రాష్ట్రీయం
మిట్టల్‌పై చర్యకు హైకోర్టు ఆదేశం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 28: వివాదస్పద ఆస్తి కేసులో నిరభ్యంతర పత్రాన్ని నిర్లక్ష్యంతో జారీచేసిన ఉదంతంపై హైదరాబాద్ పూర్వ కలెక్టర్, ప్రస్తుత మున్సిపల్ శాఖ కార్యదర్శి, సమాచారశాఖ కమిషనర్ నవీన్ మిట్టల్‌పై క్రమశిక్షణా చర్య తీసుకోవాలని రాష్ట్ర ప్రభుత్వాన్ని ఆదేశిస్తూ హైకోర్టు శుక్రవారం సంచలన తీర్పునిచ్చింది. అలాగే ఉదంతంతో సంబంధం కలిగిన హైదరాబాద్ పూర్వ జాయింట్ కలెక్టర్ దుర్గాదాసుతో పాటు స్పెషల్ తహశీల్‌దారు వివి వెంకట్‌రెడ్డి, సీనియర్ డ్రాఫ్ట్‌మెన్ బాబురావుపై చర్య తీసుకోవాలని ఆదేశించింది. బాధితురాలికి జరిమానాగా
రూ.25 వేలు చెల్లించాలని హైకోర్టు ఆదేశించింది. తనకు సంబంధించిన ఆస్తిపై ఇతరులకు తప్పుడు నిరభ్యంతర పత్రం జారీ చేయడంపై శాంతి అగర్వాల్ అనే మహిళ దాఖలు చేసిన పిటిషన్‌పై న్యాయమూర్తి, జస్టిస్ ఎంఎస్ రామచంద్రరావు విచారణ జరిపి ఈమేరకు తీర్పునిచ్చారు. ఎన్‌ఓసి కమిటీ అధికారులు చట్టబద్ధంగా పత్రాలు సరైనవో కావో పరిశీలించకుండానే నిరభ్యంతరం పత్రాన్ని జారీ చేశారని న్యాయమూర్తి అభిప్రాయపడ్డారు. హైదరాబాద్ ముషీరాబాద్ ప్రాంతవాసి కె శాంతదేవి గుడి మల్కాపూర్ నానల్‌నగర్‌లో ప్రేమ్ మల్హోత్ర అనే వ్యక్తినుంచి 5262 చదరపు గజాల స్థలాన్ని కొనుగోలు చేశారు. అయితే సయ్యద్ అబ్దుల్ రబ్ మరో ఇద్దరు వ్యక్తులు సదరు ఆస్తిపై తమకు నిరభ్యంతర పత్రం జారీ చేయాలని 2009లో దరఖాస్తు చేసుకున్నారు. కలెక్టర్ అధ్యక్షతనగల ఎన్‌ఓసి కమిటీ పత్రం జారీ చేయగా, దరఖాస్తుదారుడు ఫోర్జరీ పత్రాలు సమర్పించినట్టు ఆస్తిహక్కుదారు శాంతాదేవి ఫిర్యాదు చేశారు. దరఖాస్తుదారుడు సమర్పించిన పత్రాలు ఫోర్జరీవేనని జాయింట్ సబ్ రిజిస్ట్రార్ ఇచ్చిన ధ్రువీకరణ పత్రాలతో పిటిషన్‌దారు కోర్టును ఆశ్రయించగా నవంబర్ 19, 2011లో కౌంటర్ దాఖలు చేయాల్సిందిగా హైదరాబాద్ కలెక్టర్‌ను కోర్టు ఆదేశించింది. ఎన్‌ఓసి పత్రం జారీ చేసిన డ్రాఫ్ట్‌మెన్‌పై విచారణ జరిపి చర్య తీసుకోవాలని ప్రభుత్వ ప్రధాన కార్యదర్శిని కోర్టు ఆదేశించింది. పత్రాలు పరిశీలించకుండానే ఎన్‌ఓసి జారీ చేయడంతో అది చెల్లదని కూడా హైకోర్టు స్పష్టం చేసింది. అధికారుల నిర్లక్ష్యంగా ఎన్‌ఓసి జారీ చేయడంపట్ల జరిమానగా బాధితురాలికి రూ.25 వేల నగదు చెల్లించాలని హైకోర్టు ఆదేశించింది. అలాగే తప్పుడు పత్రాలతో ఎన్‌ఓసి పొందిన అబ్దుల్ రబ్‌తోపాటు మరో ఇద్దరు కలిసి బాధితురాలికి మరో రూ.25 వేలు చెల్లించాలని కోర్టు ఆదేశించింది. తమ ఎన్‌ఓసిపై కోర్టులో సవాల్ చేసిన హుస్సేన్ బీ మరో 11మంది దాఖలు చేసిన పిటిషన్‌ను కూడా న్యాయమూర్తి కొట్టివేయడంతోపాటు, వీరు కూడా జరిమానగా రూ.10 వేలు బాధితురాలికి చెల్లించాలని హైకోర్టు ఆదేశించింది. ఈ కేసులో వివాదస్పద ఆస్తి సంగతి తేలేవరకు ఆ స్ధలాన్ని తమ ఆధీనంలో ఉంచుకోవాలని భూపరిపాలన కమిషనర్‌ను హైకోర్టు ఆదేశించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.