రాష్ట్రీయం
నకిలీ నక్సల్ ముఠా అరెస్టు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 8: మావోయిస్టులుగా చెప్పుకుంటూ చలామణి అవుతున్న నకిలీ నక్సల్స్ ఇద్దరిని సైబరాబాద్ పోలీసులు అరెస్టు చేశారు. శుక్రవారం వారు వెల్లడించిన వివరాలు ఇలా ఉన్నాయి. ధనవంతులు, వ్యాపారవేత్తలు, రాజకీయ నాయకులు, సినిమా నటులు, క్రీడాకారులకు సిపిఐ మావోయిస్టులుగా పేర్కొంటూ లెటర్‌హెడ్లపై బెదిరింపు లేఖలు రాసి, వారి నుంచి పెద్ద మొత్తంలో డబ్బు గుంజుతున్నారు. ఈ తరహా బెదిరింపులపై వచ్చిన ఫిర్యాదులకు స్పందించి విచారణ చేపట్టిన గచ్చిబౌలి పోలీసులకు ఈ ఇద్దరు నిందితులు చిక్కారు. నిందితులు తూర్పుగోదావరి జిల్లా గంగవరం, తోటపేటకు చెందిన పులపకూరి గణపతి (23), అనంతపురం జిల్లా కామెకల్‌కు చెందిన కొక్కుల అనిల్‌కుమార్‌రెడ్డి (23)లను అరెస్టు చేసినట్లు సైబరాబాద్ పోలీసులు తెలిపారు. గణపతి హైదరాబాద్ జీవనోపాధి కోసం వచ్చి ఫిల్మ్‌నగర్‌లోని జస్ట్ బిర్యాని పాయింట్‌లో పని చేశాడు. అనిల్ కూడా అదే బిర్యాని సెంటర్‌లో కౌంటర్ బోయ్‌గా పని చేస్తున్నాడు. వార్తాపత్రికల్లో వచ్చిన కొన్ని కథనాలకు స్పందించిన వీరిద్దరు సులభంగా బెదిరింపుల ద్వారా డబ్బు సంపాదించాలని అనుకున్నారు. సిపిఐ మావోయిస్టులు తెలంగాణ కమిటీ పేరుతో లెటర్‌హెడ్స్ ముద్రించి వాటిపై బెదిరింపు ఉత్తరాలు రాసి ప్రముఖులకు పోస్టు ద్వారా పంపిస్తున్నారు. ఆ తర్వాత వారికి ఫోన్‌చేసి అడిగిన మొత్తం ఇవ్వకపోతే తీవ్ర పరిణామాలు ఉంటాయని హెచ్చరిస్తారు. రూ.20 లక్షల నుంచి 30 లక్షల వరకు ఇవ్వాలని డిమాండ్ చేస్తారు. అలా వసూలైన మొత్తంతో విలాసవంతమైన జీవితం గడుపుతున్నారు. నిందితులను అరెస్టు చేసి వీరి నుంచి రెండు లెటర్‌హెడ్స్, టాటా ఇండికా కారు, రెండు సెల్‌ఫోన్లు, చేతితో రాసిన ఉత్తరాలు, 8 పోస్టల్ స్టాంప్‌లను స్వాధీనం చేసుకున్నట్లు పోలీసులు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.