రాష్ట్రీయం
ఆల్మట్టి వద్ద కృష్ణమ్మ పరవళ్లు
S ,7 à 8 RSCA (si SASPAS) et 6 cialis pharmacie cialis rapports de stage.
గద్వాల: ఎగువ ప్రాంతంలోని ఆల్మట్టి జలాశయానికి గత వారం రోజులుగా వస్తున్న వరద నీటి ఉద్ధృతి రోజు రోజుకు పెరుగుతోంది. సోమవారం ఎగువ ప్రాంతం నుండి ఆల్మట్టి జలాశయానికి 1,42,325 క్యూసెక్కుల వరద నీరు వచ్చి చేరుతుండడంతో ప్రాజెక్టు వద్ద కృష్ణమ్మ పరవళ్లు తొక్కుతోంది. ఎగువ ప్రాంతం నుండి వస్తున్న వరద నీటిని సద్వినియోగం చేసుకుంటూ అక్కడి అధికారులు పూర్తిస్థాయి నీటి మట్టాన్ని పెంచుకుంటున్నారు. అదే విధంగా అక్కడి విద్యుత్ ఉత్పత్తి కోసం 33 వేల క్యూసెక్కులను వినియోగించుకుంటున్నారు. దీంతో ప్రతి రోజు 8 నుండి 9 టిఎంసిల నీరు జలాశయంలోకి చేరుకుంటుండడంతో త్వరలోనే పూర్తిస్థాయి నీటిమట్టానికి చేరుకోనుంది. 129.72 టిఎంసిల సామర్థ్యం గల ఆల్మట్టి జలాశయంలో ప్రస్తుతం 89.02 టిఎంసిల నీరు నిల్వ ఉంది. అదే విధంగా నారాయణపూర్ జలాశయానికి ఎగువ ప్రాంతం నుండి 35,740 క్యూసెక్కుల వరద నీరు వచ్చి చేరుతుండడంతో ఇక్కడి ప్రాజెక్టులో కూడా నీటి నిల్వ సామర్థ్యం పెరుగుతోంది. నారాయణపూర్ జలాశయం పూర్తిస్థాయి నీటి మట్టం 37.646 టిఎంసిలు కాగా, సోమవారం నాటికి 30 టిఎంసిల నీరు నిల్వ ఉంది. జూరాల జలాశయంలో 9.657 టిఎంసిల సామర్థ్యానికి గాను 6.731 టిఎంసిల నీరు నిల్వ ఉంది. ఎగువ ప్రాంతంలోని ఆల్మట్టి, నారాయణపూర్ జలాశయాలకు వస్తున్న వరద నీటి ఉద్ధృతిని దృష్టిలో ఉంచుకొని మరో వారం రోజుల్లో జూరాలకు కృష్ణమ్మ చేరనున్నట్టు అధికారులు అంచనా వేస్తున్నారు. ఎగువ ప్రాంతంలోని ప్రాజెక్టులో ఉన్న ఇన్‌ఫ్లోలను దృష్టిలో ఉంచుకొని జూరాల ప్రాజెక్టుపై ఆధారపడిన నెట్టెంపాడు, కోయిల్‌సాగర్, బీమా ఫేజ్-1, ఫేజ్-2తో పాటు జూరాల జలవిద్యుత్కేంద్రం అధికారులు వరద జలాలను వినియోగించుకునేందుకు ఏర్పాట్లు చేస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.