రాష్ట్రీయం
లోయలోపడ్డ బస్సు: 19 మందికి గాయాలు
S ,7 à 8 RSCA (si SASPAS) et 6 cialis pharmacie cialis rapports de stage.
సంగం, జూలై 27: నెల్లూరుకు చెందిన షాజీ ట్రావెల్స్ బస్సు గురువారం పుదుచ్చేరి సమీపంలో ప్రమాదవశాత్తు 30 అడుగుల లోయలో పడిపోయింది. ఈ సంఘటనలో 19 మందికి గాయాలయ్యాయి. క్షతగాత్రులంతా నెల్లూరు జిల్లా సంగం మండలం తలుపూరుపాడు గ్రామానికి చెందినవారు. గ్రామస్థులు తెలిపిన వివరాల మేరకు తలుపూరుపాడు గ్రామానికి చెందిన 45 మంది బుధవారం మధ్యాహ్నం షాజీ ట్రావెల్స్ బస్సులో నాగూరునాగపట్నం యాత్రకు బయలుదేరారు. నాగూరునాగపట్నం చేరుకోక ముందే పుదుచ్చేరి సమీపంలో ఓ వాహనం ఎదురుగా రావడంతో ప్రమాదవశాత్తు 30 అడుగులు ఉన్న లోయలో బస్సు పడిపోయింది. ఈ ప్రమాదాన్ని గమనించిన స్థానికులు పోలీసులకు సమాచారం అందించారు. పుదుచ్చేరి పోలీసులు అక్కడకు చేరుకుని క్షతగాత్రులను హుటాహుటిన సమీపంలో ఉన్న వైద్యశాలకు తరలించి చికిత్సలు చేయించారు. స్వల్ప గాయాలైన వారు సంఘటనా స్థలం సమీపంలో ఉన్న ఓ కల్యాణ మండపంలో తలదాచుకున్నారు. సమాచారం తెలుసుకున్న మాజీ మంత్రి ఆనం రామనారాయణరెడ్డి వెంటనే జిల్లా కలెక్టర్ రేవు ముత్యాలరాజుకు ఫోన్ చేసి బాధితులకు సహాయచర్యలు చేపట్టాలని కోరారు. వెంటనే జిల్లా కలెక్టర్ ముత్యాలరాజు పుదుచ్చేరి కలెక్టర్‌తో మాట్లాడి క్షతగాత్రులకు సహాయ చర్యలు చేపట్టాలని విజ్ఞప్తి చేశారు. అనంతరం నాయుడుపేట ఆర్డీఒ శీనానాయక్‌ను పుదుచ్చేరి పంపించారు. బాధితులను క్షేమంగా స్వగ్రామానికి తీసుకురావడానికి ఏర్పాట్లు చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.