రాష్ట్రీయం
తీర్పు వచ్చాకే..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 18: హైకోర్టు విభజన అంశం కేంద్రం పరిథి నుంచి కోర్టులోకి వెళ్లిందని కేంద్ర న్యాయ శాఖ సహాయ మంత్రి పిపి చౌదరి అన్నారు. హైకోర్టుకు త్వరలో ఆరుగురు న్యాయమూర్తులను నియమించనున్నట్టు చెప్పారు. తెలంగాణ బిజెపి న్యాయవాదుల విభాగం ఆదివారం ఏర్పాటు చేసిన సమావేశానికి కేంద్ర మంత్రి పిపి చౌదరి ముఖ్యఅతిథిగా హాజరయ్యారు. ఈ సందర్భంగా నిర్వహించిన మీడియా సమావేశంలో మాట్లాడుతూ హైకోర్టు విభజన అంశంపై కోర్టులో మూడు పిటిషన్లు దాఖలయ్యాయన్నారు. రెండు రాష్ట్రాల పిటీషనే్లకాకుండా మరో ప్రైవేటు పిటిషన్ కూడా దాఖలైందని చెప్పారు. తీర్పురాగానే అందుకనుగుణంగా చర్యలు తీసుకుంటామని చెప్పారు. ఆంధ్రప్రదేశ్ ముఖ్యమంత్రి, హైకోర్టు ప్రధాన న్యాయమూర్తి కలిసి తమకు నివేదిక అందిస్తే అందుకు తగినవిధంగా చర్యలు తీసుకుంటామని తెలిపారు. అయితే ఏపీలో రాజ్‌భవన్, సచివాలయం, హైకోర్టు నిర్మాణానికి కేంద్రం ఇదివరకే 500 కోట్ల కేటాయించిందని వివరించారు. హైకోర్టు నిర్మాణానికి ఆంధ్రప్రదేశ్ ప్రభుత్వం స్థలం సిద్ధం చేసినట్టు తమకు సమాచారం ఉందన్నారు. తెలుగు రాష్ట్రాలకు ఆరుగురు న్యాయమూర్తులను నియమించనున్నట్టు తెలిపారు. మిగతా నియామకాలకు సంబంధించిన అంశం కొలిజీయం పరిశీలనలో ఉందన్నారు. న్యాయమూర్తుల నియామకాల్లో మహిళలకు అవకాశం ఇవ్వాలన్న డిమాండ్ ఉందన్నారు. ఈ విషయాన్ని కొలీజియంకు తెలియజేశామని వివరించారు. ఓబిసి, ఎస్సీ, ఎస్టీ, మైనారిటీ, మహిళా న్యాయవాదుల్లో అర్హులైన వారున్నారని ఆయన తెలిపారు. కేంద్ర మంత్రివర్గంలో న్యాయవాద వృత్తినుంచి వచ్చిన వారున్నారని చెబుతూ, తన గత స్మృతులనూ జ్ఞాపకం చేసుకున్నారు.
ఖాళీగా 37 జడ్జి పోస్టులు: దత్తాత్రేయ
అంతకుముందు జరిగిన బిజెపి న్యాయవాదుల సమావేశంలో కేంద్ర మంత్రి దత్తాత్రేయ మాట్లాడుతూ రాష్ట్ర హైకోర్టులో 61మంది న్యాయమూర్తులు ఉండాలి, కానీ కేవలం 24మంది మాత్రమే ఉన్నారని అన్నారు. 37మంది న్యాయమూర్తుల స్థానాలు ఖాళీగా ఉన్నాయని, వీటి భర్తీకి చర్యలు తీసుకోవాల్సిందిగా ఆయన కేంద్ర మంత్రి పిపి చౌదరిని కోరారు. మహిళలను న్యాయమూర్తులుగా నియమించాలని ఆయన కోరారు. హైకోర్టును విభజించి ఏపీకి వేరు చేయాలని ఆయన తెలిపారు. ముఖ్యమంత్రి కేంద్రాన్ని తప్పుపడుతున్నారని ఆయన చెప్పారు. ఇద్దరు సిఎంలూ చర్చించి కేంద్రం దృష్టికి తీసుకెళ్ళాలని సూచించారు. ప్రధాని నరేంద్రమోదీ 1100 పనికిరాని చట్టాలకు చరమగీతం పాడారని ఆయన తెలిపారు. కార్మికశాఖలో ఉన్న 44 చట్టాలను నాలుగుకు కుదించనున్నట్టు ఆయన వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.