రాష్ట్రీయం
వైభవంగా అగ్నిప్రతిష్ఠ, ధ్వజారోహణం
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం, ఏప్రిల్ 3: భద్రాద్రి కొత్తగూడెం జిల్లా భద్రాచలం శ్రీ సీతారామచంద్రస్వామి బ్రహ్మోత్సవాల్లో భాగంగా సోమవారం అగ్నిప్రతిష్ఠ, ధ్వజారోహణం వైభవంగా, కన్నులపండువగా జరిగాయి. ముందుగా ఉదయం స్వామికి గర్భగుడిలో సుప్రభాత సేవ చేశారు. ముత్యాలు పొదిగిన వస్త్రాలతో అలంకరించి ముత్తంగి సేవ చేశారు. బాలభోగం సమర్పించారు. అనంతరం యాగశాలలో అగ్నిమథనం కార్యక్రమం వేదోక్తంగా ప్రారంభించి, మథించిన అగ్నిని గర్భగుడిలో మూలవరులకు చూపించి ఆశీర్వచనం తీసుకుని యాగశాలలోని హోమగుండంలో ప్రతిష్ఠించారు. తర్వాత గరుత్మంతుడి చిత్రపటాన్ని మంగళవాయిద్యాల మధ్య స్వామి వెంట ధ్వజస్తంభం వద్దకు తీసుకెళ్లారు. స్వామి సన్నిధిలో గరుత్మంతుడికి ప్రత్యేకారాధనలు చేసి గరుడ ముద్దలను నైవేద్యంగా పెట్టారు. అనంతరం వాటిని సంతానం లేని మహిళలకు పంపిణీ చేశారు. మూలవరులను దర్శించుకున్న మహిళలు గరుడ ముద్దలను ఆలయం వెనుక భాగంలోకి తీసుకెళ్లి తిన్నారు. దీనివల్ల వారికి సంతానప్రాప్తి కలుగుతుందని శాస్త్రం. గరుత్మంతుడి చిత్రపటాన్ని భక్తుల జయజయధ్వానాల మధ్య ధ్వజస్తంభం పైకి అధిరోహించారు. కన్నులపండువగా ధ్వజావరోహణం జరిగింది. పెద్దసంఖ్యలో భక్తులు పాల్గొని తీర్థప్రసాదాలు స్వీకరించారు.
చిత్రం..ధ్వజస్తంభం వద్ద గరుత్మంతుడికి పూజలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.