రాష్ట్రీయం
నేడే బడ్జెట్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 12:తెలంగాణ రాష్ట్రం ఏర్పడిన తర్వాత నాలుగో వార్షిక బడ్జెట్‌ను టిఆర్‌ఎస్ ప్రభుత్వం సోమవారం ఉదయం శాసనసభలో ప్రవేశ పెట్టబోతోంది. ప్రస్తుత వార్షిక బడ్జెట్ 1,30,412 కోట్లు కాగా వచ్చే ఆర్థిక సంవత్సరానికి 1,46,500 కోట్ల ప్రతిపాదనతో ప్రవేశ పెట్టనున్నట్టు సమాచారం. గత ఏడాది ప్రవేశపెట్టిన బడ్జెట్‌లో ప్రభుత్వ భూముల అమ్మకం ద్వారా రూ. 11 వేల కోట్లు సమకూరుతాయని అంచనా వేయగా ఆ దిశగా ప్రభుత్వం ఎలాంటి ప్రయత్నం చేయలేకపోయింది. దీనికి తోడు పెద్ద నోట్ల రద్దు ప్రభావం వల్ల రవాణాశాఖ, స్టాంప్స్ అండ్ రిజిస్ట్రేషన్స్ శాఖల నుంచి ఆశించిన ఆదాయం కంటే రూ. 4 నుంచి 5 వేల కోట్లు తగ్గిందని అంచనా. దీంతో భూముల అమ్మకం, పెద్ద నోట్ల ప్రభావంతో 2016-17 బడ్జెట్ ప్రతిపాదనను సవరించడం వల్ల లక్షా 15 వేల కోట్లు ఉంటుందని ఆర్థికశాఖ వర్గాల సమాచారం. ఇలాఉండగా తెలంగాణ రాష్ట్రం ఏర్పడిన తర్వాత 2014-15లో ప్రవేశపెట్టిన బడ్జెట్ రూ.62,306 కోట్లు, 2015-16లో రూ.లక్ష 15 వేల కోట్లు, 2016-17లో రూ.లక్ష 30 వేల 412 కోట్లు కాగా ఇది వచ్చే ఆర్థిక సంవత్సర బడ్జెట్ ప్రతిపాదన రూ. లక్ష 46 వేల కోట్లు ఉంటుందని అంచనా.
కేంద్ర మార్గదర్శకాల మేరకు ఈ ఏడాది బడ్జెట్ స్వరూపం మారింది. గతంలో ఉండే ప్రణాళిక, ప్రణాళికేతర పద్దుల స్థానంలో ఈసారి బడ్జెట్‌లో ప్రగతి పద్దు, నిర్వహణ పద్దుగా ఉండబోతున్నాయి. ఈ రెండు పద్దులతో సంబంధం లేకుండా ఎస్సీ, ఎస్టీ సబ్ ప్లాన్, మోస్ట్ బ్యాక్వర్డ్ క్లాసెస్‌కు ప్రత్యేక అభివృద్ధి నిధి కింద నిధుల కేటాయింపు ఉంటుందని తెలిసింది. ఈసారి బడ్జెట్‌లో సంక్షేమ రంగానికి మొదటి ప్రాధాన్యత, విద్య, వైద్య రంగాలకు రెండవ ప్రాధాన్యత, వ్యవసాయం, సాగునీటి రంగాలకు మూడవ ప్రాధాన్యత కల్పించినట్టు సమాచారం. రైతుల పంట రుణ మాఫీ నాలుగవ వాయిదాకు రూ.4200 కోట్లు, ఉద్యోగుల ఫిట్‌మెంట్ బకాయిల చెల్లింపునకు రూ. 5000 కోట్లు, రాజీవ్ గృహకల్ప బకాయిల మాఫీకి రూ.3300 కోట్లు బడ్జెట్‌లో కేటాయించినట్టు సమాచారం. అలాగే అన్ని జిల్లాల్లో సమీకృత ప్రభుత్వ కార్యాలయాల నిర్మాణానికి రూ.1500 కోట్లు కేటాయించినట్టు తెలిసింది. ఇలా ఉండగా తెలంగాణ రాష్ట్రం ఏర్పడిన తర్వాత నాలుగవసారి ప్రవేశ పెట్టబోయే బడ్జెట్ ప్రతిపాదనకు ఆదివారం సాయంత్రం ప్రగతి భవన్‌లో ముఖ్యమంత్రి కె చంద్రశేఖర్‌రావు అధ్యక్షతన జరిగిన మంత్రిమండలి ఆమోద ముద్ర వేసింది. అలాగే సభలో బడ్జెట్ ప్రవేశ పెట్టడానికి 12.06 గంటలుగా మంత్రిమండలి ముహుర్తం ఖరారు చేసింది. శాసనసభలో ఆర్థికశాఖ మంత్రి ఈటెల రాజేందర్, శాసనమండలిలో ఉప ముఖ్యమంత్రి కడియం శ్రీహరి బడ్జెట్ ప్రవేశ పెట్టనున్నారని తెలిసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.