రాష్ట్రీయం
పూరి, కెల్విన్‌తో ములాఖత్?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 27: మాదకద్రవ్యాల కేసు లో అనుమానితులను విచారించే కొద్దీ అదనపు సమాచా రం దొరుకుతుంది సిట్ బృందానికి. గురువారం ఉదయం నటి ముమైత్ ఖాన్‌ను ఎక్సైజ్ సిట్ బృందం విచారించింది. సుమారు ఆరున్నర గంటలపాటు సాగిన విచారణలో ఆసక్తికర విషయాలు వెలుగుచూశాయి. డ్రగ్స్ వినియోగం, సరఫరాపై అభియోగాలు ఎదుర్కొంటున్న ప్రముఖ సినీ డైరెక్టర్ పూరి జగన్నాథ్, డ్రగ్స్ మాఫియా కీలక సూత్రధారి కెల్విన్‌తో ములాఖత్ ఉన్నట్టుగా సిట్ అధికారులకు క్లారిటీ వచ్చినట్టు విశ్వసనీయ సమాచారం. మధ్యాహ్నం వరకు సాగిన విచారణలో తనకు డ్రగ్స్ అలవాటు లేద ని, సరఫరాదారులెవరో తెలియదని, డైరెక్టర్ పూరితో తనకు ఎలాంటి పరిచయాలు లేవని ముమైత్ తెగేసి చెప్పారు. మధ్యాహ్నం మూడు గంటల తరువాత సిట్ అధికారులు ఇప్పటి వరకు విచారణ జరిపిన నటీనటుల వీడియోలు చూపెడుతూ పలు ప్రశ్నలు సంధించడంతో ఆమె కీలక సమాచారాన్ని చెప్పక తప్పలేదని చెబుతున్నారు. ప్రధానంగా డ్రగ్స్ డాన్ కెల్విన్‌తో ఆమెకున్న పరిచయాలపైనే సిట్ ఆరా తీసినట్టు సమాచారం. కెల్విన్ సెల్‌ఫోన్‌లో ముమైత్ ఫోన్ నెంబర్ ఉండడంతో పాటు వీరిద్దరి మధ్య చాటింగ్ వివరాలకు సంబంధించిన అంశాలను సైతం అధికారులు సేకరించినట్టు సమాచారం. డ్రగ్స్‌తో సినీ పరిశ్రమకు ఉన్న సంబంధాలు, కెల్విన్ ఎవరెవరికి తెలుసు.. ఎవరెవరికి సరఫరా చేశాడు, డ్రగ్స్‌ను ఎవరు సమకూరుస్తారు? వంటి ప్రశ్నలకు ఆమె కీలక సమాచారం ఇచ్చినట్టు తెలుస్తోంది. ముమైత్‌ఖాన్ టాలీవుడ్‌కు పరిచయం అవకముందు ఏం చేసేవారు.. ఆపై హైదరాబాద్ నుంచి ముంబయికి ఎందుకు వెళ్లారన్న విషయాలను సైతం విచారణలో భాగంగా అడిగి తెలుసుకున్నట్టు చెబుతున్నారు. ప్రధానంగా గోవా, బ్యాంకాక్‌లకు ఎందుకు వెళతారన్న సిట్ ప్రశ్నలపై ముమైత్ క్లారిటీ ఇచ్చినట్టు తెలుస్తోంది. పబ్‌లకు వెళ్లే అలవాట్లపై కూడా సిట్ ప్రశ్నించినట్టు తెలిసింది. కాగా ముమైత్‌తోపాటు మరో ఇద్దరినీ విచారించామని సిట్ అధికారులు తెలిపారు. ఇదిలావుంటే ముమైత్ బ్లడ్ శాంపిల్స్ తీసుకోవడంపై మూడు గంటలు హైడ్రామా సాగింది. మధ్యాహ్నానికి ముందు తనకు డ్రగ్స్ అలవాటు లేదని, కావాలంటే బ్లడ్ శాంపిల్స్ తీసుకోండని ఆమె సిట్ అధికారులకు తెలుపగా, అవసరమైతే తీసుకుంటామని సిట్ బృందం చెప్పింది. పలు ప్రశ్నలపై క్లారిటీ వచ్చిన అనంతరం సిట్ అధికారులు ముమైత్ తల వెంట్రుకలు, గోళ్లు, రక్తం నమూనాలను తీసుకున్నారు.
నేడు సిట్ ముందుకు రవితేజ: అకున్ సబర్వాల్
సినీ ప్రముఖుల విచారణలో భాగంగా శుక్రవారం హీరో రవితేజ సిట్ అధికారుల విచారణకు హాజరుకానున్నారు. ఇప్పటికే రెండుసార్లు అతని విచారణ తేదీ వాయిదాపడిన విషయం తెలిసిందే. గురువారం నటి ముమైత్‌ఖాన్ విచారణ అనంతరం ఎన్‌ఫోర్స్‌మెంట్ డైరెక్టర్ అకున్ సబర్వాల్ మీడియాతో మాట్లాడుతూ సినీ హీరో రవితేజ శుక్రవారం విచారణకు హాజరవుతారన్నారు. ముమైత్‌ఖాన్‌తోపాటు నజీర్, ముబీన్‌ను విచారించామని అకున్ సబర్వాల్ స్పష్టం చేశారు. ముమైత్‌ను అధికారులు హరికిషన్, రేణుక, విజయలక్ష్మి, కరుణ విచారించారని, ముమైత్ ఇచ్చిన సమాచారంతో పలుచోట్ల సోదాలు జరిపామని అకున్ వెల్లడించారు. నటి చార్మి విచారణకు వచ్చిన సందర్భంగా ఎక్సైజ్ పోలీసులు ఆమెపట్ల అసభ్యంగా ప్రవర్తించారని వచ్చిన కథనాలు అవాస్తవమని, నటి చార్మి ఎక్సైజ్ పోలీసులపై ఎలాంటి ఫిర్యాదూ చేయలేదని ఎన్‌ఫోర్స్‌మెంట్ డైరెక్టర్ అకున్ సబర్వాల్ స్పష్టం చేశారు.
చిత్రం.. సిట్ విచారణకు హాజరవుతున్న నటి ముమైత్‌ఖాన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.