రాష్ట్రీయం
రూ.2కే సౌర విద్యుత్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 24: రాష్ట్రంలో సమర్ధవంతమైన విధానాలను అమలు చేయడం ద్వారా వినియోగదారునికి నాణ్యమైన విద్యుత్‌ను చౌకగా అందించే రెండో దశ విద్యుత్ సంస్కరణలను త్వరలో ప్రారంభించనున్నట్టు సిఎం చంద్రబాబు ప్రకటించారు. జిల్లా కలెక్టర్ల రెండు రోజుల సదస్సు నేపథ్యంలో బుధవారం ఆయన అమరావతిలో ఇంధన శాఖ ఉన్నతాధికారులతో సమీక్ష నిర్వహించారు. రాష్ట్రంలో 1998లో తొలి దశ విద్యుత్ సంస్కరణలకు తెదేపా ప్రభుత్వం ఉమ్మడి రాష్ట్రంలో శ్రీకారం చుట్టిందన్నారు. ఏపీ విద్యుత్‌ను ట్రాన్స్‌కో, జెన్కో డిస్కంలుగా విభజించామని, ఆ ఫలాలు నేడు వినియోగదారులకు అందుతున్నాయన్నారు. సౌర విద్యుత్ యూనిట్ ధర రూ.2.40 పైసలకు పడిపోయిందని, భవిష్యత్‌లో యూనిట్ ధర రూ.2లకే పడిపోయే అవకాశం ఉందన్నారు. ఈ ఫలాలను గృహ, పరిశ్రమల వినియోగదారులకు అందిస్తామన్నారు. గతంలో సౌర, పవన విద్యుత్ ధరలు ఎక్కువగా ఉండేవన్నారు. ప్రపంచంలో అతి పెద్ద కర్నూలు సౌర విద్యుదుత్పత్తి ధర యూనిట్ రూ. 3.13లకే ఉందన్నారు. రాజస్తాన్‌లో యూనిట్ సౌర విద్యుత్ ధర రూ.2.44పైసలకే లభిస్తోందన్నారు. ఇకపై పరిశ్రమలకు యూనిట్ విద్యుత్ ధర రూ.4కంటే తక్కువగా సరఫరా చేస్తామన్నారు. దీనికి తగినట్లుగా కార్యాచరణను సిద్ధం చేయాలని ఆయన విద్యుత్ శాఖ ఉన్నతాధికారులను ఆదేశించారు. రాష్ట్రంలో 2014లో తమ ప్రభుత్వం అధికారంలోకి వచ్చేటప్పటికీ రోజూ 22 ఎంయు విద్యుత్ కొరత ఉండేదన్నారు. ఈపిడిసిఎల్ పరిధిలో విజయనగరం జిల్లా మక్కువలో, ఏపిఎస్‌పిడిసిఎల్ పరిధిలో నెల్లూరు జిల్లాలో ఐదు మెగావాట్ల చొప్పున సోలార్ ప్లాంట్ల ఏర్పాటుకు గ్లోబల్ టెండర్లను పిలిచామన్నారు. ప్రస్తుతం రాష్ట్రంలో విద్యుత్ కెపాసిటీ 16,875 మెగావాట్లు అని, పిఎల్‌ఎఫ్ 80.71 శాతం ఉందన్నారు. నెల రోజులకు సరిపడే బొగ్గు నిల్వలు ఉన్నాయని,వంద శాతం గృహ విద్యుద్దీకరణ చేశామన్నారు. సోలార్ విద్యుత్ సామర్థ్యం 6053మెగావాట్లు అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.