రాష్ట్రీయం
మావోల మెరుపు దాడి 12 మంది జవాన్ల మృతి
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం/చింతూరు, మార్చి 11: చత్తీస్‌గఢ్‌లో మావోలు శనివారంనాడు మారణకాండ సృష్టించారు. మాటు వేసి జవాన్లను ఉచ్చులోకి దించి మట్టుబెట్టారు. ముందుగా మందుపాతర పేల్చి, తర్వాత చుట్టుముట్టి 12 మందిని కాల్చి చంపారు. 10 అత్యాధునికమైన ఆయుధాలను ఎత్తుకెళ్లారు. ఛత్తీస్‌గఢ్ దండకారణ్యంలోని సుక్మా జిల్లా బెజ్జి పోలీస్ స్టేషన్‌కు 2 కి.మీల దూరంలో బుందేపారా - కొత్తరాచేర్ అటవీ ప్రాంతంలో మాటు వేసి, దాడి చేసిన మావోలు సిఆర్పీఎఫ్ 219 బెటాలియన్‌కు చెందిన 12 మంది జవాన్లను పొట్టనబెట్టుకున్నారు. చనిపోయిన వారిలో ఒక ఇన్‌స్పెక్టర్, ఇద్దరు ఎస్సైలు, 8 మంది జవాన్లు ఉన్నారు. మరో ఇద్దరు రాజధాని రాయ్‌పూర్‌లో చికిత్స పొందుతున్నారు. జవాన్లు జరిపిన ఎదురు కాల్పుల్లో ఇద్దరు మావోయిస్టులు మృతిచెందినట్టు పోలీసు అధికారులు చెబుతున్నారు. ఈ సంఘటనపై ప్రధాని నరేంద్ర మోదీ, కేంద్ర హోంమంత్రి రాజ్‌నాథ్‌సింగ్, చత్తీస్‌గఢ్ సిఎం రమణ్‌సింగ్ తీవ్ర దిగ్భ్రాంతి వ్యక్తం చేశారు. సరిగ్గా మూడేళ్ల క్రితం ఇదే రోజు మార్చి 11న మావోయిస్టులు ఇదే జిల్లాలో టహకవాడా ప్రాంతంలో ఒక పౌరుడు సహా 16 మంది పోలీసులను ఇదే తరహాలో హతమార్చడం గమనార్హం.
సుక్మా జిల్లాలో అన్ని పోలీస్ స్టేషన్ల పరిధిలో రోజూ ఉదయం రోడ్ ఓపెన్ పార్టీలు రహదారిని తనిఖీ చేస్తుంటాయి. దానిలో భాగంగానే సుక్మా జిల్లా బెజ్జి పోలీస్ స్టేషన్ నుంచి ఆర్‌ఓపి బలగాలు సిఐ భట్ ఆధ్వర్యంలో శనివారం ఉదయం బయలుదేరాయి. బలగాలు వస్తాయని ముందుగానే రెక్కీ నిర్వహించి రూఢీ చేసుకున్న మావోయిస్టులు వ్యూహాత్మకంగా ఉచ్చు బిగించారు. మందుపాతర ఏర్పాటు చేసి, దానికి 900 మీటర్ల దూరంలో కాపు కాశారు. రోడ్డు తనిఖీ చేసుకుంటూ వచ్చిన బలగాలను లక్ష్యంగా చేసుకుని ముందుగా మందుపాతర పేల్చారు. కొద్దిసేపు దిగ్భ్రాంతికి గురైన బలగాలు చెల్లా చెదురయ్యాయి. ఇదే సమయంలో మూడు వైపుల నుంచి మావోయిస్టులు చుట్టుముట్టి బలగాలపై అతి సమీపం నుంచి కాల్పులు జరిపారు. దీంతో 11 మంది జవాన్లు అక్కడికక్కడే నేలకొరిగారు. మరో జవాను చికిత్స పొందుతూ చనిపోయాడు. చనిపోయిన వారిలో ఇన్‌స్పెపెక్టర్ హెచ్‌వి భట్ (ఉత్తరాఖండ్), ఎస్సైలు నరేంద్రకుమార్ (బీహార్), మంగేశ్‌పాండ్యా (మహారాష్ట్ర), జవాన్లు రాంపాల్ సింగ్ యాదవ్ (ఉత్తరప్రదేశ్), గోరఖ్‌నాథ్ (ఉత్తరప్రదేశ్), నంద్‌కుమార్ ఆతారాం (మహారాష్ట్ర), సతీశ్ చంద్ర వర్మ (ఉత్తరప్రదేశ్), కె.శంకర్ (తమిళనాడు), జగజ్జిత్‌సింగ్ ( పంజాబ్), సురేశ్‌కుమార్ (హిమాచల్‌ప్రదేశ్), విఆర్ మేలేవర్థన్ (మహారాష్ట్ర), జగదీశ్ ప్రసాద్ వైష్ణవ్ (రాజస్థాన్)లు ఉన్నారు. కాగా సిఆర్‌పిఎఫ్ జవాన్లు జరిపిన ఎదురుకాల్పుల్లో ఇద్దరు మావోయిస్టులు మృతిచెందారు.
తెలంగాణ - ఛత్తీస్‌గఢ్ సరిహద్దుల్లో మావోయిస్టుల కదలికలు ముమ్మరంగా ఉన్నట్లు ఇరు రాష్ట్రాల పోలీసులు, నిఘా వర్గాలు ముందుగానే ఊహించాయి. రెండు వారాలుగా ఇరు రాష్ట్రాల పోలీసు ఉన్నతాధికారులు నిత్యం సమావేశం అవుతూనే ఉన్నారు. అలాగే మావోయిస్టులు సైతం బలగాలకు సవాల్ విసిరినట్లుగానే సమావేశాలు, ర్యాలీలు నిర్వహించారు. అయినా ప్రమాదాన్ని బలగాలు పసిగట్టలేక పోయాయి. మావోయిస్టులు పన్నిన వ్యూహంలో చిక్కుకుని సిఆర్‌పిఎఫ్ జవాన్లు బలయ్యారు. మూడేళ్లుగా ఎన్నడూ లేనంత విధంగా భద్రత బలగాలు దెబ్బతినడంతో ఫ్రభుత్వం అంతర్మథనంలో పడింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.