రాష్ట్రీయం
ఆస్ట్రేలియా సహకారంతో మైనింగ్ ఇన్‌స్టిట్యూట్
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మార్చి 17: రాష్ట్రంలో అపారంగా ఉన్న ఖనిజ వనరులను వెలికితీసే ఇంజనీరింగ్ వ్యవస్థను నెలకొల్పడంతోపాటు నిపుణుల కొరతను అధిగమించడంపై ప్రభుత్వం దృష్టి సారించింది. రాష్ట్రంలో మైనింగ్ ఇన్‌స్టిట్యూట్ ఏర్పాటు చేయాలని ముఖ్యమంత్రి చంద్రబాబు నాయుడు నిర్ణయించారు. ఇందుకోసం ఆస్ట్రేలియా ప్రభుత్వ సహాయ సహకారాలు తీసుకోవాలని అధికారులకు సూచించారు. శుక్రవారం గవర్నమెంట్ ఆఫ్ వెస్ట్రన్ ఆస్ట్రేలియా ప్రతినిధులతో ముఖ్యమంత్రి ఇక్కడ సమావేశమయ్యారు. మైనింగ్‌లో తమకున్న అనుభవాన్ని ఆంధ్రప్రదేశ్ ప్రభుత్వానికి అందించేందుకు సిద్ధంగా ఉన్నామని ఈ సందర్భంగా ఆస్ట్రేలియా ప్రతినిధులు ముఖ్యమంత్రికి తెలిపారు. ఈ ప్రాంతంలో మైనింగ్ ఇన్‌స్టిట్యూట్ ఏర్పాటు చేసేలా తమ దేశంలోని కర్టిన్ యూనివర్శిటీ తగిన సహాయ సహకారాలు అందిస్తుందని చెప్పారు. వాన, వరద నీటిని సద్వినియోగం చేసుకుని గ్రీన్‌బెల్ట్ ఏర్పరిచే సాంకేతికతలో తమకు గుర్తింపు ఉందని ఆస్ట్రేలియా ప్రతినిధులు వివరించారు. ఇప్పటికే సింగపూర్, ఇజ్రాయిల్‌లో నీటి పరిరక్షణ చర్యలతో పచ్చదనాన్ని పెంపొందించామని చెప్పారు. దీనిపై ఆసక్తి కనబరిచిన ముఖ్యమంత్రి ఆంధ్రప్రదేశ్‌లో అన్ని పట్టణాలు, నగరాలతోపాటు అమరావతిలోనూ వాననీటి సంరక్షణతో గ్రీన్‌బెల్ట్ ఏర్పాటు చేసేందుకు మాస్టర్ ప్లాన్ రూపొందించాలని వారిని కోరారు. ఆంధ్రప్రదేశ్‌లో కొత్తగా ఎలక్ట్రికల్ బస్సులు ప్రవేశపెట్టేందుకు వీలుగా సాంకేతికతను అందించేందుకు తాము సిద్ధమని ఆస్ట్రేలియా ప్రతినిధులు తెలిపారు. ఒక్కసారి చార్జింగ్‌తో వెయ్యి కిలోమీటర్లు నడిచే ఎలక్ట్రికల్ బస్సులను తమ దేశంలోని ప్రైవేట్ సంస్థ తయారు చేస్తోందన్నారు. తమ దేశంలో గతంలో రోడ్డు ప్రమాదాల బారినపడి ఏడాదికి సగటున వెయ్యి మంది మృతిచెందేవారని, ఇప్పుడు ఆ సంఖ్య 250కి తగ్గిందని ఆస్ట్రేలియా బృందం పేర్కొంది. ఒక్కరు కూడా రోడ్డు ప్రమాదాల్లో చనిపోకుండా రహదారి భద్రతా వ్యవస్థను పటిష్ఠం చేస్తున్నామని చెప్పారు. ఈ తరహా వ్యవస్థను ఆంధ్రప్రదేశ్‌లోనూ ఏర్పాటు చేసేందుకు ముఖ్యమంత్రి సుముఖత వ్యక్తం చేశారు. సమావేశంలో ఆస్ట్రేలియా రాయబారి సీన్ కెల్లీ, ముఖ్యమంత్రి ముఖ్య కార్యదర్శి సాయిప్రసాద్, పెట్టుబడులు- వౌలిక వసతుల ముఖ్య కార్యదర్శి అజయ్ జైన్, గనుల శాఖ డైరక్టర్ శ్రీ్ధర్, ఈడిబి అధికారులు పాల్గొన్నారు.
చిత్రం.. విజయవాడలో సిఎం చంద్రబాబుతో సమావేశమైన ఆస్ట్రేలియా ప్రతినిధులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.