రాష్ట్రీయం
వస్తున్నాయ్.. మెగా ఫుడ్‌పార్క్‌లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 27: తెలంగాణకు నాలుగు మెగా ఫుడ్ పార్కులు మంజూరు చేసినట్టు కేంద్రమంత్రి హర్‌సిమ్రత్ కౌర్ బాదల్ వెల్లడించారు. దేశవ్యాప్తంగా 42 మెగా ఫుడ్‌పార్కులను రూ. 6,000 కోట్లతో ఏర్పాటు చేస్తున్నామని, వీటిలో తెలంగాణకు నాలుగు కేటాయించామని తెలిపారు. గురువారం హైదరాబాద్‌లో భారత పరిశ్రమల సమాఖ్య సౌజన్యంతో కేంద్ర ఆహార మంత్రిత్వ శాఖ ‘వరల్డ్ ఫుడ్ ఇండియా’ రోడ్ షోను నిర్వహించింది. ఈ ఏడాది నవంబర్ 3నుంచి 5 వరకు న్యూఢిల్లీలో నిర్వహించనున్న మూడు రోజుల మెగా ఈవెంట్ ‘వరల్డ్ ఫుడ్ ఇండియా 2017’ ను దృష్టిలో ఉంచుకుని రోడ్‌షోను హైదరాబాద్‌లో నిర్వహించారు. రోడ్‌షోలో పాల్గొన్న బాదల్ పారిశ్రామిక వేత్తలను ఉద్దేశించి ప్రసంగించారు. భారత దేశంలో ఆహార రంగ పరిశ్రమకు రానున్న రోజుల్లో 31వేల కోట్ల పెట్టుబడులు రానున్నాయన్నారు. ఆహార రంగ ఉత్పత్తుల్లో పెట్టుబడులకు తెలంగాణ అనువైనదని కితాబిచ్చారు. ప్రస్తుతం మనదేశంలో కేవలం 10 శాతం ఆహార పదార్ధాలను మాత్రమే ప్రాసెసింగ్ చేస్తున్నామని, ఇంకా ఈ సామర్ధ్యం పెరిగితే ఆదాయం పెరగడమే కాకుండా ఉపాధి అవకాశాలు భారీగా పెరిగి రైతులకు మేలు జరుగుతుందన్నారు. వరల్డ్ ఫుడ్ ఈవెంట్‌కు తెలంగాణ ప్రభుత్వం భాగస్వామి అయ్యేందుకు ముందుకొచ్చినందుకు బాదల్ కృతజ్ఞతలు తెలిపారు. కార్యక్రమంలో పాల్గొన్న మంత్రి కెటిఆర్ మాట్లాడుతూ భారత దేశంలో పెట్టుబడులను ఆహ్వానిస్తూ వరల్డ్ ఫుడ్ ఈవెంట్ నిర్వహించడం అభినందనీయమని అన్నారు. ఈవెంట్‌ను ప్రతి ఏడాది నిర్వహించాలని మంత్రి కోరుతూ తర్వాత జరిగే రెండో ఎడిషన్‌కు హైదరాబాద్ ఆతిథ్యం ఇస్తుందని ఆయన కేంద్రమంత్రికి తెలిపారు. రాష్ట్రంలో ఫుడ్‌పార్కుల నిర్వహణకు ప్రైవేటు వ్యక్తులను పిలుస్తున్నామని చెప్పారు. నాలుగు ఫుడ్‌పార్కులు తెలంగాణకు మంజూరు చేసినందుకు మంత్రి కెటిఆర్ కేంద్రానికి కృతజ్ఞతలు తెలిపారు.
చిత్రం.. ‘వరల్డ్ ఫుడ్ ఇండియా’ రోడ్ షోలో మాట్లాడుతున్న ఐటి మంత్రి కెటిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.