రాష్ట్రీయం
ముగిసిన ఎస్బీహెచ్ శకం!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 1: చరిత్రలో ఎస్బీహెచ్ శకం ముగిసిపోయింది. 76 ఏళ్ల ప్రస్థానాన్ని ముగించుకుని ఎస్బీఐలో విలీనమైన ఎస్‌బిహెచ్ ఖాతాదారులకు ఓ జ్ఞాపకంగా మాత్రమే మిగలనుంది. 1941 ఆగస్టు 8న హైదరాబాద్ స్టేట్ బ్యాంక్‌గా మొగ్గతొడిగి, 76 ఏళ్ల ప్రయాణంలో ఎన్నో రికార్డులు సాధించుకుని చివరకు ఎస్‌బిఐలో విలీనమైంది. విలీన ప్రక్రియ పూరె్తై శనివారం ఉదయానికి లోగోలు సైతం మారిపోవడంతో, ఎస్బీహెచ్ ఉద్యోగులు, ఖాతాదారుల్లో ఒక రకమైన ఉద్వేగపూరిత భావన కనిపించింది. ఎస్బీఐలో విలీన ప్రక్రియ గత మూడేళ్లుగా కొనసాగుతుండటం, దానికి సంబంధించి వేగవంతమైన ప్రయత్నాలు జరగటంతో ఎస్బీహెచ్ స్వర్ణోత్సవాలను సైతం పెద్దఎత్తున నిర్వహించలేదు. నిజానికి ఎస్బీఐలో విలీన ప్రక్రియవల్ల పదోన్నతులకు అవకాశాలు మెరుగుపడతాయి. కానీ ఇంతకాలం ఎస్బీహెచ్ అనే పేరును గర్వంగా చెప్పుకునే వాళ్లం. ఇప్పుడా పేరు మాయంకావడం ఏదో తెలీని వెలితిగా అనిపిస్తోంది’ అని ఎస్బీహెచ్ అధికారులు, సిబ్బంది అంటున్నారు. ఆధునిక హైదరాబాద్ నిర్మాతగా చరిత్రలో నిలిచిపోయిన మీరు ఉస్మాన్ అలీ ఖాన్ 1941లో హైదరాబాద్ స్టేట్ బ్యాంక్ యాక్ట్ ప్రకారం హైదరాబాద్ స్టేట్ బ్యాంక్‌ను ఏర్పాటు చేశారు. అప్పటి నిజాం రాజ్య కరెన్సీ ఉస్మానియా సిక్కాను ఈ బ్యాంక్ నిర్వహించేది. ప్రస్తుత తెలంగాణ జిల్లాలతోపాటు హైదరాబాద్ రాష్ట్రంలోని కొన్ని కర్నాటక ప్రాంతాలు, మహారాష్టల్రోని మరట్వాడ ప్రాంతాల్లో ఈ కరెన్సీ చెలామణిలో ఉండేది. ఆ కరెన్సీతోనే బ్యాంకు కార్యకలాపాలు సాగేవి. ప్రస్తుతం గన్‌ఫౌండ్రీలోని ప్రధాన కార్యాలయంలోనే ఏప్రిల్ 5, 1942లో పూర్తిస్థాయి బ్యాంకు కార్యాలయం ఆవిర్భవించింది. హైదరాబాద్ స్టేట్ బ్యాంక్‌కు తొలి కార్యదర్శిగా మహమ్మద్ సలేహ అక్బర్ హైదరీ వ్యవహరించారు. ఆపరేషన్ పోలో తరువాత హైదరాబాద్‌ను భారత సైన్యం స్వాధీనం చేసుకునే నాటికి 50 శాఖలుండేవి. రాజాపన్నాలాల్ పిట్టి 1935లో ఏర్పాటు చేసిన మర్కంటైల్ బ్యాంక్ ఆఫ్ హైదరాబాద్‌ను 1953లో హైదరాబాద్ స్టేట్ బ్యాంక్‌లో విలీనం చేశారు. 1953నుంచి రిజర్వ్ బ్యాంక్ ఆఫ్ ఇండియా ఏజెంట్‌గా ప్రభుత్వ, ట్రెజరీ ఆర్థిక వ్యవహారాలు నిర్వహించడం మొదలైంది. 1956లో హైదరాబాద్ స్టేట్ బ్యాంక్‌ను ఆర్బీఐ స్వాధీనం చేసుకుని స్టేట్ బ్యాంక్ ఆఫ్ హైదరాబాద్‌గా పేరు మార్చింది.
ఎస్బీఐలో ఇతర బ్యాంకులను విలీనం చేయాలనే ప్రక్రియ 2016 నుంచీ వేగవంతమై ప్రస్తుత మార్చి 31నాటికి ముగిసింది. ఎస్బీహెచ్, స్టేట్ బ్యాంక్ ఆఫ్ ట్రావెన్‌కోర్, స్టేట్ బ్యాంక్ ఆఫ్ మైసూర్, స్టేట్ బ్యాంక్ ఆఫ్ పటియాలా, స్టేట్ బ్యాంక్ ఆఫ్ బికనీర్ అండ్ జైపూర్, భారతీయ మహిళా బ్యాంకులు ఎస్బీఐలో విలీనమయ్యాయి. బ్యాంకింగ్ రంగంలో దేశంలోనే అతి పెద్ద విలీన ప్రక్రియగా దీన్ని గుర్తిస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.