రాష్ట్రీయం
విశాఖకు త్వరలో ‘నైపర్’
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, జనవరి 12: రాష్ట్రంపై కేంద్రం కరుణ చూపి వరాల వర్షం కురిపించింది. విశాఖలో సిఐఐ ఆధ్వర్యంలో మూడు రోజులపాటు జరిగిన భాగస్వామ్య సదస్సు మంగళవారంతో ముగిసింది. ముగింపు సమావేశానికి కేంద్ర ఎరువులు, రసాయనాల శాఖ మంత్రి అనంత కుమార్ ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ ఆంధ్రప్రదేశ్‌ను ఫార్మా హబ్‌గా తీర్చిదిద్దుతామని చెప్పారు. ఇందులో భాగంగా నేషనల్ ఇనిస్టిట్యూట్ ఆఫ్ ఫార్మా ఇంజనీరింగ్ రిసెర్చ్ (నైపర్) సెంటర్‌ను విశాఖలో ఏర్పాటు చేయాలని నిర్ణయించామని తెలియచేశారు. 600 కోట్ల రూపాయలతో 100 ఎకరాల భూమిలో ఈ ఇనిస్టిట్యూట్‌ను నెలకొల్పనున్నామని, వచ్చే బడ్జెట్‌లో దీన్ని చేర్చనున్నామని ఆయన తెలియచేశారు. త్వరలోనే దీనికి శంకుస్థాపన చేయనున్నామని ఆయన చెప్పారు. ఇదిలా ఉండగా విజయవాడలో ఉన్న సిపిట్ సెంటర్‌లో కెమికల్, పెట్రోకెమికల్, ప్లాస్టిక్ ఇంజనీరింగ్ విద్యను రెండు వందల మంది మాత్రమే అభ్యసిస్తున్నారని, ఈ సంఖ్యను ఐదు వేలకు పెంచాలని నిర్ణయించామని అనంతకుమార్ తెలియచేశారు. అలాగే రాష్ట్రంలో మెడికల్ డివైసెస్ పార్క్ (వైద్య పరికరాల తయారీ యూనిట్)ను ఏర్పాటు చేయనున్నామని ఆయన చెప్పారు. ఒక్కో పార్క్‌లో 20 వేల కోట్ల రూపాయల పెట్టుబడులు వస్తాయని ఆయన తెలియచేశారు. దీని కోసం పలు రాష్ట్రాలు పోటీ పడుతున్నాయని, కానీ దీన్ని ఎపికే ఇవ్వాలని నిర్ణయించామని మంత్రి తెలియచేశారు. విశాఖ- కాకినాడ మధ్య పిసిపిఐఆర్ ఏర్పాటు చేయాలని అనుకున్నాం. అయితే దీని స్థానే పెట్రో కెమికల్ పార్క్‌ను ఏపిలో ఏర్పాటు చేయాలని నిర్ణయించామని అనంత్ కుమార్ తెలియచేశారు. అయితే పెట్రోలియం శాఖ మంత్రితో మరోసారి చర్చించి, హెచ్‌పిసిఎల్‌ను విస్తరించాలా.. లేకుంటే పెట్రోకెమికల్ పార్క్‌ను ఏర్పాటు చేయాలా.. అనేది నిర్ణయిస్తామని ఆయన చెప్పారు. బెంగళూరు-చెన్నై, విశాఖ-చెన్నై కారిడార్లను వీలైనంత త్వరగా సాకారం చేసేందుకు చర్యలు తీసుకుంటున్నామని అన్నారు.
చిత్రం... సదస్సులో మాట్లాడుతున్న
కేంద్ర మంత్రి అనంత్‌కుమార్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.