రాష్ట్రీయం
దక్కదని చంపేశాడు
S ,7 à 8 RSCA (si SASPAS) et 6 cialis pharmacie cialis rapports de stage.
యాదగిరిగుట్ట, జూన్ 10: ప్రేమించాడు.. పెళ్లి చేసుకోమన్నాడు.. ఆమె కాదంది. పెద్దలు కుదిర్చిన సంబంధాన్ని చేసుకోవటానికి సిద్ధపడింది. ఒక్కసారిగా అతనిలో ఉన్మాది నిద్రలేచాడు. తనకు దక్కనిది ఎవరికీ దక్కకూడదనుకున్నాడు. విచక్షణ కోల్పోయాడు. కత్తితో ప్రియురాలిపై దాడిచేసాడు. ఎక్కడపడితే అక్కడ పోట్లు పొడిచాడు.. అతని పైశాచికత్వానికి ఆమె బలైపోయింది. అతను తాపీగా పోలీస్‌స్టేషన్‌కు వెళ్లి లొంగిపోయాడు.. ప్రఖ్యాత పుణ్యక్షేత్రం యాదగిరిగుట్ట సమీపంలో శనివారం జరిగిన ఈ ఘటన రాష్టమ్రంతటా సంచలనం రేపింది. మిట్టమధ్యాహ్నం ఇంట్లో ఎవ్వరూ లేని సమయం చూసి ఇంట్లోకి చొరబడి సూదగాని గాయత్రి (22) అనే యువతిపై గోరికంటి శ్రీకాంత్(23) అనే వ్యక్తి విచక్షణారహితంగా కత్తితోదాడి చేసి పరారైనాడు. అరుపులు విన్న ఇంటి ప్రక్కల వారు, స్థానికులు హుటాహుటిన భువనగిరి ఏరియా ఆసుపత్రికి తరలిస్తుండగా మార్గమధ్యంలో మృతి చెందిందని ఎస్సై ప్రభాకర్ తెలిపారు. శనివారం మండల కేంద్రంలోని యాదగిరిపల్లి గ్రామంలో యువతిని కత్తితో పొడవటంతో ఆమె మృతి చెందింది. స్థానికులు పోలీసులు తెలిపిన వివరాల ప్రకారం యాదగిరిపల్లికి చెందిన సూదగాని గాయత్రి డిగ్రీ చదువుతోంది. అదే గ్రామానికి చెందిన గోరుకంటి శ్రీకాంత్ కూలీ పని చేసుకుంటున్నాడు. ప్రేమిస్తున్నానని పెండ్లి చేసుకుంటానని గాయత్రిని నిత్యం వేధించేవాడు. గాయత్రి తండ్రి సాయిలు గ్రామంలోని పెద్దమనుషులను పిలిపించి మాట్లాడి గాయత్రి తెరువు రావద్దని హెచ్చరించారు. దీంతో కొంతకాలం వేచి చూసిన శ్రీకాంత్ మళ్లీ పెళ్లి పేరుతో అమ్మాయిని వేధించటం మొదలుపెట్టాడు. ఈ బాధ భరించలేక తల్లిదండ్రులు తమ కూతురికి వివాహం చేయాలని నిశ్చయించారు. నిశ్చితార్థం కూడా జరిగిపోయింది. ఆగస్టులో అమ్మాయి పెళ్లి ఖాయమైంది. ఈ విషయం తెలుసుకున్న శ్రీకాంత్ అమ్మాయిని మరింతగా ఇబ్బంది పెట్టడం మొదలుపెట్టాడు. శనివారం ఇంట్లో ఎవ్వరు లేని సమయం చూసి ఇంట్లోకి వెళ్లి అమ్మాయిని విచక్షణరహితంగా పొడిచి పారిపోయాడు. స్థానికులు ఇచ్చిన సమాచారం మేరకు పోలీసులు వెంటనే సంఘటన స్థలానికి చేరుకుని విచారణ ప్రారంభించారు. హత్య చేసిన యువకుడు పోలీసుస్టేషన్‌కు వెళ్లి లొంగి పోయినట్లు సమాచారం. గ్రామంలో ఎలాంటి అవాంఛనీయ సంఘటనలు జరుగకుండా గట్టి బందోబస్తు ఏర్పాటుచేశారు. కేసునమోదు చేసుకుని దర్యాప్తు చేస్తున్నట్లు ఎసై ప్రభాకర్ తెలిపారు.
చిత్రాలు.. మృత్యువాతపడిన గాయత్రి. హంతకుడు శ్రీకాంత్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.