రాష్ట్రీయం
వానరాలకూ సమాధులు!
S ,7 à 8 RSCA (si SASPAS) et 6 cialis pharmacie cialis rapports de stage.
హిందూపురం, ఆగస్టు 20: రక్తసంబంధీకులు ఉన్నా దహన సంస్కారాలకు నోచుకోక అనాథ శవాలుగా మారుతున్నవారిని మనం నిత్యం చూస్తుంటాం. ఎలాంటి సంబంధం లేకున్నా మృత్యువాత పడ్డ వానరాలకు ప్రత్యేకంగా సమాధుల కోసం స్థలాన్ని కేటాయించడమే కాక కర్మకాండలు జరిపించి మానవత్వాన్ని చాటుతున్నారు ఆ గ్రామస్థులు. అనంతపురం జిల్లా లేపాక్షి మండలం బిసలమానేపల్లి గ్రామస్థులు తమ గ్రామంలో చనిపోయే కోతులకు సమాధులు కట్టి కర్మకాండ జరిపించి అన్నసంతర్పణ చేస్తున్నారు. కోతులు చనిపోతే వాటికి శాస్త్రోక్తంగా కళేబరాన్ని మేళతాళాలతో ఊరేగించి కర్మకాండ నిర్వహిస్తున్నారు. అలాగే మూడు రోజుల క్రితం గ్రామంలో ఓ వానరం కారు ఢీకొని మృతి చెందడడంతో ఊరేగించి పూడ్చిపెట్టారు. అనంతరం దానికి సమాధి కట్టారు. మూడో రోజు సమాధికి పూజలు చేసి పూలతో అందంగా అలంకరించారు. సమాధిపై రకరకాల పండ్లు, పాయసం, చిత్రాన్నం పెట్టారు. అనంతరం గ్రామంలో అన్నదానం చేశారు. దశాబ్దాల కాలంగా ఈ ఆచారాన్ని తాము పాటిస్తున్నామని గ్రామానికి చెందిన అశ్వర్థనారాయణ, ఓబుళేసు, వేంకటేష్, పుష్ప, రూప తెలిపారు.
వానరం ఆంజనేయస్వామికి ప్రతిరూపమని, అందుకే చనిపోయిన తరువాత అంతా కలిసి సమాధి కట్టి, కర్మకాండలు నిర్వహిస్తున్నామన్నారు. వానరాల సమాధుల కోసం ప్రధాన రహదారి పక్కనే 20 సెంట్ల అసైన్డ్ భూమిని గ్రామ పంచాయతీ మంజూరుచేయడం గమనార్హం. ఈ కాలంలో కూడా వానరాలకు ప్రత్యేకంగా సమాధులు నిర్మించడం, శాస్త్రోక్తంగా కర్మకాండ నిర్వహించడం విశేషమే.
చిత్రం..వానరం సమాధి వద్ద కర్మకాండ నిర్వహిస్తున్న గ్రామస్థులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.