రాష్ట్రీయం
హెచ్‌సిఎ నిధులు ‘ఫలహారం’!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 23: భారత్- బంగ్లాదేశ్ మ్యాచ్ సందర్భంగా హైదరాబాద్ క్రికెట్ అసోసియేషన్ నాలుగు రోజులకు అల్పాహారం, భోజనం నిమిత్తం రూ. 75.78 లక్షలు ఖర్చు పెట్టడాన్ని హైకోర్టు తప్పుబట్టింది. ఈ మ్యాచ్ సందర్భంగా ఉప్పల్ స్టేడియం కెపాసిటీలో 25 శాతం కాంప్లిమెంటరీ పాస్‌లు ఇవ్వడాన్ని కూడా హైకోర్టు తప్పుబట్టింది. హెచ్‌సిఏ వ్యవహారాలపై తాము పరిశీలించిన అంశాలను హైకోర్టుకు తెలియచేస్తూ, హైదరాబాద్‌లో ఐపిఎల్ 2017 మ్యాచ్‌ల నిర్వహణకు పర్యవేక్షకుడు లేదా పరిశీలకుడిని నియమించాలంటూ బిసిసిఐ పిటిషన్ దాఖలు చేసింది. ఈ పిటిషన్‌ను విచారించిన హైకోర్టు నాలుగు రోజుల మ్యాచ్ సందర్భంగా హెచ్‌సిఏ అనవసరంగా నిధులు ఖర్చుపెట్టిందని హైకోర్టు ధర్మాసనం పేర్కొంది. తెలంగాణలో యువతకు క్రికెట్‌పై శిక్షణ ఇచ్చేందుకు ఈ సొమ్ము ను ఉపయోగించి ఉండాల్సిందని పేర్కొం ది. మ్యాచ్ జరిగిన
నాలుగు రోజుల పాటు రోజుకు రెండు వేల మంది పోలీసులను స్టేడియంలో నియమించారని, ఈ విషయాన్ని కూడా హెచ్‌సిఏ పట్టించుకోలేదని కోర్టు వ్యాఖ్యానించింది. పోలీసులు ఎంత మంది అవసరమో కూడా హెచ్‌సిఏ గుర్తించలేకపోయిందంటూ తీవ్ర స్వరంతో వ్యాఖ్యానించింది. పైగా బ్రేక్‌ఫాస్ట్, లంచ్‌కు ఇంత పెద్ద మొత్తంలో సొమ్మును ఖర్చుపెట్టడాన్ని సమర్ధించుకోవడంపై విస్మయం వ్యక్తం చేసింది. స్టేడియం కెపాసిటీ 39 వేల సీట్లు అయితే, హెచ్‌సిఏ దాదాపు 11500 కాంప్లిమెంటరీ పాస్‌లు ఇచ్చిందని బిసిసిఐ కోర్టుకు తెలిపింది. కాగా హెచ్‌సిఏ మాత్రం తాము 3860 కాంప్లిమెంటరీ పాస్‌లు ఇచ్చామని, జస్టిస్ ఆర్‌ఎం లోధా కమిటీ సిఫార్సుల మేరకు పది శాతం లోపు పాస్‌లు ఇచ్చామన్నారు. బిసిసిఐ సూచనల మేరకు ఐదు వేల మంది విద్యార్ధులకు పాస్‌లు ఇచ్చామని హెచ్‌సిఏ కోర్టుకు తెలిపింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.