రాష్ట్రీయం
అగ్రిగోల్డ్ ఆస్తులు 233
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 4: ఆకర్షణీయమైన వడ్డీలతో ప్రజల నుంచి కోట్లాదిరూపాయల డిపాజిట్లు వసూలు చేసి కుచ్చుటోపీ పెట్టిన అగ్రిగోల్డ్ కేసు కొత్త మలుపు తిరిగింది. ఈ కేసులో అగ్రిగోల్డ్‌కు చెందిన 233 ఆస్తులను ఏపి సిఐడి అధికారులు గుర్తించారు. వీటి విలువ రూ. 2700 కోట్లని సిఐడి పేర్కొంది. ఆస్తుల వివరాల జాబితాను సిఐడి అధికారులు హైకోర్టుకు మంగళవారం సమర్పించారు. అగ్రిగోల్డ్‌కు చెందిన 9 ఆస్తుల మార్కెట్ విలువను అధ్యయనం చేశామని, గుంటూరు-విజయవాడ మధ్య ఉన్న హాయ్‌లాండ్ ఆస్తుల విలువ రూ. 600కోట్లని కోర్టుకు ఇచ్చిన నివేదికలో పేర్కొన్నారు. చినకాకాని వద్ద ఉన్న హాయ్ ల్యాండ్ రిసార్ట్స్ 85.13ఎకరాల్లో విస్తరించి ఉన్నట్లు కనుగొన్నామని సిఐడి పేర్కొంది. విజయవాడలో అగ్రిగోల్డ్ కంపెనీకి 12,543 గజాల స్ధలం, కృష్ణా జిల్లాలో కీసర వద్ద 324 ఎకరాల స్ధలం ఉందని సిఐడి పేర్కొంది. ఫ్రకాశం జిల్లా టంగుటూరు వద్ద క్లారియన్ విద్యుత్ సంస్ధకు చెందిన 51.26 ఎకరాలు, అదే జిల్లాలో హసనపురం వద్ద సింగరాయ గ్రీన్ పవర్ జెన్కో కార్పోరేషన్ వద్ద 741.12 ఎకరాలు, రాజమండ్రిలో ఓపెన్ ప్లాట్లు 40.99 ఎకరాలు, చిత్తూరు జిల్లాలో 141.15 ఎకరాలు, కృష్ణా జిల్లాలో నూజివీడు వద్ద 110 ఎకరాలు, నెల్లూరు జిల్లాలో 570.75 ఎకరాల స్థలం ఉందని సిఐడి నివేదికలో పేర్కొంది.
తొలి దశలో గుర్తించిన 9 ఆస్తులను హైకోర్టు అనుమతి ఇచ్చిన తర్వాత వేలం వేస్తామని సిఐడి పేర్కొంది. ఆంధ్రప్రదేశ్‌లో వేరువేరు ప్రాంతాల్లో మరో 224 ఆస్తులు ఉన్నట్లు తమ దర్యాప్తులో వెల్లడైందని సిఐడి పేర్కొంది. తెలంగాణ సిఐడి అధికారులు కూడా తాము రాష్ట్రంలో అగ్రిగోల్డ్ ఆస్తులను గుర్తించే పనిని ప్రారంభించామని, కోర్టుకు త్వరలోనే నివేదిక ఇస్తామని తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.