రాష్ట్రీయం
మూత్రపిండ వ్యాధుల రహస్యం ఛేదిస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం/ కవిటి జూలై 29: శ్రీకాకుళం జిల్లా ఉద్దానంలో ప్రజలు మూత్రపిండ వ్యాధులతో సతమతం కావడానికి గల కారణాలు కనుగొంటామని హార్వర్డ్ వైద్య కశాశాల ప్రతినిధి బృందం సభ్యుడు జోసెఫ్ బాన్‌వెంట్రీ పేర్కొన్నారు. ఉద్దానం పర్యటనకు వెళ్లే ముందు తన సహచరుడు వెంకట్ సుబ్బిశెట్టి, ఎన్టీఆర్ హెల్త్ యూనివర్శిటీ వైస్ ఛాన్స్‌లర్ డాక్టర్ టి రవిరాజ్‌తో కలిసి విశాఖ కెజిహెచ్‌లో శనివారం ఉదయం మీడియాతో మాట్లాడారు. ఉద్దానంలో 20 శాతం ప్రజానీకం మూత్రపిండాల వ్యాధితో బాధపడటం తమకు ఆశ్చర్యం కలిగించిందన్నారు. ఒకే ప్రాంతంలో ఇంత మంది కిడ్నీ సమస్యతో బాధపడటం వెనుక గల కారణాలు కనుగొనేందుకే ప్రాధాన్యం ఇస్తామన్నారు. ముఖ్యంగా స్థానికంగా ఉండేవారి ఆహార అలవాట్లు, జీవన విధానం, ఈ ప్రాంతంలో లభ్యమయ్యే నీటిలో ఖనిజాల సాంధ్రత, పర్యావరణ పరంగా చోటుచేసుకుంటున్న అంశాలతో పాటు గత రెండున్నర దశాబ్దాలుగా వ్యాధిపై సేకరించిన వివరాలను క్రోఢీకరించనున్నట్టు తెలిపారు. ప్రపంచంలోనే అత్యాధునిక సాంకేతిక పరిజ్ఞానంతో రక్త పరీక్ష విధానాన్ని ఉద్దానంలో అనుసరిస్తామన్నారు. కెఐఎం 1 రక్త పరీక్షల
ద్వారా కిడ్నీ వ్యాధి లక్షణాలను గుర్తించడం సులభమైన మార్గమని తెలిపారు. తద్వారా వ్యాధిని ప్రాథమిక దశలోనే గుర్తించి, తగిన చికిత్స అందించేందుకు అవకాశం ఉంటుందన్నారు. ఇదే సందర్భంలో ఎన్టీఆర్ హెల్త్ వర్శిటీ ఉపకులపతి డాక్టర్ రవిరాజ్ ఉద్దానంలో కిడ్నీ బాధితులను ఆదుకునేందుకు ప్రభుత్వ పరంగా తీసుకున్న చర్యలను వివరించారు. ఉద్దానంలో యువత, నడివయస్కులు ఎక్కువగా కిడ్నీ వ్యాధికి గురవుతున్నారన్నారు. ఇప్పటికే దీనిపై పూర్తి సర్వే నిర్వహించామని, బాధితులకు తక్షణ వైద్య సదుపాయం అందించే దిశగా ప్రభుత్వం చర్యలు తీసుకుంటోందన్నారు. ప్రత్యేక మోబైల్ క్లినిక్‌లు ఏర్పాటు చేశామని, ఈ ప్రాంతంలో డయాలసిస్ సెంటర్లను ఏర్పాటు చేయడం ద్వారా వారికి తక్షణ వైద్య సహాయం అందిస్తున్నామన్నారు. వ్యాధిగ్రస్తుల పూర్తి వివరాలతో పాటు వారి మొబైల్ నెంబర్లను సేకరించి క్రమం తప్పకుండా చికిత్స అందిస్తున్నామన్నారు. అనంతరం వైద్యుల బృందం ఉద్దానం బయలుదేరి వెళ్లింది.
రోగులతో ముఖాముఖి
అంతకుముందు ఉద్దాన ప్రాంతమైన కవిటి మండలం, బొరివంకలో శనివారం కిడ్ని రోగులతో ముఖాముఖి నిర్వహించారు. ఈ సందర్భంగా డాక్టర్ జోసెఫ్ రోగులతో మాట్లాడి పలు విషయాలను తెలుసుకున్నారు. ప్రస్తుతం ఈ వ్యాధి బారినపడిన వారికి ఏవిధమైన వైద్య సదుపాయాలు అందించాలో చర్చిస్తామని, తద్వారా ఉద్దాన ప్రాంతాన్ని ఆదుకుంటామన్నారు.
చిత్రం.. బొరివంకలో కిడ్నీ రోగులతో ముఖాముఖి నిర్వహిస్తున్న హార్వర్డ్ విశ్వ విద్యాలయ వైద్య నిపుణుడు జోసెఫ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.