రాష్ట్రీయం
నిరూపిస్తే...రాజీనామా
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, మార్చి 23:అగ్రిగోల్డ్ ఆస్తులపై గురువారం విపక్ష నేత జగన్‌కూ, మంత్రి ప్రత్తిపాటికీ మధ్య వాగ్వాదం జరిగింది. అగ్రిగోల్డ్ భూములను మంత్రి భార్య కొన్నారని జగన్ ఆరోపించగా, నిరూపిస్తే పదవికి రాజీనామా చేస్తానని ప్రత్తిపాటి సవాల్ చేశారు. తొలుత జగన్ మాట్లాడుతూ అగ్రిగోల్డు ఆస్తులను కారుచౌకగా కొనుగోలు చేస్తున్నారని, అటాచ్ మెంట్ అయిన ఆస్తులను స్వాధీనం చేసుకుంటున్నారని ప్రతిపక్ష నేత వైఎస్ జగన్మోహన్‌రెడ్డి ఆరోపించారు. మంత్రి ప్రత్తిపాటి పుల్లారావు సతీమణి వెంకాయమ్మకు ఈ వ్యవహారంతో ప్రమేయం ఉందన్నారు. అగ్రిగోల్డ్‌కు చెందిన 14 ఎకరాల భూమిని 2014లో మంత్రి భార్య కొనుగోలు చేశారని, హాయ్‌లాండ్‌ను స్వాధీన పరచుకునే ప్రయత్నాలు జరుగుతున్నాయని గురువారం శాసనసభలో ఆందోళన వ్యక్తంచేశారు. దీంతో సభలో గందరగోళం నెలకొంది. అధికార, ప్రతిపక్ష సభ్యుల పరస్పర ఆరోపణలతో దద్దరిల్లింది. అగ్రిగోల్డు చైర్మన్‌కు సమీప బంధువైన దినకర్, వెంకటాద్రి, సీతారాంల వద్ద నుంచి ఈ భూమిని మంత్రి తన భార్య వెంకాయమ్మ రిజిస్టర్ చేయించుకున్నారని దీనిపై వివరణ ఇవ్వాలని డిమాండ్ చేశారు. వెంకటాద్రి ట్రేడకు చెందిన 4.03 ఎకరాలు, సీతారాం భార్య పుష్పలత పేరిట ఉన్న 3.78 ఎకరాలు, బ్రహ్మంగారి మఠంలో ఓ చిన్నారి పేరిట ఉన్న భూములు అమ్ముకున్నారని తెలిపారు. దీనిపై జ్యుడిషియల్ విచారణ జరపాలని పట్టుపట్టారు.
మంత్రి ప్రత్తిపాటి మాట్లాడుతూ అగ్రిగోల్డు కంపెనీ అటాచ్‌మెంట్ భూములు తాను కొనుగోలు చేసినట్లు నిరూపిస్తే మంత్రి పదవికి రాజీనామా చేస్తాననీ, లేకపోతే మీరు రాజీనామా చేస్తారా అని మంత్రి ప్రత్తిపాటి జగన్‌కు సవాల్ విసిరారు. గత సమావేశాల్లో ఇదే రకంగా చాలెంజ్ చేస్తే జగన్ సభ నుంచి పరారయ్యారని మంత్రి ఎద్దేవా చేశారు. తాను ముగ్గురు వ్యక్తుల వద్ద నుంచి చట్టబద్ధంగా భూములు కొనుగోలు చేశానని వివరించారు. ప్రతిపక్ష నేత చేసిన ఆరోపణలపై సభాసంఘాన్ని నియమించి విచారణ జరపాలని డిమాండ్ చేశారు.
చిత్రాలు.. జగన్, ప్రత్తిపాటి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.