రాష్ట్రీయం
త్వరలో మరో 14 డయాలసిస్ సెంటర్లు
S ,7 à 8 RSCA (si SASPAS) et 6 cialis pharmacie cialis rapports de stage.
ఆదోని,మే 12: రాష్ట్రంలో త్వరలో మరో 14 డయాలసిస్ సెంటర్ల ఏర్పాటుకు చర్యలు తీసుకుంటామని వైద్యఆరోగ్యశాఖ మంత్రి కామినేని శ్రీనివాస్ అన్నారు. కర్నూలు జిల్లా ఆదోనిలో శుక్రవారం ఆయన విలేఖరులతో మాట్లాడుతూ మొత్తం 19 డయాలసిస్ సెంటర్లకు గాను ఇప్పటికే ఉద్దానంలో మూడు, మరోప్రాంతంలో రెండు ఏర్పాటు చేశామన్నారు. మిగిలిన 14 కేంద్రాలు త్వరలో ఏర్పాటు చేస్తామన్నారు. వైద్య ఆరోగ్యశాఖలో తీసుకున్న విప్లవాత్మక మార్పుల వల్ల రాష్ట్రం మొత్తం మీద ప్రభుత్వ ఆసుపత్రుల్లో ఓపి 32 శాతం, కాన్పులు 12 శాతం పెరిగాయని ఆయన పేర్కొన్నారు.ప్రతి ఆసుపత్రిలో శానిటేషన్ పరిస్థితి మెరుగుపడిందన్నారు. ఎన్టీఆర్ ఆరోగ్య పథకం, తల్లీబిడ్డల ఎక్స్‌ప్రెస్ పథకాలు దేశానికి ఆదర్శంగా నిలిచాయన్నారు. ప్రతి ఆసుపత్రిలో పరికరాల కొరత లేకుండా తగుచర్యలు తీసుకుంటామని ఆయన స్పష్టంచేశారు. గ్రామీణ ప్రాం తాల్లో సైతం వైద్య సౌకర్యం ఎంతో మెరుగైందని అన్నా రు. డాక్టర్లు ప్రజలకు మరింత సేవ చేయాలన్న ఉద్దేశంతో బయోమెట్రిక్ పద్దతి ప్రవేశపెట్టామని చెప్పారు. శ్వాస విద్యావాహిని పథకం కింద మెడికల్ విద్యార్థులు గ్రామాలకు వెళ్ళి వైద్య సౌకర్యం అందించే ఏర్పాటు చేశామని అన్నారు. డాక్టర్లను కాంట్రాక్టు పద్దతిపై కాకుండా రెగ్యులర్ పద్దతిలో నియమించడానికి ముఖ్యమంత్రి చర్యలు తీసుకుంటున్నారని ఆయన అన్నారు.
చంద్రన్న సంచార చికిత్స పథకం కింద మొబైల్ వాహనాల్లో గ్రామాల్లోనే వైద్యం అందించడానికి చర్యలు తీసుకుంటామని పేర్కొన్నారు. కేంద్ర ప్రభుత్వం పథకం కింద ప్రతి ఆసుపత్రిలో శ్వాస కోశ వ్యాధులు, ఉదర సంబంధ వ్యాధులకు సంబంధించిన పరికరాలు అందుబాటులో ఉంచి డాక్టర్లును నియమించేందుకు చర్యలు తీసుకుంటున్నామని అన్నారు. ప్రతి ఆసుపత్రిలో ఖాళీలను భర్తీ చేస్తామని చెప్పారు. ముఖ్యంగా ఎండోస్కోపి ద్వారా రోగులను పరీక్షించి వారికి తగిన చికిత్స చేయడానికి డాక్టర్లును ఏర్పాటు చేస్తామని పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.