రాష్ట్రీయం
వైకాపా ఆఫీసులో సోదాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 22: హైదరాబాద్ బంజారాహిల్స్‌లోని వైకాపా కార్యాలయంలో గల సోషల్ మీడియా విభాగ కార్యాలయంలో ఆంధ్రా పోలీసులు శనివారం మధ్యాహ్నం ఆకస్మిక తనిఖీలు నిర్వహించి విస్తృతంగా సోదాలు జరిపారు. ఆంధ్రప్రదేశ్ శాసన మండలిపై సోషల్ మీడియాలో అసభ్యకరమైన చిత్రాలను పోస్ట్ చేసినందుకు రవికిరణ్ అనే వ్యక్తిని పోలీసులు శుక్రవారం శంషాబాద్‌లో అదుపులోకి తీసుకున్న విషయం తెలిసిందే. వైకాపా నేత మధుసూదన్‌రెడ్డి నడుపుతున్న పొలిటికల్ పంచ్ వెబ్‌సైట్‌లో ఆంధ్రప్రదేశ్ ప్రభుత్వ పాలనపై అశ్లీల చిత్రాలను పోస్టు చేసేందుకు ప్రోత్సహిస్తున్నందున అతనికి నోటీసులు జారీ చేస్తున్నామని ఏపి పోలీసులు తెలిపారు. దీంతో సాక్షి సోషల్ మీడియా పరిసర ప్రాంతాల్లో ఉద్రిక్తత చోటుచేసుకుంది. సోషల్ మీడియాలో పోస్టులను తీవ్రంగా పరిగణించిన పోలీసులు వైకాపా ఐటి విభాగం నేత మధుసూదన్‌రెడ్డికి నోటీసులు అందజేశారు. అయితే ఆ సమయంలో అక్కడే ఉన్న వైకాపా నేతలు విజయసాయిరెడ్డి, శ్రీనివాసులు పోలీసులను అడ్డుకునేందుకు ప్రయత్నించారు. దీంతో పోలీసులు, వైకాపా నేతల మధ్య కాసేపు వాగ్వాదం జరిగింది. ఈనెల 24, 25 తేదీల్లో మధుసూదన్‌రెడ్డి, రవికిరణ్ విచారణకు హాజరుకావాలని పోలీసులు ఆ నోటీసులో పేర్కొన్నారు.
ఇదిలావుంటే, ఏపి ముఖ్యమంత్రి చంద్రబాబు నాయుడు అనుసరిస్తున్న అప్రజాస్వామిక విధానాలను ప్రతి ఒక్కరూ ఖండించాలని, సోషల్ మీడియాను అణగదొక్కుతున్న చంద్రబాబుపై అదే సోషల్ మీడియాను అస్త్రంగా చేసుకుని పోరాటం చేయాలని వైకాపా అధినేత వైఎస్.జగన్ మోహన్‌రెడ్డి పిలుపునిచ్చారు. ప్రపంచవ్యాప్తంగా ఉన్న వైకాపా మద్దతుదారులంతా ఈ దారుణంపై స్పందించాలని ఆయన ట్విట్టర్ ద్వారా కోరారు. సోషల్ మీడియాపై టిడిపి ప్రభుత్వం అసహనాన్ని ప్రదర్శించడాన్ని వైకాపా నాయకులు ఖండించారు. వైకాపా సోషల్ మీడియా కార్యాలయంలో ఆంధ్రప్రదేశ్ పోలీసులు సోదాలు నిర్వహించడాన్ని వారు తప్పుబట్డారు. మీడియా విషయంలో టిడిపి ప్రభుత్వం తప్పటడుగులు వేస్తోందని వైకాపా నేత కన్నబాబు అన్నారు. ప్రభుత్వానికి పోలీసులు తొత్తులుగా మారకూడదని మరో నాయకడు జోగి రమేశ్ అన్నారు. చంద్రబాబుకు కంటిమీద కునుకు కరువయ్యే రోజు దగ్గర్లోనే ఉందని ఆయన హెచ్చరించారు.
మేమూ కేసులు పెడతాం : సుధాకర్
కాగా, వైకాపాపై సోషల్ మీడియాలో తెలుగుదేశం పార్టీ పెట్టే కామెంట్లపై తాము కూడా కేసులు పెడతామని వైకాపా లీగల్ సెల్ నేత సుధాకర్ స్పష్టం చేశారు. శనివారం ఆయన మీడియాతో మాట్లాడుతూ, సోషల్ మీడియాలో వచ్చిన వార్తలను ఆధారంగా చేసుకుని కేసులు పెట్టడం సరికాదన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.