రాష్ట్రీయం
ప్రాజెక్టులపై పేచీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 21: కృష్ణా జలాలపై తెలుగు రాష్ట్రాల మధ్య కొనసాగుతోన్న పేచీకి ఇప్పుడు గోదావరి తోడైంది. గోదావరి జలాలపైనా రెండు రాష్ట్రాలు పట్టు కొనసాగించే ప్రయత్నాలు చేస్తున్నాయి. జల సౌధలో శుక్రవారం గోదావరి నదీ యాజమాన్య బోర్డు చైర్మన్ ఎస్‌కె సాహు అధ్యక్షతన జరిగిన సమావేశంలో తెలంగాణ, ఆంధ్రప్రదేశ్ రాష్ట్రాలు పరస్పరం వాదనలకు దిగాయి. అటు పట్టిసీమ ప్రాజెక్టుపై తెలంగాణ, ఇటు కాళేశ్వరం ప్రాజెక్టుపై ఆంధ్ర.. వాదనలకు దిగాయి. ప్రాజెక్టుకు అనుమతులే కాదు, కనీసం బోర్డునుంచి అనుమతి తీసుకోకుండా పట్టిసీమ ప్రాజెక్టును ఆంధ్ర ఎలా నిర్మించిందని తెలంగాణ అభ్యంతరాలు లేవనెత్తింది. అదే సమయంలో కాళేశ్వరం ప్రాజెక్టుకు అనుమతి ఎక్కడుందంటూ ఆంధ్ర ప్రభుత్వం గట్టిగా ప్రశ్నించింది. కాళేశ్వరం ప్రాజెక్టు కొత్తదికాదని, ఉమ్మడి రాష్ట్రంలోనే దీనికి అనుమతులు ఉన్నాయన్న వాదనను తెలంగాణ ప్రభుత్వం వినిపించింది. పట్టిసీమ ప్రాజెక్టు కూడా కొత్తదికాదని, దీనిపై సమగ్ర నివేదిక సమర్పించామని ఆంధ్రప్రదేశ్ ప్రభుత్వం స్పష్టం చేసింది. దీంతో గోదావరి బోర్డు జోక్యం చేసుకుంటూ, ఒక రాష్ట్రం నిర్మించే ప్రాజెక్టులను మరో రాష్ట్రం వ్యతిరేకించడం, పరస్పరం వాదించుకోవడం వల్ల ప్రయోజనం లేదని అభిప్రాయపడింది. ఇరు రాష్ట్రాలు గోదావరి పరీవాహకంలో పూర్తిచేసిన ప్రాజెక్టులు, పురోగతిలోవున్న ప్రాజెక్టుల వివరాలతోపాటు వాటికి లభించిన అనుమతి పత్రాలను బోర్డు త్వరలో అందుబాటులోకి తీసుకురానున్న వెబ్‌సైట్‌లో అప్‌లోడ్ చేయాలని చైర్మన్ సాహు ఆదేశించారు. దీనివల్ల ఇరు రాష్ట్రాలు చేస్తున్న వాదనలో వాస్తవం ఎంతవరకు ఉందనేది తేలుతుందన్నారు. పట్టిసీమ ప్రాజెక్టుపై సమగ్ర నివేదిక (డిపిఆర్) పూర్తిగా బోర్డుకు అందలేదని చైర్మన్ సాహు గుర్తు చేశారు. అలాగే కాళేశ్వరం ప్రాజెక్టు రీ-డిజైనింగ్‌పైనా తమకు సమగ్ర నివేదిక సమర్పించాలని కోరారు. ఇరు రాష్ట్రాలు ఈ రెండు ప్రాజెక్టులకు సంబంధించిన సమగ్ర నివేదికలు బోర్డుకు సమర్పించలేదని బోర్టు చైర్మన్ సాహు గుర్తు చేశారు. వెబ్‌సైట్‌లో తమ రాష్ట్రాల్లోని ప్రాజెక్టుల వివరాలు ఆప్‌లోడ్ చేయడానికి ఇరు రాష్ట్రాలు అంగీకరించాయి. అలాగే బోర్డు విధివిధానాల రూపకల్పనపై ఇరు రాష్ట్రాలు తమ సూచనలు సలహాలు పది రోజుల్లో బోర్డుకు సమర్పించాలని, అవి తమకు అందాక ఇరు రాష్ట్రాలకు ఆమోదయోగ్యమైన మాన్యువల్ ఖరారు చేస్తామని చైర్మన్ సాహు స్పష్టం చేశారు. గోదావరి నదీ యాజమాన్య బోర్డు ‘లోగో’లో కొన్ని చేర్పులు, మార్పులను సూచించాయి. బోర్డు కూడా అందుకు అంగీకరించటంతో లోగో ఆమోదంపొందింది. బోర్డు మరో 25 పోస్టుల భర్తీ చేసుకోవడానికి ఇరు రాష్ట్రాలు ఆమోదం తెలిపాయి. బోర్డు కార్యాలయానికి జలసౌధలో వసతి కల్పించడం పట్ల తెలంగాణ ప్రభుత్వానికి చైర్మన్ సాహు కృతజ్ఞతలు తెలిపారు. బోర్డు పరిపాలన కోసం ఇరు రాష్ట్రాలు తమ సిబ్బందిని కేటాయించడం పట్ల కూడా చైర్మన్ కృతజ్ఞతలు తెలిపారు. సమావేశానికి తెలంగాణ నుంచి నీటిపారుదల శాఖ ముఖ్య కార్యదర్శి ఎస్‌కె జోషి, ఈఎన్‌సి మురళీధర్, ఆంధ్రప్రదేశ్ నీటిపారుదల శాఖ కార్యదర్శి శశిభూషణ్, ఈఎన్‌సి వెంకటేశ్వర్‌రావు, చీఫ్ ఇంజనీర్లు, ఇతర ఉన్నతాధికారులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.