రాష్ట్రీయం
గ్రేహౌండ్స్‌కు ససేమిరా
S ,7 à 8 RSCA (si SASPAS) et 6 cialis pharmacie cialis rapports de stage.
నక్సల్స్ గాలింపునకు దళాలను పంపలేం
వ్యూహం చెబుతాం.. అమలు చేయండి
హోంశాఖకు తెగేసి చెప్పిన ఆంధ్ర, తెలంగాణ
హైదరాబాద్, ఏప్రిల్ 29: మావోయిస్టుల పీచమణచటంలో దేశవ్యాప్తంగా పేరు తెచ్చుకున్న గ్రేహౌండ్స్ బలగాల సేవలను పొరుగు రాష్ట్రాల్లో వినియోగించేందుకు ఆంధ్ర, తెలంగాణ రాష్ట్రాలు తిరస్కరించాయి. తాము ఎప్పటికప్పుడు మావోయిస్టుల కదలికలపై పక్కా సమాచారాన్ని అందిస్తామని, వారిని పట్టుకునేందుకు అనుసరించాల్సిన వ్యూహ విధానాలను పంచుకునేందుకు మాత్రమే సిద్ధంగా ఉన్నామని రెండు తెలుగు రాష్ట్రాలు కేంద్ర హోంశాఖకు తెలిపాయి. చత్తీస్‌గఢ్‌లో మావోయిస్టుల నరమేధానికి 25 మంది సిఆర్‌పిఎఫ్ జవాన్లు నేలకొరిగిన విషయం విదితమే. దీనిపై కేంద్ర హోంశాఖ మావోయిస్టు ప్రభావిత రాష్ట్రాల పోలీసు ఉన్నతాధికారుల సమావేశాన్ని నిర్వహించింది. సమావేశంలో ఆయా రాష్ట్రాలు మావోయిస్టులను పట్టుకునేందుకు అనుసరిస్తున్న పద్ధతులను అడిగి తెలుసుకుంది. ఈ సందర్భంగా కేంద్ర హోంశాఖ ఆంధ్ర, తెలంగాణలో గ్రేహౌండ్స్ బలగాలను దండకారణ్యంకు పంపే ప్రతిపాదనను పరిశీలించాల్సిందిగా కోరింది. దీనికి తెలంగాణ, ఆంధ్ర రాష్ట్రాలు సున్నితంగా తిరస్కరించినట్లు పోలీసు వర్గాలు తెలిపాయి. వామపక్ష తీవ్రవాదం వల్ల మూడున్నర దశాబ్ధాల పాటు ఉమ్మడి ఆంధ్రప్రదేశ్ తీవ్రంగా దెబ్బతిందని, దీనివల్ల పెద్ద సంఖ్యలో పోలీసులు, ఉన్నత పోలీసు అధికారులు, రాజకీయ నేతలు, ప్రజలను పొగొట్టుకున్నామని కేంద్రానికి పోలీసు అధికారులు తెలిపినట్లు సమాచారం. గ్రేహౌండ్స్‌ను 1989లో అప్పటి ఐపీఎస్ అధికారి కెఎస్ వ్యాస్ ఏర్పాటు చేశారు. వామపక్ష తీవ్రవాదుల నిర్మూలనలో గ్రేహౌండ్స్‌కు మంచి పేరుంది. 2004లో వైఎస్ రాజశేఖర రెడ్డి అధికారంలోకి వచ్చిన తర్వాత మావోయిస్టులతో చర్చలు జరపడం, విఫలం కావడం తెలిసిందే. అనంతరం గ్రేహౌండ్స్ పోలీసుల వేటలో నాలుగేళ్ల కాలంలో దాదాపు మావోయిస్టు పార్టీ ఉమ్మడి ఆంధ్రప్రదేశ్‌లో కనుమరుగైంది. ప్రస్తుతం ఆంధ్రలో విశాఖపట్నం ఏజన్సీకి పరిమితమైంది. ఈ ప్రాంతం దండకారణ్యంను ఆనుకుని ఉంది. దండకారణ్యంను ఆనుకుని తూర్పుగోదావరి జిల్లా ఖమ్మం, భూపాలపల్లి జయశంకర్, మంచిర్యాల జిల్లాలు ఉన్నా, నక్సలైట్లకు ఆశ్రయం ఇవ్వడానికి ప్రజలు విముఖత చూపుతున్నారు. దీంతో ఆంధ్ర, తెలంగాణ రాష్ట్రాల్లో మావోయిస్టుల కార్యకలాపాలు నామమాత్రంగా ఉన్నాయి. వివిధ రాష్ట్రాలకు చెందిన పోలీసు బలగాల గాలింపు చర్యల వల్ల కంటే, స్ధానికంగా ఉన్న పోలీసులను జంగిల్ వార్ ఫేర్‌లో మంచి శిక్షణ ఇవ్వడం, నిఘా వ్యవస్ధను పటిష్టం చేయడం, అభివృద్ధిలో ప్రజలను భాగస్వామ్యం చేయడం, స్ధానిక ప్రజలకు అభివృద్ధి ఫలాలను సత్వరమే అందేటట్లు చూడడం, పోలీసులకు ఆధునాతన ఆయుధాలు, అన్నింటి కంటే ఎప్పటికప్పుడు వ్యూహాలు మార్చుకుని గాలింపు చర్యలు చేయడం అనేవి ముఖ్యమని పోలీసు అధికారులు కేంద్రానికి తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.