రాష్ట్రీయం
నిషిత్ మృతిపై నేతల దిగ్భ్రాంతి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 10: ఆంధ్రప్రదేశ్ మున్సిపల్ వ్యవహారాల మంత్రి డాక్టర్ నారాయణ కుమారుడు నిషిత్ (23) బుధవారం తెల్లవారుజామున జరిగిన రోడ్డు ప్రమాదంలో దుర్మరణం చెందడంపై రాష్ట్ర గవర్నర్ ఇఎస్‌ఎల్ నరసింహన్, తెలంగాణ ముఖ్యమంత్రి కె చంద్రశేఖరరావు, ఎపి ముఖ్యమంత్రి ఎన్ చంద్రబాబునాయుడు తీవ్ర దిగ్భ్రాంతి, సంతాపాన్ని వ్యక్తం చేశారు. నిషిత్ ఆత్మకు శాంతి చేకూరాలని కె చంద్రశేఖరరావు ఒక ప్రకటనలో పేర్కొన్నారు. చిన్న వయస్సులోనే నిషిత్ ప్రాణాలు కోల్పోవడం ఆవేదన కలిగిస్తోందని అన్నారు.
బాధాకరం: చంద్రబాబు
నారాయణ కుమారుడు నిషిత్ చనిపోవడం చాలా బాధాకరమని, తామంతా ఆయన కుటుంబానికి అండగా ఉంటామని చంద్రబాబునాయుడు పేర్కొనగా, హఠాన్మరణం బాధాకరమని నారా లోకేష్ పేర్కొన్నారు. నిషిత్ ఆత్మకు శాంతి కలగాలని తెలంగాణ మంత్రి కెటిఆర్ వ్యాఖ్యానించారు. కేంద్ర మాజీ మంత్రి, నటుడు చిరంజీవి అపోలో ఆస్పత్రికి చేరుకుని నారాయణ కుటుంబ సభ్యులను ఓదార్చారు. పగవారికి కూడా ఇలాంటి కష్టం రాకూడదని ఆయన అన్నారు.
నిషిత్ మరణ వార్త తెలియగానే తెలంగాణ మంత్రి హరీష్‌రావు, నామా నాగేశ్వరరావు, ఏపి డిప్యూటీ సిఎం చిన్నరాజప్ప తదితరులు ఆస్పత్రికి చేరుకుని మృతదేహాల పంచనామా, ఇతర ఆస్పత్రి వ్యవహారాలను పర్యవేక్షించారు. అనంతరం చిన్నరాజప్ప నెల్లూరు పయనమయ్యారు. పలువురు మంత్రులు, ప్రజాప్రతినిధులు అపోలో ఆస్పత్రికి చేరుకుని కుటుంబ సభ్యులను ఓదార్చారు. జనసేన అధినేత పవన్ కళ్యాణ్ ఆస్పత్రికి వెళ్లి నిషిత్ తల్లి రమాదేవి, వారి కుటుంబ సభ్యులకు ప్రగాఢ సానుభూతి తెలిపారు. అనంతరం ఆయన పోలీసులను ప్రమాద వివరాలు అడిగి తెలుసుకున్నారు. తెలంగాణ డిప్యూటి సిఎం కడియం శ్రీహరి, కేంద్ర మంత్రి సుజనా చౌదరి, సిపిఐ నేత నారాయణ, తెరాస నేతలు ఎర్రబెల్లి దయాకరరావు, డి శ్రీనివాస్, తెలంగాణ టిడిపి నేతలు రావుల చంద్రశేఖరరెడ్డి, ఎల్ రమణ తదితరులు అపోలో ఆస్పత్రికి వెళ్లి నిషిత్ మృతదేహానికి నివాళులు అర్పించారు. మంత్రి నారాయణ వియ్యంకుడు గంటాశ్రీనివాసరావు వైజాగ్ నుండి హుటాహుటిన హైదరాబాద్ చేరుకుని నారాయణ కుటుంబ సభ్యులను ఓదార్చారు. ఇదే ప్రమాదంలో మరణించిన నిషిత్ స్నేహితుడు రాజారవివర్మ కుటుంబ సభ్యులనూ నేతలు పరామర్శించారు. నిషిత్ మరణవార్తతో దిగ్భ్రాంతి చెందిన నేతలు, నారాయణ విద్యాసంస్థల సిబ్బంది పెద్ద ఎత్తున మంత్రి నారాయణ నివాసానికి చేరుకున్నారు.
ఆ బాధ నాకు తెలుసు: హరికృష్ణ
నిషిత్ రోడ్డు ప్రమాదంలో ప్రాణాలు కోల్పోవడంపై టిడిపి నేత నందమూరి హరికృష్ణ దిగ్భ్రాంతిని వ్యక్తం చేస్తూ, కన్న కొడుకును కోల్పోతే ఆ బాధ ఎలా ఉంటుందో తనకు తెలుసని అన్నారు. మూడేళ్ల క్రితం హరికృష్ణ కుమారుడు జానకిరామ్ రోడ్డు ప్రమాదంలో మరణించిన సంగతి తెలిసిందే. కారు ప్రమాదం జరిగిన ప్రాంతాన్ని టిడిపి ఎమ్మెల్యే బొండా ఉమామహేశ్వరరావు పరిశీలించారు.
నేనే అనుకున్నారు: సిపిఐ నారాయణ
నారాయణ కుమారుడు మరణించాడని తెలిసి కొంత మంది తనకుమారుడే అనుకుని ఫోన్ చేశారని సిపిఐ కేంద్ర కమిటీ సభ్యుడు డాక్టర్ కె నారాయణ తెలిపారు. తర్వాత మంత్రి నారాయణ కుమారుడని అర్థమయిందని చెప్పారు.
బిజెపి నేతల సంతాపం
నారాయణ కుమారుడి మృతి పట్ల బిజెపి రాష్ట్ర అధ్యక్షుడు కె లక్ష్మణ్, శాసనసభాపక్షం నాయకుడు జి కిషన్‌రెడ్డి, జాతీయ నాయకుడు నల్లు ఇంద్రసేనారెడ్డి , ఎమ్మెల్సీ ఎన్ రామచంద్రరావులు తీవ్ర సంతాపాన్ని తెలిపారు.
చిత్రాలు.. నిషిత్ కుటుంబ సభ్యులను పరామర్శించడానికి హైదరాబాద్ అపోలో ఆస్పత్రికి వచ్చిన మంత్రి హరీశ్‌రావు, చిరంజీవి.
* కారు యాక్సిడెంట్ అయన స్పాట్ ఇదే.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.