రాష్ట్రీయం
ఏడాదిలో లక్ష ఇళ్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 28: ఒక్క గ్రేటర్ పరిధిలోనే ఈ ఏడాది లక్ష ఇళ్లు పూర్తి చేస్తామని గృహ నిర్మాణ మంత్రి ఇంద్రకరణ్‌రెడ్డి, మున్సిపల్ వ్యవహారాల మంత్రి కె తారక రామారావు ప్రకటించారు. నగరంలో డబుల్ బెడ్‌రూమ్ ఇళ్ల నిర్మాణంపై మంత్రులు మంగళవారం సమీక్ష నిర్వహించారు. రంగారెడ్డి, హైదరాబాద్, మేడ్చల్, జిల్లాల కలెక్టర్లు, జంట నగరాల ఎమ్మెల్యేలు, గృహ నిర్మాణ శాఖ, జిహెచ్‌ఎంసి అధికారులు పాల్గొన్నారు. గృహ నిర్మాణం వేగవంతం చేసేందుకు జిహెచ్‌ఎంసి తరఫున బిల్డర్లకు కావాల్సిన రాయితీలు ఇచ్చినట్టు కెటిఆర్ వెల్లడించారు. ఎమ్మెల్యేలు నేరుగా వర్కింగ్ ఏజెన్సీలతో మాట్లాడడం వల్ల అనేక కంపెనీలు డబుల్ బెడ్‌రూమ్ ఇళ్ల నిర్మాణానికి ముందుకొస్తున్నారని అన్నారు. ప్రస్తుత ఆర్థిక సంవత్సరంలో లక్ష ఇళ్ల నిర్మాణం ప్రారంభించి, వచ్చే ఏడాదికి పూర్తి చేయడమే లక్ష్యంగా పెట్టుకున్నామన్నారు. ఇప్పటికే 16.5 వేల ఇళ్లకు టెండర్ల ప్రక్రియ పూరె్తైందని, అనేక చాలాచోట్ల పనులు మొదలయ్యాయన్నారు. మరో 16వేల ఇళ్లకు త్వరలో టెండర్లు పిలుస్తామన్నారు. మిగిలిన సుమారు 70 వేల ఇళ్లకు ఒకేసారి టెండర్లకు అనుమతి తీసుకుంటామని చెప్పారు. ఇళ్ల నిర్మాణాల పనులను నేరుగా పర్యవేక్షిస్తామని, త్వరలోనే మరిన్ని చోట్ల మంత్రులతో కలిసి పనులకు శంకుస్థాపన చేస్తామని మంత్రులు చెప్పారు. నగరంలోని ఎమ్మెల్యేలు తమ తమ నియోజక వర్గాల్లో ఖాళీ స్థలాలను డబుల్ బెడ్‌రూమ్ ఇళ్ల నిర్మాణానికి గుర్తించాలని మంత్రులు సూచించారు. మురికివాడల్లో పేదలను చైతన్యపరుస్తూ అక్కడ డబుల్ బెడ్‌రూమ్ ఇళ్ల నిర్మాణం జరిగేలా చూడాలన్నారు. నగరంలో హౌసింగ్ కోసం ప్రత్యేకంగా మేనేజ్‌మెంట్ యూనిట్ ఏర్పాటు చేయాలని ఆ శాక మంత్రి ఇంద్రకరణ్‌రెడ్డిని మంత్రి కెటిఆర్ కోరారు. వెంటనే జిహెచ్‌ఎంసి
అధికారులతో ప్రత్యేక సమావేశం నిర్వహించాలని గృహ నిర్మాణ శాఖ అధికారులకు మంత్రి ఆదేశించారు. హైదరాబాద్‌తోపాటు ఇతర ప్రాంతల్లోనూ ఇళ్ల నిర్మాణం వేగవంతం చేస్తామని ఇంద్రకరణ్‌రెడ్డి తెలిపారు. డబుల్ బెడ్‌రూమ్ ఇళ్లను అమ్ముకోవడానికి వీల్లేకుండా నిబంధన చేర్చాలని మున్సిపల్ వ్యవహారాల మంత్రి కెటిఆర్ గృహ నిర్మాణ మంత్రి ఇంద్రకరణ్‌రెడ్డికి సూచించారు. కుటుంబానికి భరోసానిచ్చేలా డబుల్ బెడ్‌రూమ్ ఇళ్లు ఉండాలని, అమ్ముకోవడానికి వీల్లేకుండా నిబంధనలు కఠినతరం చేయాలని సూచించారు. ఈ నిబంధన లేకపోతే పేదల జీవితాల్లో మార్పు సాధ్యంకాదని, ఈ ఇళ్లలో వాళ్లు జీవించినప్పుడే వారి సామాజిక స్థాయిలో మార్పు వస్తుందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.