రాష్ట్రీయం
తెలంగాణ పథకాలు భేష్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 19: తెలంగాణ ప్రభుత్వం అమ లు చేస్తున్న కార్యక్రమాలు చాలా బాగున్నాయని కేరళ ముఖ్యమంత్రి పినరయి విజయన్ అభినందించారు. ఈజ్ ఆఫ్ డూయింగ్ బిజినెస్‌లో తెలంగాణ ప్రభుత్వం మొదటి స్థానంలో నిలవడానికి దోహదపడిన పారిశ్రామిక విధానాన్ని ఆయన ఆసక్తిగా తెలంగాణ ముఖ్యమంత్రి కె చంద్రశేఖర్‌రావును అడిగి తెలుసుకున్నారు. ఐటీ రంగంలో గోవా ప్రభుత్వంతో కలిసి పని చేయడానికి ఇప్పటికే తెలంగాణ ప్రభుత్వం ఒప్పందం కుదుర్చుకుందని ఐటీశాఖ మంత్రి కెటిఆర్ వివరించగా, తమ రాష్ట్రం కూడా ఒప్పందం చేసుకుంటుందని కేరళ సిఎం సంసిద్ధత వ్యక్తం చేశారు. సిపిఎం చేపట్టిన పాదయాత్ర ముగింపు సభలో పాల్గొనేందుకు ఆదివారం హైదరాబాద్‌కు వచ్చిన కేరళ సిఎం విజయన్‌ను తన నివాసానికి మర్యాద పూర్వకంగా ముఖ్యమంత్రి కెసిఆర్ ఆహ్వానించారు. ఈ సందర్భంగా ఆయనతో కలిసి సిఎం కెసిఆర్ భోజనం చేశారు. అనంతరం వారిద్దరు ఇరు రాష్ట్రాలలో అమలు జరుగుతున్న కార్యక్రమాలు, పథకాల గురించి చర్చించుకున్నారు. తెలంగాణ రాష్ట్రంలో అమలు చేస్తున్న పారిశ్రామిక విధానం, పర్యాటక, ఐటీ రంగం, భూ రికార్డుల డిజిటలైజేషన్, శాంతి భద్రతలు తదితర అంశాలపై ఇరువురి మధ్య చర్చకు వచ్చాయి. తమ ప్రభుత్వం అధికారంలోకి వచ్చిన తర్వాత ప్రవేశపెట్టిన నూతన పారిశ్రామిక విధానం (టిఎస్-ఐపాస్) బుక్‌లెట్‌ను ముఖ్యమంత్రి కెసిఆర్ విజయన్‌కు అందజేశారు. తమ రాష్ట్రంలో శాంతి భద్రతల పరిరక్షణ కోసం చేపట్టిన చర్యల వల్లనే ఇక్కడ పెట్టుబడులు పెట్టడానికి పారిశ్రామిక వేత్తలు ఆసక్తికనబరుస్తున్నారని కెసిఆర్ వివరించారు. కేరళలోని శబరిమల అయ్యప్పస్వామి దర్శనానికి తెలంగాణ నుంచి అధిక సంఖ్యలో భక్తులు వస్తుంటారని, వారి వసతి కోసం శబరిమల కొం డపై అతిథి గృహ నిర్మాణానికి ఇప్పటికే కేరళ ప్రభుత్వంతో ఒప్పందం చేసుకున్న విషయాన్ని ఈ సందర్భంగా కెసిఆర్ విజయన్ దృష్టికి తీసుకొచ్చారు. తమకు ఇప్పటిదాకా అతిథి గృహం నిర్మించడానికి స్థలాన్ని అప్పగించలేదని కెసిఆర్ గుర్తు చేశారు. ఈ అంశం ట్రావన్‌కోర్ దేవస్థానం బోర్డు పరిధిలో పెండింగ్‌లో ఉందని ఆయన వివరించగా చొరవ తీసుకొని త్వరగా కేటాయించడానికి కృషి చేయాలని ముఖ్యమంత్రి కెసిఆర్ కోరారు. భూ రికార్డుల డిజిటలైజేషన్ కోసం తమ ప్రభుత్వం తీసుకున్న చర్యలను కెసిఆర్ వివరించారు. తెల్లకాగితాలపై భూ క్రయ విక్రయాలు జరిగినా వాటికి చట్టబద్ధత కల్పించడానికి తమ ప్రభుత్వం ప్రవేశపెట్టిన సాదా బైనామాలకు మంచి స్పందన వచ్చిందని, 11.5 లక్షల దరఖాస్తులు రాగా వాటిని పరిష్కరించినట్టు సిఎం కెసిఆర్ వివరించారు. నిరుపేద కుటుంబాలలో ఆడపిల్లల పెళ్లిళ్లకు ప్రభుత్వపరంగా ఆర్థిక సాయం అందించడానికి ప్రవేశపెట్టిన కళ్యాణ లక్ష్మి పథకాన్ని కూడా విజయన్ ఆసక్తిగా అడిగి తెలుసుకున్నారు.
చిత్రం..కేరళ సిఎం పినరయి విజయన్‌కు జ్ఞాపికను అందజేస్తున్న ముఖ్యమంత్రి కేసిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.