రాష్ట్రీయం
నిరుద్యోగులపై సర్వే
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూలై 27: నిరుద్యోగ భృతి కల్పించాలని నిర్ణయించిన సిఎం చంద్రబాబు, రాష్ట్రంలో నిరుద్యోగ యువతీ, యువకుల సమాచారాన్ని సేకరించాల్సిందిగా అధికారులను ఆదేశించారు. రాష్ట్ర మంత్రులు యనమల రామకృష్ణుడు, కిమిడి కళా వెంకట్రావు, పితాని సిత్యనారాయణ, కొల్లు రవీంద్ర, పి.నారాయణ, నారా లోకేష్, ప్రభుత్వ ప్రధాన కార్యదర్శి దినేష్‌కుమార్, వివిధ శాఖల అధికారులతో నిరుద్యోగ భృతి అంశంపై సిఎం గురువారం వెలగపూడి సచివాలయంలో సమీక్ష నిర్వహించారు. నిరుద్యోగ భృతికి సంబంధించి విధి విధానాల రూపకల్పన ఎలా ఉండాలనే దానిపై సమీక్షలో సిఎం లోతుగా చర్చించారు. ముఖ్యంగా ఏ వయసు నుంచి ఏ వయసు వరకు భృతి ఇవ్వాలి, ఎనే్నళ్లు ఇవ్వాలి, భృతి పొందేందుకు విద్యార్హత ఏది నిర్ణయించాలి, మిగిలిన ప్రాతిపదికలు ఏముండాలి అనే దానిపై ప్రధానంగా చర్చ జరిగింది. రాష్ట్రంలో యువతకు సంబంధించి సమస్త సమాచారాన్ని సేకరించిన తర్వాతే విధి విధానాలపై తుది నిర్ణయం తీసుకోవాలని స్పష్టం చేశారు. నిరుద్యోగ భృతి కార్యక్రమం ఇంత పెద్దఎత్తున చేపట్టడం దేశంలోనే ఇది తొలిసారని, దీన్ని సమర్థవంతంగా అమలుచేసి అన్ని రాష్ట్రాలకు ఆదర్శంగా నిలిచేలా పటిష్ట విధానం రూపొందించాలని సూచించారు. ఎంప్లాయిమెంట్ ఎక్ఛేంజ్‌లలో, సాధికార సర్వే, స్కిల్ డెవలప్‌మెంట్ కార్పొరేషన్, వివిధ వర్శిటీల్లో సమాచారాన్ని సేకరించి అనుసంధానించాలని చెప్పారు. వివిధ ప్రభుత్వ పథకాల లబ్ధిదారులు, ప్రభుత్వ ఆర్థిక సాయంతో నైపుణ్య శిక్షణ పొందినవారి వివరాలు, విదేశాల్లో ఉన్నత విద్య అభ్యసించినవారి జాబితాను రూపొందించాలన్నారు. యువత అభివృద్ధికి ఉత్తమ చర్యలు చేపట్టిన పలు దేశాల విధానాలను మరింత అధ్యయనం చేయాలని సిఎం సూచించారు.
జవాబుదారీతనం ఉండాలి: మంత్రులు
నిరుద్యోగ భృతి కోసం వందల కోట్ల రూపాయల ప్రజాధనం వెచ్చించాల్సి ఉన్నందున జవాబుదారీతనం తప్పనిసరిగా ఉండాలని సమీక్షలో పాల్గొన్న మంత్రులు అభిప్రాయపడ్డారు. భృతి ద్వారా లబ్ధి పొందే యువత సమాజానికి తిరిగి సేవ చేసేలా విధాన రూపకల్పన జరగాలని తెలిపారు. కేవలం భృతితో సరిపెట్టకుండా నిరుద్యోగ యువత స్వయం ఉపాధి పొందేలా ఆర్థిక సాయం అందించడం, ఆస్తుల సృష్టి జరిగేలా చూడటం, కంపెనీల్లో ఖాళీలకు తగ్గట్టు నైపుణ్య శిక్షణ ఇవ్వడం వంటి వాటిపైనా దృష్టి పెట్టాలని ముఖ్యమంత్రి అధికారులకు నిర్దేశించారు. 15 రోజుల అనంతరం మరోసారి సమీక్ష నిర్వహిద్దామని చెప్పారు.
చిత్రం.. నిరుద్యోగ భృతి అంశంపై మంత్రులు, అధికారులతో సమీక్షిస్తున్న సిఎం చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.