రాష్ట్రీయం
తోసుకున్నారు.. తిట్టుకున్నారు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (పటమట) మార్చి 21: అమరావతి అసెంబ్లీ మీడియా పాయింట్ వద్ద మంగళవారం ఉదయం టిడిపి, వైకాపా మహిళా ఎమ్మెల్యేలు తోపులాటకు దిగి రగడ సృష్టించారు. మహిళా సమస్యలను టిడిపి ప్రభుత్వం చిత్తశుద్ధితో పరిష్కరిస్తోందంటూ మంత్రి పీతల సుజాత, ఎమ్మెల్యేలు అనిత, మీసాల గీత, తంగిరాల సౌమ్య మీడియా పాయింట్ వద్ద మాట్లాడుతుండగా వైకాపా ఎమ్మెల్యేలు గిడ్డి ఈశ్వరి, కళావతి, పుష్ప శ్రీవాణి, రాజేశ్వరి అక్కడికి చేరుకున్నారు. మహిళా సమస్యలను తాను సభలో ప్రస్తావిస్తుంటే మైక్ కట్ చేయటం వల్లనే విధిలేని పరిస్థితుల్లో మీడియా పాయింట్ వద్దకు రావాల్సివచ్చిందని ఈశ్వరి చెప్పారు. పక్కనే వున్న టిడిపి ఎమ్మెల్యేలు జోక్యం చేసుకోటంతో గందరగోళం నెలకొంది. రెండు వర్గాల మధ్య వాగ్వాదం చోటు చేసుకుంది. ఇరుపక్షాల మహిళా ఎమ్మెల్యేలు ఎవరికి వారు మీడియా పాయింట్ వద్ద మహిళా సమస్యలపై గళం విప్పటం తీవ్ర గందరగోళానికి దారితీయటంతో ఎవరు ఏమి మాట్లాడుతున్నారో అర్థంకాని పరిస్థితి నెలకొంది. ప్రతిపక్ష, అధికారపక్ష ఎమ్మెల్యేల సవాళ్ళు, ప్రతిసవాళ్ల మధ్య వాతావరణం వేడెక్కింది. ఈలోగా డిడిపి ఎమ్మెల్యేలు కెఏ నాయుడు, జవహర్ తదితరులు మహిళా మార్షల్స్‌ను మీడియా పాయింట్ వద్దకు తీసుకొచ్చారు. మహిళా మార్చల్స్ అధికార, ప్రతిపక్ష మహిళా ఎమ్మెల్యేలకు నచ్చజెపి శాంతింపచేశారు. అనంతరం గిడ్డి ఈశ్వరి మాట్లాడుతూ మహిళలపై దాడులు, అత్యచారాలు పెరిగిపోయినా తెలుగుదేశం ప్రభుత్వం ఎలాంటి చర్యలు తీసుకోవటం లేదని ప్రభుత్వ తీరును ఎండగట్టారు. ఎమ్మార్వో వనజాక్షిపై అధికార పార్టీ ఎమ్మెల్యే చింతమనేని ప్రభాకర్ దాడి చేసినా, రిషితేశ్వరి ర్యాగింగ్‌కు బలైపోయినా, నారాయణ కళాశాలలో విద్యార్థినులు ఆత్మహత్యలు చేసుకుంటున్నా, విజయవాడలో కాల్‌మనీ వ్యాపారుల విషకోరల్లో మహిళలు లైంగికంగా నలిగిపోయినా, గుంటూరు జిల్లాలో ఎస్సీ మహిళా సర్పంచ్‌ను సభకు రానీయకుండా బంధించినా చంద్రబాబు ప్రభుత్వం చర్యలు తీసుకోలేదని ధ్వజమెత్తారు. విజయవాడలో మహిళా పార్లమెంట్ సదస్సుకు ఎమ్మెల్యే ఆర్‌కె రోజాను ఆహ్వానించిన ప్రభుత్వం పోలీసు వ్యాన్‌లో ఎక్కించి ఊరూరా తిప్పినమాట వాస్తవం కాదా? అని ప్రశ్నించారు. ఏడాది పాటు రోజాను అసెంబ్లీకి రాకుండా చంద్రబాబు ప్రభుత్వం సస్పెండ్ చేసిన సంగతి మర్చిపోయి మహిళలకు చంద్రబాబు ప్రభుత్వం పెద్దపీట వేస్తోందని శాసనసభలో మంత్రులు చెప్పటం వేదాలు దెయ్యాలు వల్లించినట్లుగా ఉందన్నారు. ఈలోగా పక్కనే వున్న టిడిపి ఎమ్మెల్యే అనిత మైక్‌లను లాక్కోవటంతో మళ్లీ వాతావరణం వేడెక్కింది. మహిళా మార్షల్స్ వైకాపా ఎమ్మెల్యేలను అక్కడి నుంచి పంపించేశారు. అనంతరం మంత్రి పీతల సుజాత మాట్లాడుతూ వైఎస్ రాజశేఖరరెడ్డి హయాంలో విజయవాడ ఇబ్రహీంపట్నంలో ఆయేషా మీరాను హత్యచేసినా, విజయవాడలో చిన్నారి నాగవైష్ణవిని నిప్పుల కొలిమిలో వేసి నిర్దాక్షిణ్యంగా చంపినా, వరంగల్‌లో ప్రణీత అనే మహిళపై యాసిడ్ దాడి చేసినా నాటి ప్రభుత్వం ఏమి చర్యలు తీసుకుందని ప్రశ్నించారు. ఐఎఎస్ అధికారిణి శ్రీలక్ష్మిని జైలుపాలు చేసింది వైఎస్ ప్రభుత్వం కాదా అని నిలదీశారు. చంద్రబాబు ఆర్‌కె రోజాకు రాజకీయ భవిష్యత్తునిస్తే ఆమె చంద్రబాబు పట్ల ఎలా మాట్లాడుతోందో లోకానికి తెలుసునన్నారు. మరో టిడిపి ఎమ్మెల్యే అనిత మాట్లాడుతూ వైసీపీది కండబలం అయితే మాది నైతిక బలం అన్నారు. ఏదిఏమైనా అధికార,ప్రతిపక్ష మహిళా శాసనసభ్యులు అసెంబ్లీ మీడియా పాయింట్ వద్ద ప్రవర్తించిన తీరును చూసి ప్రజలు ముక్కున వేలేసుకుంటున్నారు.
చిత్రం..అసెంబ్లీ మీడియా పాయింట్ వద్ద వాగ్వాదం, తోపులాటకు దిగిన టిడిపి, వైకాపా మహిళా ఎమ్మెల్యేలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.