రాష్ట్రీయం
ఏర్పేడు వద్ద ఎస్‌ఐపై రాళ్లురువ్విన ఎర్ర కూలీలు
S ,7 à 8 RSCA (si SASPAS) et 6 cialis pharmacie cialis rapports de stage.
ఏర్పేడు, జనవరి 13 : చిత్తూరు జిల్లాలో ఏర్పేడు ప్రాంతంలో లారీలో అక్రమంగా ఎర్రచందనం దుంగలను తరలిస్తున్న ఎర్రకూలీలు బుధవారం నాడు తెల్లవారి జామున చెలరేగిపోయారు. తమను వెంటాడుతున్న టాస్క్ఫోర్స్ బృందంపై రాళ్లు రువ్వారు. ఈ సంఘటనలో ఎస్సై వాసు గాయపడ్డాడు. ఎర్రచందనం దుంగలతో పారిపోవడానికి ప్రయత్నించిన లారీ డ్రైవర్ వాహనాన్ని వేగంగా నడిపి ఒక మెకానిక్ షాపును ఢీకొన్నాడు. ఈ సందర్భంగా 16 మంది కూలీలు పరారు కాగా ఆరుగురు కూలీలను కార్యాదళ సిబ్బంది వెంటబడి పట్టుకున్నారు. ఎర్రచందనం దుంగలతో ఓ లారీ వెంకటగిరి జాతీయ రహదారిపై వెళుతున్నదని సమాచారం రావడంతో కార్యాదళం సిబ్బంది వెంకటగిరి రోడ్ క్రాస్ వద్ద చెక్ పోస్టు వద్ద కాపు కాసారు. మదనపల్లికి చెందిన ఎ పి 0 వి 1160 లారీ బుధవారం తెల్లవారు జామున 4.45 గంటల ప్రాంతంలో అటుగా వచ్చింది. ఇది గమనించిన ఆర్ ఎస్ ఐ వాసు తన సిబ్బందితో లారీని నిలబెట్టే ప్రయత్నం చేసారు. అయితే తెగించిన లారీ డ్రైవర్ శివకుమార్ వాహనాన్ని వేగంగా వారిపైకి నడిపారు. క్షణంలో పక్కకు తప్పుకున్న వాసు బృందం తమ జీపులో లారీని వెంటాడారు. ఈ క్రమంలో లారీలో ముందుగానే సిద్దంగా ఉంచుకున్న రాళ్లతో ఎర్రకూలీలు కార్యాదళం సిబ్బంది ప్రయాణిస్తున్న జీపుపైకి లారీ పైనుండే దాడి చేసారు. ఈ సందర్భంగా వాసుకు తలపై బలమైన గాయమయ్యింది. అయినా కూడా ఎర్రకూలీలు వెళుతున్న వాహనాన్ని వెంటడారు. ఈ విషయం తెలుసుకున్న లారీ డ్రైవర్ శివకుమార్ వాహనాన్ని మరింత వేగంగా నిడిపి శ్రీకాళహస్తి వైపు మలుపు తిప్పాడు. ఈ సందర్భంగా లారీ అదుపు తప్పడంతో అక్కడ ఉన్న ద్విచక్రవాహనంపై నుండి దూసుకువెళ్ళి మెకానిక్ షాపును ఢీ కొని ఆగింది. పోలీసులు అక్కడికి చేరుకొనే లోపే లారీ డ్రైవరు శివకుమర్, 22 మంది ఎర్రకూలీలు పరారయ్యారు. దీంతో అప్రమత్తమైన కార్యదళ సిబ్బంది ఇటు అడవులలోనూ, ఏర్పేడు వీధులలోనూ విస్తృతంగా గాలించారు. ఈ సందర్భంగా ఉదయం 9.30 గంటల ప్రాంతంలో సాధారణ ప్రజల్లా సంచరిస్తున్న తిరువణ్ణామలైకు చెందిన సి. మాణిక్యం, కె. మాణిక్యం, పి. గోవిందరాజులు, పి. దామోదరం, ఆర్ కుమార్, ఆర్ ప్రతాప్‌లను అనుమానించి పట్టుకోవడంతో వారే ఎర్ర కూలీలు అని విచారణలో తేలింది. ఇతర కూలీల కోసం టాస్క్‌పోర్స్ సిబ్బంది ముమ్మరంగా కూంబింగ్ చేస్తున్నారు. ఇదిలా ఉండగా లారీలో సుమారు 25 లక్షల రూపాయలు విలువ చేసే 32 ఎర్రదుంగలతో పాటు నిత్యావసర వస్తువులు, బ్యాగులు ఉండడాన్ని గుర్తించి స్వాధీనం చేసుకున్నారు. దాడిలో గాయపడ్డ వాసు ఏరియా ఆసుపత్రిలో చికిత్స చేయించుకొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.