రాష్ట్రీయం
ప్రైవేటు ట్రావెల్స్ మాఫియాపై పోరాటం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 10: ఆర్టీసీ బలోపేతానికి ప్రభుత్వంపై ఒత్తిడి తెస్తూ, ప్రైవేటు ట్రావెల్స్ మాఫియాకు వ్యతిరేకంగా పోరాటానికి సిద్ధం కావాలని శుక్రవారం నాడిక్కడ జరిగిన రౌండ్ టేబుల్ సమావేశంలో పలువురు వక్తలు పిలుపునిచ్చారు. ప్రైవేటు ట్రావెల్స్ మాఫియా వ్యతిరేక పోరాట సమితి, జనచైతన్య వేదిక సంయుక్తంగా నిర్వహించిన ఈ కార్యక్రమంలో వివిధ రాజకీయ పార్టీల నాయకులు, ఆర్టీసి, ఆర్టీఎ మాజీ అధికారులు, ప్రజా సంఘాల నాయకులు పాల్గొన్నారు. డాక్టర్ డి.సుధాకర్ అధ్యక్షతన జరిగిన సదస్సులో సిపిఐ రాష్ట్ర కార్యదర్శి చాడ వెంకటరెడ్డి మాట్లాడుతూ, ప్రైవేటు ట్రావెల్స్ నిబంధనలకు వ్యతిరేకంగా నడుస్తూ ప్రజల ప్రాణాలతో చెలగాటమాడుతున్నాయని, ప్రభు త్వ విధానాలపై తిరగబడేలా ప్రజల్లో చైతన్యం తీసుకురావాలని సూచించారు. ప్రజాస్వామ్యం పేరుతో అధికారంలో ఉన్న పార్టీలు చట్టాలను, తమ చుట్టాలుగా మార్చుకుని ఇష్టానుసారంగా వ్యవహరిస్తూ ప్రైవేటీకరణ మోజులో పడుతున్నాయని ఆరోపించారు. ప్రైవేటు ట్రావెల్స్‌ను ప్రోత్సహిం చాలన్న ఆలోచనను ప్రతి ఒక్కరూ వ్యతిరేకించాలని ఆయన పిలుపునిచ్చారు. తెరాస ఎమ్మెల్యే శ్రీనివాస్‌గౌడ్ మాట్లాడు తూ, ప్రజా రవాణా వ్యవస్థను పర్య వేక్షించడమే కాకుండా దానిని పరిరక్షణ బాధ్యత కూడా ప్రభుత్వానిదేనని స్పష్టం చేశారు.
ఆర్టీఏ నిబంధనలకు విరుద్ధంగా నడిచే ప్రైవేటు బస్సులపై చర్యలు తీసుకోవాల్సిన అవసరం ఎంతై నా ఉందన్నారు. పిసిసి అధికార ప్రతినిధి గౌతం మాట్లాడుతూ, పెనుగం చిప్రోలు ఘటనకు బాధ్యులుగా జెసి. దివాకర్‌రెడ్డి, ఆయన సోదరుడు జెసి.ప్రభాకర్‌రెడ్డిలను అరెస్టు చేసి ప్రభుత్వం నిజాయితీని నిరూపించుకోవాలని సూచించారు. జనచైతన్య వేదిక అధ్యక్షుడు లక్ష్మణరెడ్డి మాట్లాడుతూ, ఆర్టీసిని మరింత అభివృద్ధి చేసి ప్రైవేటు ట్రావెల్స్‌ను పూర్తిగా రద్దు చేయాల్సిన అవసరం ఉందన్నారు. సభ కు అధ్యక్ష వహించిన సుధాకర్ మాట్లాడుతూ, కోట్ల రూపాయలు నష్టం కలిగిస్తున్న ప్రైవేటు ట్రావెల్స్‌పై రెండు రాష్ట్రాలు ఆలోచించాల్సిన సమయం ఆసన్నమైందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.