రాష్ట్రీయం
విజయనగరం రైల్వే స్టేషన్‌లో హైస్పీడ్ వైఫై
S ,7 à 8 RSCA (si SASPAS) et 6 cialis pharmacie cialis rapports de stage.
విజయనగరం, జూలై 13: విజయనగరం రైల్వే స్టేషన్‌లో హైస్పీడ్ వైఫై సర్వీసులను వీడియో లింక్ ద్వారా గురువారం కేంద్రమంత్రి సురేష్ ప్రభు ప్రారంభించారు. అనంతరం ఆయన ఢిల్లీలోని రైల్ భవన్ నుంచి మాట్లాడుతూ డిజిటల్ ఇండియాలో భాగంగా రైల్వే ప్రయాణికులకు ఉచిత వైఫై సర్వీసులు అందుబాటులోకి తెచ్చామన్నారు. ఇప్పటి వరకు దేశంలో 127 ప్రధాన రైల్వే స్టేషన్లలో వైఫై సర్వీసులు అందుబాటులో ఉన్నాయన్నారు. మరో 200 ప్రధాన స్టేషన్లలో వైఫై సర్వీసులు అందించాలని నిర్ణయించినట్టు తెలిపారు. దాంతోపాటు పట్టణ, గ్రామీణ ప్రాంతాల్లో కూడా సర్వీసులు అందజేయాలని నిర్ణయించామన్నారు. పాన్ ఇండియా ఆప్టిక్ ఫైబర్ నెట్‌వర్క్ ద్వారా ఈ సర్వీసులు అందుతున్నాయన్నారు. దాదాపు 70 శాతం మంది జనాభాకు ఈ సర్వీసులు అందజేయాలని లక్ష్యంగా పెట్టుకున్నట్టు తెలిపారు. గత ఏడాది ముంబయిలో మొదటి సారిగా వైఫై సర్వీసులను ప్రారంభించామన్నారు. ఆ తరువాత పూణే, భువనేశ్వర్, భూపాల్, రాంచి, రాయ్‌పూర్, విజయవాడ, కాచిగుడా, ఎర్నాకుళం జంక్షన్, విశాఖపట్నం ప్రాంతాలకు విస్తరించామన్నారు. త్వరలో మిగిలిన ప్రాంతాలకు వీటిని విస్తరిస్తామని వివరించారు. దీంతోపాటు విశాఖ వరకు నడిచే హమ్‌సఫర్ వీక్లి ఎక్స్‌ప్రెస్ రైలును ప్రారంభించారు. ఈ కార్యక్రమంలో కేంద్ర పౌరవిమానయానశాఖ మంత్రి పి.అశోక్‌గజపతిరాజు పాల్గొన్నారు. ఇదిలా ఉండగా విజయనగరం రైల్వే స్టేషన్‌లో ఏర్పాటు చేసిన కార్యక్రమంలో పాల్గొన్న రాష్ట్ర భూగర్భ గనులశాఖ మంత్రి సుజయ్‌కృష్ణ రంగారావు మాట్లాడుతూ రాష్ట్రంలో వైఫై సేవలు అందుబాటులోకి వచ్చిన రైల్వే స్టేషన్లలో విజయనగరం ఏడో స్టేషన్‌గా పేర్కొన్నారు. కేంద్రమంత్రి అశోక్‌గజపతిరాజు కృషితో విజయనగరం స్టేషన్ అభివృద్ధి చెందనుందన్నారు. జెడ్పీ చైర్‌పర్సన్ స్వాతిరాణి, ఎమ్మెల్సీలు జగదీష్, పివిఎన్ మాధవ్, ఎమ్మెల్యే చిరంజీవులు, కలెక్టర్ వివేక్‌యాదవ్, డిఆర్‌ఎం ముకుల్ శరణ్ మాధుర్, స్టేషన్ మాస్టర్ మూర్తి తదితరులు పాల్గొన్నారు.
చిత్రం.. ఢిల్లీ నుంచి వైఫై సర్వీసులను ప్రారంభిస్తున్న రైల్వేశాఖ మంత్రి సురేష్ ప్రభు, అశోక్‌గజపతిరాజు తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.