రాష్ట్రీయం
రేపటినుంచే ఎమ్సెట్
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, ఏప్రిల్ 22: ఎపి ఎంసెట్-2017 తెలుగురాష్ట్రాల్లో ఈ నెల 24వ తేదీ నుండి ప్రారంభం కానుంది. తూర్పు గోదావరి జిల్లా కాకినాడ జెఎన్‌టియు ఆధ్వర్యంలో పరీక్షలకు పటిష్ఠమైన ఏర్పాట్లు చేశారు. తొలిసారిగా ఎంసెట్‌ను ఆన్‌లైన్‌లో నిర్వహిస్తున్నారు. అలాగే బయోమెట్రిక్ పద్ధతిలో విద్యార్థులను పరీక్షా కేంద్రాల్లోకి అనుమతిస్తారు. ఈ సంవత్సరం ఎంసెట్‌కు 2,77,892 మంది విద్యార్థులు దరఖాస్తు చేసుకున్నారు. వీరిలో ఇంజనీరింగ్‌కు 1,96,967 మంది దరఖాస్తు చేసుకోగా మెడిసిన్, అగ్రికల్చర్‌కు 79,624, రెండు విభాగాలకు 1101 మంది దరఖాస్తు చేసుకున్నారు. ఇంజనీరింగ్‌కు 128 ఆన్‌లైన్ పరీక్షా కేంద్రాలను, అగ్రికల్చర్‌కు 139 కేంద్రాలు మొత్తం 267 పరీక్షా కేంద్రాలను ఏర్పాటు చేశారు. తెలంగాణకు సంబంధించి హైదరాబాద్‌లో ఇంజనీరింగ్‌కు 4, అగ్రికల్చర్‌కు 6 మొత్తం 10 కేంద్రాలను ఏర్పాటుచేశారు. 10 వేల రూపాయల అపరాధ రుసుంతో శనివారం సాయంత్రం వరకు దరఖాస్తులు స్వీకరించారు. ఇంజనీరింగ్ పరీక్షలను ఈ నెల 24,25,26 తేదీల్లోను, అగ్రికల్చర్ పరీక్షలను ఈ నెల 28వ తేదీన నిర్వహించేందుకు ఏర్పాట్లు చేశారు. ఉదయం 10 గంటల నుండి మధ్యాహ్నం ఒంటి గంట వరకు, మధ్యాహ్నం
2.30 గంటల నుండి సాయంత్రం 5.30 గంటల వరకు పరీక్షలను నిర్వహిస్తారు. ప్రవేశ పరీక్షలకు సంబంధించి సందేహాలను నివృత్తి చేసుకోదలచిన వారు 0884-2340535, 0884-2356255 ఫోన్ నంబర్లకు సంప్రదించాల్సి ఉంటుంది.
ప్రవేశ పరీక్షకు నిమిషం ఆలస్యమైనా అనుమతి ఉండదని, నిర్దేశిత సమయానికి గంటన్నర ముందుగానే పరీక్షా కేంద్రానికి హాజరుకావాలని ఎంసెట్-2017 కన్వీనర్ డాక్టర్ సిహెచ్ సాయిబాబు స్పష్టం చేశారు. ఆన్‌లైన్‌లో పరీక్ష నిర్వహిస్తున్న నేపథ్యంలో విద్యార్థులు కచ్చితంగా నిర్దేశిత కేంద్రానికి గంటన్నర ముందుగా హాజరుకావల్సి ఉంటుందని ‘ఆంధ్రభూమి’ ప్రతినిధికి చెప్పారు. పరీక్షా కేంద్రాల్లోకి కాలిక్యులేటర్లు, స్మార్ట్‌వాచీలు, ఇతర ఎలక్ట్రానిక్ పరికరాలను అనుమతించబోమన్నారు. పరీక్ష తేదీ, సమయాన్ని విద్యార్థికి హాల్ టికెట్‌లో తెలియజేశామన్నారు. హాల్ టిక్కెట్‌లో ఏ తేదీని కేటాయించారో అదే ఆ రోజే పరీక్షకు హాజరు కావాలని, లేని పక్షంలో సదరు విద్యార్థి పరీక్షకు గైర్హాజరైనట్టు పరిగణిస్తామని పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.