రాష్ట్రీయం
కవి, విమర్శకుడు అద్దేపల్లి అస్తమయం
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, జనవరి 13: ప్రముఖ కవి, విమర్శకుడు డాక్టర్ అద్దేపల్లి రామమోహన్‌రావు తూర్పు గోదావరి జిల్లా కాకినాడలో బుధవారం తుదిశ్వాస విడిచారు. నగరంలోని ఎస్ అచ్యుతాపురం గ్రామంలో నివసిస్తున్న డాక్టర్ అద్దేపల్లి ఓ ప్రైవేట్ ఆసుపత్రిలో అనారోగ్యంతో చికిత్స పొందుతూ ఉదయం 11.30 గంటల ప్రాంతంలో కన్నుమూశారు. కాకినాడ స్థిరపడిన అద్దేపల్లి స్వస్థలం కృష్ణా జిల్లా బందరు. అద్దేపల్లి సుందరరావు, రాజరాజేశ్వరి దంపతులకు ఆయన 1936 సెప్టెంబర్ 6న జన్మించారు. బందరు సమీపంలోని చింతగుంటపాలెంలో 1941-46మధ్య ఎలిమెంటరీ విద్యను, బందరు జవారుపేట జె బ్రాంచ్ స్కూల్‌లో హైస్కూల్ విద్యను అభ్యసించారు. బందరులోని హిందూ కళాశాలలో ఇంటర్, ఆంధ్ర జాతీయ కళాశాలలో బిఎ అభ్యసించారు. తిరుపతి శ్రీ వేంకటేశ్వర విశ్వ విద్యాలయంలో ఎంఎ తెలుగులో వర్సిటీ ప్రథమ ర్యాంక్ సాధించారు.
1955 మే 1న అన్నపూర్ణను వివాహం చేసుకున్నారు. వీరికి నలుగురు కుమారులున్నారు. బందరు హిందూ కళాశాలలో, నందిగామలో ఎన్టీఆర్ కళాశాలలో కొంతకాలం పనిచేసి, 1971లో కాకినాడ నగరంలోని ఎంఎస్‌ఎన్ ఛారిటీస్ డిగ్రీ కళాశాల అధ్యాపకుడిగా చేరి, అదే కళాశాలలో 1994 సెప్టెంబర్‌లో పదవీ విరమణ చేశారు. బందరు తనకు కన్నతల్లి అయితే కాకినాడ నగరాన్ని పెంచిన తల్లిగా అద్దేపల్లి చెప్పుకునేవారు. 1960లో ఆయన రాసిన మొదటి కవిత కృష్ణా పత్రికలో అచ్చయ్యింది.
ఆయన రాసిన మధుజ్వాల (ఉమర్ ఖయాం రుబారుూలకు అనువాదం), అంతర్జ్వాల, రక్తసంధ్య, గోదావరి నా ప్రతిబింబం, మెరుపు పువ్వు దీర్ఘ కవితలు ఎంతో ఆదరణ పొందాయి. విమర్శకుడిగా శ్రీశ్రీ కవితా ప్రస్థానం, విమర్శ వేదిక, శ్రీశ్రీ మహాప్రస్థానం-ఒక పరిశీలన, కుందుర్తి వచన కవితా వైభవం, స్ర్తివాద కవిత్వం- ఒక పరిశీలన, మహాకవి జాషువా కవితా సమీక్ష వంటి రచనలు చేశారు. సాహిత్య విమర్శకుడిగా సుమారు 70 పుస్తకాలకు ముందుమాట రాశారు. మచిలీపట్నం ఆంధ్ర సారస్వత సమితీ వ్యవస్థాపకుడిగాను, ఆంధ్రప్రదేశ్ సాంస్కృతిక సమాఖ్య అధ్యక్షుడిగాను, కాకినాడ క్రాంతి సాహితీ సంస్థకు వ్యవస్థాపక అధ్యక్షుడిగా పనిచేశారు.
గొప్ప సాహితీ విమర్శకుణ్ని కోల్పోయాం: చంద్రబాబు
విజయవాడ: అద్దేపల్లి రామమోహనరావు మృతిపై ఆంధ్రప్రదేశ్ ముఖ్యమంత్రి చంద్రబాబు ప్రగాఢ సంతాపం తెలిపారు. తెలుగు సాహితీ లోకం ఒక గొప్ప సాహితీ విమర్శకుడిని కోల్పోయిందన్నారు. కవికి ప్రాపంచిక దృష్టి ఉండాలన్న వాదాన్ని అద్దేపల్లి విశ్వసించారని, కడదాకా సాహితీ సేవ చేశారని నివాళులర్పించారు. మహాకవి శ్రీశ్రీ రాసిన మహాప్రస్థానం కవితా సంపుటంపై తొలి సమీక్ష చేసిన ఖ్యాతి ఆయనదేనన్నారు. అద్దేపల్లి కుటుంబ సభ్యులకు సానుభూతి తెలిపారు.
డాక్టర్ అద్దేపల్లి రామ్మోహనరావు (ఫైల్‌ఫొటో)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.