రాష్ట్రీయం
చిరస్మరణీయుడు సినారె
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 13: తెలుగు జాతి అత్యున్నత సాహితీవేత్త డాక్టర్ సి నారాయణ రెడ్డిని కోల్పోయిందని ఆంధ్రప్రదేశ్ ముఖ్యమంత్రి ఎన్ చంద్రబాబునాయుడు పేర్కొన్నారు. మంగళవారం రాత్రి హైదరాబాద్ చేరుకున్న చంద్రబాబునాయుడు సినారె భౌతికకాయానికి నివాళులు అర్పించారు. దేశంలో సినారెకు ఒక ప్రత్యేకత ఉందని, ఆయనతో తనకు సుదీర్ఘ పరిచయం ఉందని పేర్కొన్నారు. ఎన్‌టిఆర్ అయితే ఆయనను అత్యంత గౌరవంగా చూసేవారని, ఎప్పుడు వచ్చినా సొంత కుటుంబ సభ్యుడి కంటే మిన్నగా చూసేవారని చంద్రబాబు చెప్పారు. ఎన్టీఆర్ సినిమాల్లో నారాయణ రెడ్డి బ్రహ్మాండమైన పాటలు రాశారని వ్యాఖ్యానించారు. తనకు బాగా పరిచయం ఏర్పడిన తర్వాత పార్టీ ఎమ్మెల్యేలకు వక్తృత్వంలో శిక్షణ ఇవ్వాలని కోరినపుడు ఆయన ఒప్పుకొని చాలా సార్లు వచ్చారని అన్నారు. రాజకీయ నాయకులకు కమ్యూనికేషన్ చాలా గొప్ప ఆయుధమని, ఆ విషయంలోనూ ఆయనకు మించిన వారే లేరని అన్నారు. దేశంలో ఎవరికీ దొరకని గౌరవం ఆయనకు దక్కిందని, ఆయన రాసిన పాటలు, కావ్యం చరిత్రలో చిరస్థాయిలో నిలుస్తాయని చెప్పారు. రాజ్యసభ సభ్యుడిగా నారాయణ రెడ్డిని తానే సిఫార్సు చేశానని వెల్లడించారు. అలాగే సాంస్కృతిక మండలి చైర్మన్‌గా కూడా నియమించామని, ప్రతి పదవిలోనూ ఆయన ఎనలేని సేవలు అందించారని చంద్రబాబు వివరించారు. తాను అనేక మార్లు కలిసినపుడు ఎంతో ఆప్యాయత, అనురాగంతో పలకరించేవారని, తాము కుటుంబ సభ్యుడిగా భావించేవారమని,
గొప్ప ఆప్తుడిని కోల్పోయామని పేర్కొన్నారు. నారాయణరెడ్డి మృతి దేశానికి, సాహితీలోకానికే తీరని లోటని, ఆయన స్ఫూర్తితో ముందుకెళ్లాల్సిన అవసరం ఉందని అన్నారు. తన కుమార్తెలకు నదుల పేర్లు పెట్టుకున్నారంటే నదులపై ఆయనకు ఉన్న ప్రేమ ఎంతో అర్థమవుతుందని చంద్రబాబు అన్నారు. ఆయన ఆత్మకు శాంతి చేకూరాలని ప్రార్థిస్తున్నట్టు ఆయన చెప్పారు. ముఖ్యమంత్రి చంద్రబాబు వెంట ప్రొఫెసర్ యార్లగడ్డ లక్ష్మీప్రసాద్ , టిడిపి నేతలు ఎల్ రమణ, రేవంత్‌రెడ్డి, మోత్కుపల్లి నర్సింహులు, రావుల చంద్రశేఖర్‌రెడ్డి, నన్నపనేని రాజకుమారి, గాదె వెంకటరెడ్డి తదితరులున్నారు.
హైదరాబాద్‌లో సినారె స్మారక భవనం: కెసిఆర్
కాగా,సినారె స్మారకార్థం హైదరాబాద్ నగర నడిబొడ్డున ఆయన పేరిట సమావేశ మందిరం నిర్మిస్తామని తెలంగాణ ముఖ్యమంత్రి కె చంద్రశేఖర్‌రావు ప్రకటించారు. అలాగే ట్యాంక్‌బండ్, కరీంనగర్ పట్టణం, సిరిసిల్ల జిల్లా కేంద్రంలో ఆయన కాంస్య విగ్రహాలను ఏర్పాటు చేస్తామన్నారు. సినారె పేరు చిరస్థాయిగా నిలిచేందుకు ఓ ప్రముఖ సంస్థకు ఆయన పేరు పెడతామన్నారు. మంగళవారం మధ్యాహ్నం సినారె ఇంటికి ముఖ్యమంత్రి వెళ్లి ఆయన పార్థివదేహానికి నివాళులు ఆర్పించారు. ఈ సందర్భంగా ముఖ్యమంత్రి మాట్లాడుతూ ‘తెలంగాణ రాష్ట్రం గర్వంగా తల ఎత్తుకుని మా బిడ్డ అని చెప్పుకునేంతటి మహానీయుడు సి నారాయణరెడ్డి’ అని కొనియాడారు.
నేడు సారస్వత పరిషత్‌లో సినారె భౌతికకాయం
ప్రజల సందర్శనార్థం బుధవారం ఉదయం 9 గంటలకు బొగ్గుల కుంటలోని తెలంగాణ సారస్వత పరిషత్ భవనంలో సినారె పార్థివదేహాన్ని ఉంచుతారు. ఆ తర్వాత పది గంటలకు సారస్వత పరిషత్ నుంచి ప్రశాసన్ నగర్ తరలించి, అక్కడి నుంచి ఫిల్మ్‌నగర్ మహాప్రస్థానం వరకు అంతిమ యాత్ర కొనసాగుతుంది. తెలంగాణ ముఖ్యమంత్రి కెసిఆర్ స్వయంగా అంతిమయాత్రలో పాల్గొంటారని అధికారికంగా విడుదల చేసిన ప్రకటనలో పేర్కొన్నారు.
చిత్రం.. సినారె భౌతికకాయానికి నివాళులు అర్పిస్తున్న ముఖ్యమంత్రి చంద్రబాబునాయుడు తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.