రాష్ట్రీయం
పల్లె మారుతోంది!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 14: తెలంగాణలో పట్టణీకరణ వేగం పుంజుకుంటోంది. కొత్త జిల్లాల ఏర్పాటు ఇందుకు బలమైన కారణంగా చెప్పుకోవచ్చు. ఒకప్పుడు రాష్ట్రంలో 82 పట్టణాలు మాత్రమే ఉండగా వీటి సంఖ్య ప్రస్తుతం 158కి చేరుకుంది. రాష్ట్రంలో పట్టణీకరణ వృద్ధి రేటు 92.7 శాతంగా తాజా సర్వేలో తేలింది. దేశంలో ఐదవ పెద్ద నగరమైన హైదరాబాద్‌కు ఆనుకొని ఉన్న రంగారెడ్డి, మహబూబ్‌నగర్, మెదక్, నల్లగొండ జిల్లాల్లోని మండల కేంద్రాలు పట్టణాలుగా శరవేగంగా రూపాంతరం చెందుతున్నాయి. వీటిలో కొన్ని ఇప్పటికే హైదరాబాద్ మెట్రో డెవలప్‌మెంట్ అథారిటీ (హెచ్‌ఎండిఎ) పరిధిలోకి వచ్చాయి. హైదరాబాద్ మహానగరాన్ని మరింతగా విస్తరించడానికి పొలిమేరల్లోని గ్రామాలు, మండల కేంద్రాలను శాటిలైట్ టౌన్లుగా అభివృద్ధి పరచడానికి ఔటర్ రింగ్‌కు వెలుపల మరో రింగ్‌రోడ్ నిర్మాణానికి ప్రభుత్వం ప్రణాళికలు రూపొందిస్తోంది. 2001 జనాభా లెక్కల ప్రకారం రాష్ట్రంలో 10,914 గ్రామాలు ఉండగా ప్రస్తుతం వీటి సంఖ్య 10,434కు పడిపోయింది. ఈ జాబితా నుంచి ఒక్కసారిగా 480 గ్రామాల సంఖ్య తగ్గిపోవడానికి ఇవి పట్టణాలుగా మారడమే కారణం. రాష్ట్ర ప్రణాళికశాఖ, కౌన్సిల్ ఫర్ సోషల్ డవలప్‌మెంట్ సదరన్ రీజియన్ సంయుక్తంగా నిర్వహించిన సర్వేలో తెలంగాణలో పట్టణీకరణ రికార్డుస్థాయిలో జరుగుతున్నట్టు వెల్లడైంది. తెలంగాణలో 2001 లెక్కల ప్రకారం 82 పట్టణాలు ఉండగా ప్రస్తుతం వీటి సంఖ్య 158కి చేరుకుందని సర్వేలో తేటతెల్లమైంది. హైదరాబాద్‌కు ఉత్తర దిశగా సరిహద్దు ప్రాంతాన్ని ఆనుకొని ఉన్న మెదక్ జిల్లాలో కొత్తగా 13 పట్టణాలుగా అభివృద్ధి చెందుతుండగా, దక్షిణ దిశలో మహబూబ్‌నగర్ జిల్లాలో కొత్తగా 9 పట్టణాలు, పశ్చిమదిశలో రంగారెడ్డి జిల్లాలో 8 పట్టణాలు, తూర్పు దిశలో నల్లగొండ జిల్లాలో 8 పట్టణాలు మొత్తంగా 38 కొత్త పట్టణాలు హైదరాబాద్ చుట్టుపక్కల జిల్లాల్లో అభివృద్ధి చెందుతున్నట్టు సర్వే పేర్కొంది. రాష్ట్రంలో పట్టణీకరణ ఒక్క హైదరాబాద్ నగర శివారు ప్రాంతాలకే పరిమితం కాలేదని, రాజధానికి సుదూరంగా ఉన్న ఆదిలాబాద్ జిల్లాలో కూడా కొత్త పట్టణాలు ఏర్పడుతున్నాయి. ఈ జిల్లాలో 2001లో 15 పట్టణాలు ఉండగా ప్రస్తుతం వీటి సంఖ్య 22కు చేరుకుంది. నిజామాబాద్ జిల్లాలో పట్టణాల సంఖ్య గతంలో మూడు మాత్రమే కాగా ప్రస్తుతం 8 పట్టణాలు, కరీంనగర్ జిల్లాలో 7 పట్టణాలు ఉండగా ప్రస్తుతం 13 పట్టణాలు, మెదక్ జిల్లాలో 11 పట్టణాలు ఉండగా కొత్తగా 24 పట్టణాలు, రంగారెడ్డి జిల్లాలో 16 పట్టణాలు ఉండగా కొత్తగా 24 పట్టణాలు, మహబూబ్‌నగర్ జిల్లాలో 7 పట్టణాలు ఉండగా కొత్తగా 24 పట్టణాలు, నల్లగొండ జిల్లాలో 9 పట్టణాలు ఉండగా కొత్తగా 17 పట్టణాలు, వరంగల్ జిల్లాలో 2 పట్టణాలు ఉండగా కొత్తగా 15 పట్టణాలు, ఖమ్మం జిల్లాలో 9 పట్టణాలు ఉండగా కొత్తగా 14 పట్టణాలు అభివృద్ధి చెందుతున్నట్టు సర్వేలో తేలింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.