రాష్ట్రీయం
రుణాలు.. 121744 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జనవరి 13: రాష్ట్రంలో 2016-17 ఆర్థిక సంవత్సరంలో ప్రాధాన్యతా రంగాలకు 1,21,744 కోట్ల మేర రుణాలివ్వటానికి నాబార్డు ప్రణాళికను ఖరారు చేసింది. బుధవారం నగరంలోని ఒక హోటల్‌లో రాష్టస్థ్రాయి రుణ సదస్సు జరిగింది. రుణ ప్రాధాన్యత పత్రాన్ని సిఎం చంద్రబాబు ఆవిష్కరిస్తూ ‘వ్యవసాయ రంగంలో పెట్టుబడుల వృద్ధి’ అంశంపై మాట్లాడారు.
వ్యవసాయం, గ్రామీణాభివృద్ధి రంగాల్లో లక్ష్యాలు చేరుకోడానికి రుణ మొత్తాన్ని మరింత పెంచాలన్నారు. సాగు రంగంలో రూ.52 వేల కోట్లు, ఉద్యానవన రంగంలో 44 వేల కోట్లు, డెయిరీ పరిశ్రమలో 25 వేల కోట్లు, పశు సంవర్థక రంగంలో 14 వేల కోట్లు, మత్స్య పరిశ్రమలో 30 వేల కోట్లు కేటాయిస్తున్నారంటూ, బ్యాంకుల భాగస్వామ్యం ఆశించినంతగా లేదని అసంతృప్తి వ్యక్తం చేశారు. పెద్దఎత్తున రుణాలనందించి వ్యవసాయ రంగాన్ని లాభసాటి చేసే ప్రక్రియలో సహకరించాలని బ్యాంకర్లను కోరారు. ప్రభుత్వం ఒక వైపున పెద్ద ఎత్తున జల సంరక్షణ కార్యక్రమాలు చేపట్టి వ్యవసాయం, దాని అనుబంధ రంగాలను లాభసాటిగా మార్చేందుకు పట్టుదలతో కృషి చేస్తున్న వైనాన్ని సిఎం గుర్తు చేశారు. ఇటీవలే ‘పంట-కుంట’ కార్యక్రమాన్ని విస్తృతంగా చేపట్టి భూగర్భ జలాలను గణనీయంగా పెంచేందుకు ప్రయత్నిస్తున్నామన్నారు.
నిర్దేశించుకున్న లక్ష్యాలు చేరుకునేందుకు అవసరమైన రుణాలు అందించాలన్నారు. వ్యవసాయం, గ్రామీణాభివృద్ధి రంగాలలో భాగస్వాములందరినీ ఒకచోటకి చేర్చి ఇలాంటి ఉపయుక్తమైన చర్చల ద్వారా రుణ ప్రాధాన్యతను నిర్ణయించడం సహేతుకంగా ఉంటుందన్నారు.
బ్యాంకులు ఇచ్చిన రుణ ప్రణాళికలు, ఆమేర అందించిన చేయూత గురించి ఈ సమావేశంలో ఆప్కాబ్ ఛైర్మన్ పిన్నమనేని వెంకటేశ్వరరావు నుంచి ముఖ్యమంత్రి వివరాలడిగి తెలుసుకున్నారు. రైతులు రుణాలు తీసుకునే సమయంలో స్టాంపు డ్యూటీ చెల్లింపు మినహాయింపుపై ఆలోచన చేయాలని పలువురు ప్రతినిథులు సిఎంను కోరారు. ఈ సమావేశంలో నాబార్డు చీఫ్ జనరల్ మేనేజర్ హరీస్ జవా, రాష్ట్ర ప్రణాళికా సంఘం ఉపాధ్యక్షులు కుటుంబ రావు, ఆంధ్రాబ్యాంకు ఎండి సురేష్ ఎన్ పటేల్, వ్యవసాయ శాఖ ప్రత్యేక ప్రధాన కార్యదర్శి టి.విజయకుమార్, ఇతర అధికారులు, బ్యాంకర్లు పాల్గొన్నారు.
చిత్రం...
విజయవాడలో నాబార్డు సమావేశంలో మాట్లాడుతున్న సిఎం చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.