రాష్ట్రీయం
విద్యతోనే సామాజిక భవిత
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మే 9: సమాజం భవితను నిర్ణయించేది విద్య మాత్రమేనని ముఖ్యమంత్రి చంద్రబాబునాయుడు అన్నారు. అమెరికాలోని స్టాన్‌ఫోర్డ్ యూనివర్సిటీ మెడికల్ స్కూల్ డీన్ లాయిడ్ బీ మైనర్‌తో ముఖ్యమంత్రి మంగళవారం ఉదయం సమావేశమయ్యారు. ఈ సందర్భంగా మాట్లాడుతూ తాను స్టాన్‌ఫోర్డ్ కుటుంబ సభ్యుడినేనని, మొదటినుంచి తనకు స్టాన్‌ఫోర్డ్ అంటే ఆరాధనా భావం ఉండేదని తెలిపారు. అందుకే తన కుమారుడిని ఇక్కడికి పంపానని, ఆ తరువాత తన కోడలు కూడా ఇక్కడే విద్య అభ్యసించిందని గుర్తుచేశారు. ప్రస్తుతం ఏపిలో అనేక వినూత్న కార్యక్రమాలు చేపట్టామని వివరించారు. పరిపాలన నిర్వహణలో సాంకేతికతను వినియోగిస్తున్నామని, ఏపిని వైజ్ఞానిక రాష్ట్రంగా మార్చాలన్నదే తన లక్ష్యంగా చెప్పారు. ప్రతి ఏడాది 15 శాతం వృద్ధి సాధించాలనుకుంటున్నామని స్టాన్‌ఫోర్డ్ యూనివర్సిటీ తమకు విజ్ఞాన భాగస్వామిగా ఉండాలని కోరుకుంటున్నట్టుగా చెప్పారు. ఆంధ్రప్రదేశ్‌లోని వనరులు, ఇతర అవకాశాలపై ప్రభుత్వ ముఖ్య కార్యదర్శి అజయ్‌జైన్ ప్రజంటేషన్ ఇచ్చారు. ప్రాంక్లిన్ టెంపుల్టన్ ప్రెసిడెంట్, సిఓఓ జెన్నిఫర్ జాన్సన్‌తో కూడా ముఖ్యమంత్రి సమావేశమయ్యారు. విశాఖలో కార్యకలాపాలు ప్రారంభించటానికి అవసరమైన అత్యున్నత పరిజ్ఞానం అక్కడ ఉందా అని ముఖ్యమంత్రిని జెన్నిఫర్ అడిగారు. ప్రపంచంలోని ప్రతి నలుగురు ఐటి నిపుణుల్లో ఒకరు భారతీయులని ప్రతి నలుగురు భారతీయుల్లో ఒకరు ఆంధ్రప్రదేశ్‌కు చెందినవారే ఉంటారని వివరించారు. విశాఖలో నిర్భయంగా తమ సంస్థ కార్యకలాపాలు ప్రారంభించవచ్చునని సిఎం భరోసా ఇచ్చారు. అత్యున్నత పరిజ్ఞానం, తెలివితేటలు విషయంలో తమ రాష్ట్రం ఎప్పుడూ ముందే ఉంటుందని సందేహించవద్దని ఎపిని నాలెడ్జ్ హబ్‌గా మారుస్తున్నామని తెలిపారు.
చిత్రం.. ట్రాన్స్‌ఫర్మేటివ్ చీఫ్ మినిస్టర్ అవార్డు అందుకుంటున్న చంద్రబాబునాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.