రాష్ట్రీయం
ఆంధ్రప్రదేశ్ రాజధాని ఏది?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 13: ఆంధ్రప్రదేశ్ రాజధాని ఏది? అన్న ప్రశ్నకు ఠక్కున సమాధానం చెప్పడం ఇప్పుడు కొద్దిగా ఇబ్బందికరంగా మారింది. ఇదే ప్రశ్న ఏ పోటీపరీక్షలోనో వస్తే అభ్యర్థులు ఏమని సమాధానం రాయాలి? ‘అమరావతి’ అని రాయాలా? ‘హైదరాబాద్’ అని రాయాలా? ఆంధ్రప్రదేశ్ పునర్వ్యస్థీకరణ చట్టం-2014 ప్రకారం హైదరాబాద్ నగరం ఇటు తెలంగాణకు, అటు ఆంధ్రప్రదేశ్‌కు ఉమ్మడి రాజధానిగా పదేళ్ల పాటు కొనసాగుతుంది. ఇందుకు అనుగుణంగా రాష్ట్ర సచివాలయం, శాసనసభ, శాసనమండలి, వివిధ శాఖలకు చెందిన రాష్టస్థ్రాయి ప్రభుత్వ ప్రధాన కార్యాలయాలన్నింటికీ అవసరమైన భవనాలను కేంద్రప్రభుత్వం హైదరాబాద్‌లో కేటాయించింది. హైదరాబాద్‌లోని శాసనసభ భవన సముదాయంలోనే ఆంధ్రప్రదేశ్ శాసనసభ, శాసనమండలికి వసతి కల్పించారు. రాష్ట్ర సచివాలయంలో తొమ్మిది భవనాలు ఉండగా, ఐదు భవనాలను ఎపి సచివాలయానికి కేటాయించారు. వ్యవసాయం, విద్యలతో సహా ఇతర శాఖలకు చెందిన కమిషనరేట్లు, డైరెక్టరేట్లకు కూడా భవనాలను సమకూర్చారు. రెండు రాష్ట్రాలకు గవర్నర్ ఒక్కరే ఉంటాడని పునర్వ్యస్థీకరణ చట్టంలో పేర్కొనడంతో రాజ్‌భవన్ ఒక్కటే రెండు రాష్ట్రాలకు సంయుక్తంగా ఉపయోగపడుతోంది. వాస్తవ పరిస్థితి ఇలా ఉండగా, ఎపి ముఖ్యమంత్రి చంద్రబాబు నాయుడు చాలా పట్టుదలతో ఎపి రాజధానిని హైదరాబాద్ నుండి అమరావతికి తరలించాలని సంకల్పించారు. ప్రధానమంత్రి నరేంద్రమోదీ చేత 2015 అక్టోబర్ 22 న గుంటూరు జిల్లా ఉద్దండరాయునిపాలెం వద్ద రాజధానికి శంకుస్థాపన చేయించారు. రాజధాని నిర్మాణానికి సంబంధించిన ప్రణాళికల రూపకల్పన, నిర్మాణ పనులు తదితర వౌలిక సదుపాయాల కల్పన సిఆర్‌డిఎకు అప్పగించారు. ఈ సంస్థ జపాన్, సింగపూర్, చైనా తదితర దేశాలకు చెందిన ప్రభుత్వాలు, ప్రైవేట్ సంస్థలతో రాజధాని భవనాలు తదితర నిర్మాణాలకు సంబంధించిన అనేక ఒప్పందాలను కుదుర్చుకుంది. రాష్ట్ర రాజధానిలో ఉండాల్సిన అన్ని రాష్టక్రార్యాలయాలను అమరావతిలో గత రెండున్నర ఏళ్లలో ఏర్పాటు చేశారు. ముఖ్యమంత్రి చంద్రబాబు ఆదేశాల మేరకు రాష్ట్ర శాసనసభ, శాసనమండలి భవనాలు, రాష్ట్ర సచివాలయంతో సహా హెడ్ ఆఫ్ ది డిపార్ట్‌మెంట్స్ అన్నీ అమరావతిలో పనిచేయడం ప్రారంభమైంది. ముఖ్యమంత్రి కార్యాలయం, క్యాంప్ ఆఫీస్, మంత్రుల నివాసాలు, క్యాంప్ ఆఫీసులన్నీ అమరావతి లేదా ఆ చుట్టుపక్కల ఉన్న భవనాలకు తరలించారు. అంటే ఉమ్మడి రాజధాని నుంచి పనిచేయాల్సిన కార్యాలయాలన్నీ అమరావతి నుండే పనిచేస్తున్నాయి. కొన్నింటికి మాత్రం విజయవాడ, గుంటూరు తదితర ప్రాంతాల్లో భవనాలను తాత్కాలికంగా కేటాయించారు. వాస్తవంగా రాష్ట్ర రాజధానిగా అమరావతి పూర్తిస్థాయిలో ఇప్పుడు పనిచేస్తోంది. శాసనసభ, శాసనమండలి సమావేశాలు అమరావతిలోనే ప్రారంభమయ్యాయి. సచివాలయం కొత్త భవనం ప్రారంభమైంది. మంత్రులకు కార్యాలయాలు కేటాయించారు. అమరావతిని ‘ప్రజారాజధాని’ (పీపుల్స్ క్యాపిటల్) అంటూ విస్తృతంగా ప్రచారం చేశారు. అంతర్జాతీయంగా గుర్తింపు ఉండేలా దీన్ని తీర్చిదిదేందుకు సిఆర్‌డిఎ ప్రణాళికలను రూపొందించి అమలు చేస్తోంది. కేంద్ర ప్రభుత్వం కూడా రాష్టస్థ్రాయిలో ఉండాల్సిన పోస్టల్ సర్కిల్‌తో పాటు వివిధ కేంద్ర కార్యాలయాలను విజయవాడ, అమరావతి, గుంటూరు తదితర ప్రాంతాల్లో ఏర్పాటు చేసింది. 13 జిల్లాల నుండి రాష్ట్ర రాజధానికి రోడ్లను నిర్మిస్తున్నారు. హైవేలను ఆధునీకరిస్తున్నారు. విజయవాడ ఎయిర్‌పోర్ట్‌కు ఇప్పటికే ఇంటర్నేషనర్ క్యారెక్టర్ వచ్చింది. దీన్ని అంతర్జాతీయ విమనాశ్రయంగా తీర్చిదిద్దేందుకు కేంద్ర విమానయాన మంత్రి అశోక్‌గజపతిరాజు అవసరమైన చర్యలు తీసుకున్నారు. ఒక రకంగా చెప్పాలంటే ఆంధ్రప్రదేశ్ పూర్తిస్థాయి రాజధానిగా అమరావతి పనిచేయడం ప్రారంభమైంది.
ఈ పరిస్థితిలో అమరావతి నగరం ఆంధ్రప్రదేశ్ రాష్ట్రానికి ‘డీ ఫ్యాక్టో’ (వాస్తవ) రాజధానిగా మారింది. హైదరాబాద్ నగరం ‘డీ జ్యూరీ’ (చట్టపరమైన) రాజధానిగా కొనసాగుతోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.