రాష్ట్రీయం
ఏపీ ఎంసెట్‌కు 2.76 లక్షల దరఖాస్తులు
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, ఏప్రిల్ 11: ఏపీ ఎంసెట్-2017కు ఇప్పటివరకు 2 లక్షల 76వేల 583 దరఖాస్తులు దాఖలయ్యాయి. గడువు తేదీలోగా దరఖాస్తుల సంఖ్య మరింత పెరిగే అవకాశం ఉన్నట్టు ఎపి ఎంసెట్ కన్వీనర్, జెఎన్‌టియుకె రిజిస్ట్రార్ డాక్టర్ సిహెచ్ సాయిబాబు చెప్పారు. ఇంజనీరింగ్ పరీక్షలను ఈ నెల 24, 25, 26 తేదీలలోను, అగ్రికల్చర్ పరీక్షలను ఈనెల 28వ తేదీన నిర్వహించడానికి వర్సిటీ ఏర్పాట్లుచేస్తోంది. ప్రవేశ పరీక్షలు ఉదయం 10 గంటల నుండి మధ్యాహ్నం ఒంటి గంట వరకు, మధ్యాహ్నం 2.30 గంటల నుండి సాయంత్రం 5.30 గంటల వరకు నిర్వహిస్తారు. ప్రవేశ పరీక్ష తేదీలు సమీపిస్తున్న నేపథ్యంలో, ప్రస్తుతం దరఖాస్తులను అపరాధ రుసుంతో స్వీకరిస్తున్నారు. అపరాధ రుసుం లేకుండా దరఖాస్తులను మార్చి 21వ తేదీ వరకు స్వీకరించారు. మార్చి 26వరకు రూ.500, ఏప్రిల్ 10వ తేదీ వరకు రూ.1000 అపరాధ రుసుంతో దరఖాస్తులు స్వీకరించారు. ఈ నెల 11నుండి 17వ తేదీ వరకు రూ.5000, 18వ తేదీ నుండి ఈనెల 22వ తేదీ వరకు రూ.10వేల అపరాధ రుసుంతో దరఖాస్తులు స్వీకరిస్తారు. ఇప్పటివరకు విశ్వ విద్యాలయానికి 2 లక్షల 76వేల 583 దరఖాస్తులు అందగా ఇందులో ఇంజనీరింగ్‌కు సంబంధించి 1,96,183, అగ్రికల్చర్‌కు 79,303 మంది, రెండింటికీ కలిపి 1,097 మంది దరఖాస్తు చేసుకున్నారు. దరఖాస్తుల సంఖ్య ఇంకా పెరిగే అవకాశం ఉందని, ఈ సంవత్సరం ఎంపిక చేసిన 140 కేంద్రాలలో ఆన్‌లైన్ విధానంలో ఎంసెట్ నిర్వహించడానికి అన్ని ఏర్పాట్లు చేస్తున్నామన్నారు. ఎంసెట్‌కు సంబంధించి సందేహాలను నివృత్తి చేసుకోదలచిన వారు 0884-2340535, 0884-2356255 ఫోన్ నంబర్లకు సంప్రదించాలని సాయిబాబు సూచించారు. పరీక్షా కేంద్రాల్లోకి కాలిక్యులేటర్లు, స్మార్ట్‌వాచీలు, ఇతర ఎలక్ట్రానిక్ పరికరాలను అనుమతించబోమని చెప్పారు. ఒక నిముషం ఆలస్యమైనా విద్యార్థిని పరీక్షా కేంద్రంలోకి అనుమతించే అవకాశం ఉండదని, ఆయా కేంద్రాలకు పరీక్షకు అర గంట ముందుగా హాజరు కావాలని స్పష్టంచేశారు. పరీక్ష తేదీ, సమయాన్ని విద్యార్థికి హాల్‌టిక్కెట్‌లో తెలియజేస్తామన్నారు. హాల్ టిక్కెట్‌లో ఏ తేదీని కేటాయించారో అదే ఆ రోజే పరీక్షకు హాజరు కావాలన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.