రాష్ట్రీయం
గడువు వరకే..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 31: జాతీయ, రాష్ట్ర హైవేలపై ప్రస్తుతం కొనసాగుతున్న మద్యం షాపులు, బార్లకు లైసెన్స్‌ల గడువు ముగిసే వరకు అనుమతినిస్తూ సుప్రీంకోర్టు శుక్రవారం తీర్పు వెలువరించింది. జాతీయ, రాష్ట్ర రహదారులపై ఉన్న మద్యం షాపులు, బార్లను ఏప్రిల్-1, 2017లోగా ఇతర చోట్లకు తరలించాలని గత డిసెంబర్‌లో సుప్రీంకోర్టు ఆదేశించిన విషయం తెలిసిందే. ఈ ఆదేశాలపై తమకు కొంత వ్యవధి ఇవ్వాలని తెలుగు రాష్ట్రాలతో సహా ఇతర రాష్ట్రాలు సుప్రీంకోర్టును ఆశ్రయించాయి. దీనిపై తీర్పును గురువారం రిజర్వు చేసిన సుప్రీంకోర్టు ప్రధాన న్యాయమూర్తి జస్టిస్ జెఎస్ ఖేల్‌కర్, న్యాయమూర్తులు జస్టిస్ డివై చండ్రచూడ్, ఎల్‌ఎన్ రావుతో కూడిన ధర్మాసనం శుక్రవారం తీర్పును వెలువరించింది. గతంలో సుప్రీంకోర్టు జారీ చేసిన ఆదేశాలపై తెలుగు రాష్ట్రాలకు కొంత వెసులుబాటు కల్పించింది. తెలంగాణలో మద్యం షాపులు, బార్ల లైసెన్స్‌ల గడువు ముగిసే సెప్టెంబర్ 30వరకు, ఆంధ్రప్రదేశ్‌లో లైసెన్స్‌ల గడువు ముగిసే జూన్ 30 వరకు యధాతథంగా కొనసాగించే అవకాశాన్ని సుప్రీంకోర్టు ఇచ్చింది. అయితే ఈ వెసులుబాటు గత డిసెంబర్ 15న తమ ఆదేశాల జారీకి ముందునుంచి కొనసాగుతున్న షాపులు, బార్లకు మాత్రమే వర్తిస్తుందని సుప్రీంకోర్టు స్పష్టం చేసింది. జాతీయ, రాష్ట్ర రహదారులకు 500 మీటర్ల పరిధిలో కొత్త మద్యం షాపులు, బార్లకు అనుమతి ఇవ్వకూడదని కూడా సుప్రీంకోర్టు ఆదేశించింది. జాతీయ, రాష్ట్ర రహదారులకు 500 మీటర్ల పరిధిలో మద్యం షాపులు, బార్లు ఉండరాదన్న నిబంధన నుంచి 20 వేల జనాభా కలిగి ఉన్న పట్టణాలకు కొంత వెసులుబాటు కల్పిస్తున్నట్టు సుప్రీంకోర్టు పేర్కొంది. ఇలాంటి పట్టణాలలో 500 మీటర్ల పరిధిని 220 మీటర్లుగా సడలింపు ఇచ్చింది. భౌగోళిక స్వరూపం దృష్ట్యా పర్వత ప్రాంత రాష్ట్రాలు అయిన సిక్కిం, మేఘాలయ రాష్ట్రాలకు ఈ నిబంధన వర్తించదని సుప్రీంకోర్టు వెసులుబాటు కల్పించింది. మద్యం షాపులు, బార్లకు ఇప్పటికే లైసెన్స్‌లు జారీ చేయడంతో వాటిని ఇతర చోటికి తరలించడం వల్ల రాష్ట్ర ప్రభుత్వానికి రావాల్సిన ఆదాయాన్ని కోల్పొవాల్సి వస్తుందని, ఫలితంగా దీని ప్రభావం తమ రాష్ట్రాల్లో అమలు చేస్తున్న సంక్షేమ పథకాలపై పడుతుందని సుప్రీంకోర్టుకు తెలుగు రాష్ట్రాలు చేసిన వినతి మేరకు వాటి గడువు ముగిసే వరకు కొనసాగించుకునేందుకు సుప్రీంకోర్టు కల్పించిన వెసులుబాటుతో తెలుగు రాష్ట్రాలకు ఊరట లభించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.