాలని ప్రభుత్వం భావిస్తున్నది. కాగా ఉగాది పర్వదినం తర్వాత కూడా సమావేశాలు నిర్వహించుకుంటే తప్పేమిటీ అని, అనేక ప్రజా సమస్యలు ఉన్నాయని, వాటిపై సమగ్రంగా చర్చించి పరిష్కరించాల్సి ఉందని ప్రతిపక్షాల నేతలు అంటున్నారు.
చిత్రం..రాజ్‌భవన్‌లో శనివారం గవర్నర్ నరసింహన్‌తో భేటీ అయన ముఖ్యమంత్రి కెసిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.