రాష్ట్రీయం
ఆన్‌లైన్‌లోనే ఐటి రిటర్న్స్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 21: రానున్న మరో నాలుగేళ్లలో ప్రాంతాల సరిహద్దుల్లేకుండా దేశంలో ఎక్కడినుంచైనా ఆదాయ పన్ను రిటర్న్స్ ఫైల్ చేయవచ్చని తెలుగు రాష్ట్రాల ఆదాయ పన్ను ప్రిన్సిపల్ చీఫ్ కమిషనర్ శ్యామప్రసాద్ చౌదరి వెల్లడించారు. ఇందుకు ప్రత్యేకంగా కమిటీని నియమించినట్టు చెప్పారు. శుక్రవారం రెడ్‌హిల్స్‌లోని ఐటి టవర్స్‌లో ఏర్పాటు చేసిన మీడియా సమావేశంలో మాట్లాడుతూ ఆదాయ పన్ను చెల్లింపుపై అవగాహన పెంపొందించేందుకు ఈనెల 24న ఆదాయ పన్ను దినోత్సవాన్ని నిర్వహిస్తున్నట్టు చెప్పారు. సాధారణంగా ఆదాయ పన్ను అంటేనే భయపడతారని, ఆ భయాన్ని దూరంచేసి ఫ్రెండ్లీగా పన్ను వసూలు చేసేందుకు, ప్రజలే ముందుకొచ్చి చెల్లించేలా వారిలో అవగాహన పెంచేందుకు ఈనెల 24న జూబ్లీహిల్స్‌లోని జెఆర్‌సి కనె్వన్షన్ సెంటర్‌లో ఆదాయ పన్ను దినోత్సవాన్ని నిర్వహించనున్నట్టు తెలిపారు. తమ శాఖ సిబ్బంది, పన్ను చెల్లింపుదారులు, కంపెనీ సెక్రటరీలతో కలిసి నిర్వహించే కార్యక్రమానికి తెలంగాణ ప్రభుత్వ సలహాదారు రాజీవ్ శర్మ ముఖ్య అతిధిగా హాజరుకానున్నట్టు చెప్పారు. 2010లో మొట్టమొదటిసారిగా నిర్వహించిన ఈ ఆదాయ పన్ను దినోత్సవ వేడుకలను మళ్లీ నిర్వహించేందుకు సన్నాహాలు చేస్తున్నట్టు చెప్పారు. మొత్తం పన్ను వసూళ్లలో తెలంగాణ 4 శాతం కాగా, ఆంధ్రప్రదేశ్ వాటా కేవలం ఒక్కశాతం ఉన్నట్టు వివరించారు. ఏటా అడ్వాన్సు ట్యాక్సు వసూళ్లలో 24.3 శాతం, టిడిఎస్ అడ్వాన్సు టాక్సు వసూళ్లలో 24.24 శాతం వృద్ధి సాధించామన్నారు.
అవగాహన కోసం పోటీలు
ఆదాయ పన్ను చెల్లింపులు, వసూళ్ల వంటి అంశాలపై ప్రజల్లో అవగాహన పెంపొందించేందుకు తీసుకున్న చర్యల్లో భాగంగా పలు పాఠశాల్లోని ఎనిమిది నుంచి పనె్నండవ తరగతి విద్యార్థులకు పెయింటింగ్, తెలుగు, ఇంగ్లీష్, హిందీ భాషల్లో వ్యాసరచన తదితరంశాల్లో పోటీలు నిర్వహించామని, ఇందులో విజేతలకు 24న నిర్వహించే ఆదాయ పన్ను దినోత్సవంలో బహుమతులు ప్రదానం చేయనున్నట్టు చౌదరి వివరించారు. ఆదాయ పన్ను చెల్లింపుదారులు, కంపెనీల సెక్రటరీలు వంటి ఇతరత్ర ఆదాయ పన్ను సంబంధిత విధులు నిర్వర్తించే సుమారు 600 మంది హజరయ్యే కార్యక్రమంలో ఆంధ్రప్రదేశ్, తెలంగాణ రాష్ట్రాల్లో ఆదాయ పన్ను వసూళ్లలో వచ్చిన మార్పులువంటి అంశాలపై ప్రజెంటేషన్ ఉంటుందని తెలిపారు.
చిత్రం.. మీడియాతో మాట్లాడుతున్న ఆదాయ పన్ను ప్రిన్సిపల్ చీఫ్ కమిషనర్ శ్యామప్రసాద్ చౌదరి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.