రాష్ట్రీయం
తెలుగుదేశం జయకేతనం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మార్చి 20: ఎమ్మెల్సీ ఎన్నికల్లో అధికార తెలుగుదేశం పార్టీ విజయదుందుభి మోగించింది. స్థానిక సంస్థలకు సంబంధించిన ఎమ్మెల్సీ స్థానాలు మూడింటిలోనూ టిడిపి కైవసం చేసుకుంది. అయితే ఉపాధ్యాయులు, పట్ట్భద్రుల నియోజకవర్గాల్లో అధికారపక్షానికి ఎదురుగాలి వీస్తోంది. ఇక్కడ ప్రతిపక్ష అభ్యర్థులు విజయపథంవైపు దూసుకెళుతున్నారు. అర్ధరాత్రి వరకు ఓట్ల లెక్కింపు కొనసాగుతోంది. కడప, కర్నూలు, నెల్లూరు జిల్లాల్లో స్థానిక సంస్థల నుంచి తెలుగుదేశం అభ్యర్థులు విజయదుందుభి మోగించారు. కడపలో వైకాపా అభ్యర్థి వైఎస్ వివేకానందరెడ్డిపై బిటెక్ రవి 33 ఓట్లతో గెలిచినప్పటికీ, విపక్ష నేత జగన్ కంచుకోటలో అధికార పార్టీ పాగా వేసినట్లయింది. నెల్లూరులో వైకాపా అభ్యర్థి ఆనం విజయకుమార్‌రెడ్డిపై వాకాటి నారాయణరెడ్డి, కర్నూలులోనూ వైకాపా అభ్యర్థి గౌర వెంకటరెడ్డిపై శిల్పా చక్రపాణి గెలవటం జగన్ శిబిరాన్ని తీవ్రంగా నిరాశపరిచింది. మరోవైపు పట్ట్భద్రులు, ఉపాధ్యాయుల ఎమ్మెల్సీ ఎన్నికల్లో మాత్రం అధికారపక్షానికి ఊహించినంత సానుకూల ఫలితాలు రావటం లేదు. ఓట్ల సంఖ్య భారీగా ఉండటంతో అర్ధరాత్రి దాటిన తరువాత కూడా లెక్కింపు కొనసాగుతోంది. విశాఖ, శ్రీకాకుళం, విజయనగరం జిల్లాలతో కూడిన పట్ట్భద్రుల నియోజకవర్గం ఎన్నికల్లో మొదటి రౌండ్ పూర్తయ్యే సమయానికి సిట్టింగ్ ఎమ్మెల్సీ, పిడిఎఫ్ అభ్యర్థి ఎంవిఎస్ శర్మపై బిజెపి అభ్యర్థి పివి మాధవ్ 700 ఓట్ల ఆధిక్యతతో ఉన్నారు. నెల్లూరు, చిత్తూరు, ప్రకాశం జిల్లాలతో కూడిన పట్ట్భద్రుల నియోజకవర్గంలో సిట్టింగ్ ఎమ్మెల్సీ విఠలపు సుబ్రహ్మణ్యం, ఉపాధ్యాయ నియోజకవర్గం నుంచి నారాయణ సంస్థల అభ్యర్థి పట్ట్భా రామిరెడ్డి విజయపథంలో ఉన్నారు. ఇక కర్నూలు, కడప, అనంతపురం జిల్లాలతో కూడిన పట్ట్భద్రుల నియోజకవర్గంలో హోరాహోరీ పోరు కొనసాగుతున్నది. టిడిపి అభ్యర్థి టిజె రెడ్డి, వైసిపి అభ్యర్థి వెన్నపూస గోపాలరెడ్డి, సిట్టింగ్ పిడిఎఫ్ అభ్యర్థి గేయానంద్ మధ్య గట్టి పోటీ నెలకొనగా గోపాల్‌రెడ్డి ఆధిక్యతతో ఉన్నారు. ఉపాధ్యాయ నియోజకవర్గం నుంచి పిడిఎఫ్ అభ్యర్థి కత్తి నరసింహారెడ్డి గెలుపొందారు. అయితే అధికారికంగా ప్రకటించాల్సి ఉంది. ఇక్కడ వైకాపా అభ్యర్థి ఒంటేరు శ్రీనివాసరెడ్డి, తెలుగుదేశం అభ్యర్థి టి.పుల్లయ్య ఓటమి పాలయ్యారు.
చిత్రం..కడప ఎమ్మెల్సీగా ఎన్నికైన బిటెక్ రవి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.