రాష్ట్రీయం
నేటినుంచి అసెంబ్లీ భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 9: తెలంగాణ రాష్ట్ర బడ్జెట్ సమావేశాలు శుక్రవారం నుంచి ప్రారంభం కానున్నాయి. రాష్ట్రం ఏర్పడ్డాక శాసన సభలో బడ్జెట్ ప్రతిపాదనలు ప్రవేశపెట్టడం ఇది నాలుగోసారి. శుక్రవారం ఉభయ సభలను ఉద్దేశించి గవర్నర్ నరసింహన్ ప్రసంగిస్తారు. అనంతరం సభ వాయిదా పడ్డాక స్పీకర్ చాంబర్‌లో బిజినెస్ అడ్వయిజరీ (బిఎసి) సమావేశం జరుగుతుంది. సమావేశాలను ఎన్ని రోజులు కొనసాగించాలనేది బిఎసిలో శాసనసభపక్ష నాయకులతో చర్చించి స్పీకర్ ఖరారు చేయనున్నారు. అయితే సభలో బడ్జెట్ ఏ రోజు ప్రవేశ పెట్టాలన్నది పాలకపక్షం నిర్ణయం. ఈ నెల 13న ఉభయ సభలలో బడ్జెట్ ప్రవేశపెట్టాలని పాలక్షపక్షం ఇప్పటికే నిర్ణయించింది. ఈ నెల 29న ఉగాది పండుగ కావడంతో అంతకుముందు రోజు 28 వరకు బడ్జెట్ సమావేశాలను కొనసాగించాలని పాలకపక్షం నిర్ణయించినట్టు సమాచారం. టిఆర్‌ఎస్ ప్రభుత్వం అధికారంలోకి వచ్చాక అమలు చేస్తున్న అభివృద్ధి, సంక్షేమ కార్యక్రమాలపై శీతాకాల సమావేశాలలోనే సమగ్రంగా చర్చించిన విషయం తెలిసిందే. దీంతో బడ్జెట్ సమావేశాలను ఎక్కువ రోజులు నిర్వహించకుండా 16 పని దినాలు నిర్వహిస్తే సరిపోతుందని భావిస్తున్నట్టు తెలిసింది. ఇప్పటివరకు వరుసగా మూడుసార్లు మిగులు బడ్జెట్‌ను ప్రవేశపెట్టిన టిఆర్‌ఎస్ ప్రభుత్వం నాలుగవసారి కూడా మిగులు బడ్జెట్ ప్రవేశ పెట్టబోతున్నట్టు సమాచారం. టిఆర్‌ఎస్, కాంగ్రెస్ శాసనసభాపక్షాలు ఇప్పటికే సమావేశమై, సమావేశాల్లో అనుసరించవలసిన విధానంపై వ్యూహ రచన చేశాయి. టిటిడిపికి చెందిన సభ్యులు రాజ్‌భవన్‌కు వెళ్లి సభా నిర్వహణపై గవర్నర్‌కు వినతిపత్రం సమర్పించగా, బిజెపి శాసనసభ పక్షం బుధవారమై సమావేశమై వ్యూహాన్ని ఖరారు చేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.