రాష్ట్రీయం
ఫలించిన విద్యుత్ కల
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 29: విద్యుత్ సంస్థలో ఔట్ సోర్సింగ్‌పై పనిచేస్తున్న 20,903 మంది ఉద్యోగులను క్రమబద్దీకరిస్తూ సిఎం కె చంద్రశేఖర్‌రావు నిర్ణయం తీసుకున్నారు. శనివారం ఫైలుపై సంతకం చేశారు. జెన్‌కో, ట్రాన్స్‌కో, ఎస్‌పిడిసిఎల్, ఎన్‌డిపిడిసిఎల్ పరిధిలో పని చేస్తున్న ఔట్ సోర్సింగ్ ఉద్యోగులను క్రమబద్దీకరించాలని ఈ నాలుగు సంస్థల పాలక మండళ్లు నిర్ణయం తీసుకున్నాయ. విద్యుత్ మంత్రి జగదీశ్‌రెడ్డి, జెన్‌కో, ట్రాన్స్‌కో సిఎండి డి ప్రభాకర్‌రావు, ప్రభుత్వ ప్రధాన కార్యదర్శి ఎస్‌పి సింగ్, విద్యుత్ శాఖ ప్రత్యేక ప్రధాన కార్యదర్శి అజయ్ మిశ్రా, ఆర్థిక శాఖ ముఖ్య కార్యదర్శి రామకృష్ణ, న్యాయశాఖ కార్యదర్శి నిరంజన్‌రావు క్రమబద్ధీకరణపై చర్చించారు. ఔట్ సోర్సింగ్ ఉద్యోగులను క్రమబద్ధీకరించాలని ప్రతిపాదనలు సిద్ధం చేసి, ముఖ్యమంత్రి ఆమోదానికి పంపారు. సిఎం దీనిపై శనివారం ఆమోద ముద్ర వేశారు. ఎన్నో ఏళ్లుగా విద్యుత్ సంస్థల్లో తక్కువ జీతం తీసుకుంటూ ఎంతో శ్రమ చేస్తున్న ఔట్ సోర్సింగ్ ఉద్యోగులను క్రమబద్ధీకరించడం సంతోషంగా ఉందని కెసిఆర్ అన్నారు. ట్రాన్స్‌కోలో 4,197, జెన్‌కోలో 2,914, ఎన్‌పిడిసిఎల్‌లో 4.333 మంది, ఎస్‌పిడిసిఎల్‌లో 9,4659 మంది, మొత్తం నాలుగు సంస్థల్లో కలిపి 20,903 మంది ఔట్ సోర్సింగ్ ఉద్యోగులను క్రమబద్ధీకరించారు..
విద్యుత్ సంస్థల్లో పని చేసే ఔట్ సోర్సింగ్ ఉద్యోగుల కష్టాన్ని గుర్తించి, వారిని క్రమ బద్దీకరిస్తామని చెప్పి మాట నిలుపుకున్న సిఎం కెసిఆర్‌కు విద్యుత్ సంస్థల తరఫున జెన్‌కో, ట్రాన్స్‌కో సిఎండి ప్రభాకర్‌రావు కృతజ్ఞతలు తెలిపారు. ఔట్ సోర్సింగ్ ఉద్యోగులు సిఎంకి రుణపడి ఉంటారన్నారు. విద్యుత్ ఉద్యోగులు మరింత అంకితభావంతో పని చేస్తారన్న విశ్వాసం వ్యక్తం చేశారు. సహకరించిన మంత్రి జగదీష్‌రెడ్డికి, ప్రభుత్వ ప్రధాన కార్యదర్శి ఎస్‌పి సింగ్, ప్రత్యేక ప్రధాన కార్యదర్శి అజయ్ మిశ్రా, ఆర్థిక శాఖ కార్యదర్శి రామకృష్ణ, న్యాయశాఖ కార్యదర్శి నిరంజన్‌రావులకు ప్రభాకర్‌రావు ధన్యవాదాలు తెలిపారు. ఔట్ సోర్సింగ్ ఉద్యోగుల క్రమబద్ధీకరణ ఫైలుపై సిఎం సంతకం చేశారని తెలియగానే ఔట్ సోర్సింగ్ ఉద్యోగుల ఆనందం వ్యక్తం చేశారు. ఎంతో కాలం నుంచి ఎదురు చూస్తున్న కల ఫలించిందని ధన్యవాదాలు తెలిపారు. ప్రజల విద్యుత్ సమస్యలు తీరడమే కాదు, విద్యుత్ సంస్థలో పని చేసే ఔట్ సోర్సింగ్ ఉద్యోగుల కష్టాలు కూడా తీరాయని అనందాన్ని పంచుకున్నారు. విద్యుత్ సౌధలో ఉద్యోగులు ముఖ్యమంత్రి చిత్ర పటానికి పాలాభిషేకం చేశారు. ఉద్యోగుల క్రమబద్ధీకరణ నిర్ణయంపై తెలంగాణ విద్యుత్ ఇంజనీర్స్ అసోసియేషన్ అధ్యక్షుడు శివాజీ ఆధ్వర్యంలో శనివారం సాయంత్రం కార్యక్రమం జరిగింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.