రాష్ట్రీయం
పోలీసు కస్టడీకి మల్లాది విష్ణు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (క్రైం), జనవరి 13: కల్తీ మద్యం కేసులో అరెస్టయి జైలులో ఉన్న కాంగ్రెస్ పార్టీ మాజీ ఎమ్మెల్యే, నగర కాంగ్రెస్ అధ్యక్షుడు మల్లాది విష్ణును పోలీసు కస్టడీకి కోర్టు అనుమతించింది. ఈమేరకు విజయవాడ రెండో అదనపు చీఫ్ మెట్రోపాలిటన్ మేజిస్ట్రేట్ బుధవారం ఉత్తర్వులు జారీ చేశారు. కృష్ణలంక స్వర్ణ బార్‌లో మద్యం సేవించి గత ఏడాది డిసెంబర్ 7న ఐదుగురు వ్యక్తులు మృత్యువాత పడిన విషయం తెలిసిందే. కాగా బార్‌లో కల్తీ జరిగిందనే ఆరోపణలపై కేసు నమోదు చేసిన కృష్ణలంక పోలీసులు బార్ సిబ్బంది తొమ్మిది మందిని అరెస్టు చేసి రిమాండుకు పంపగా ఇటీవలే వారికి బెయిల్ మంజూరైంది. అయితే బార్ లైసెన్స్ దారుల్లో మల్లాది విష్ణు తల్లి బాల త్రిపుర సుందరమ్మ పేరుతోపాటు సోదరి, బావ, బంధువులపై కూడా కేసులు నమోదయ్యాయి.
ఈ కేసు విచారణ కోసం ప్రభుత్వం నియమించిన ప్రత్యేక దర్యాప్తు బృందం (సిట్) ఈనెల జనవరి 6,7న మల్లాది విష్ణును 41ఏ సిఆర్‌పిసి నోటీసుల కింద విచారించి వ్యూహాత్మకంగా 7న రాత్రి అరెస్టు చేసినట్లు ప్రకటించారు. మరుసటి రోజు 8న విష్ణును కోర్టులో హాజరుపర్చగా కొన్ని గంటల నాటకీయ పరిణామాల నేపథ్యంలో ఎట్టకేలకు కోర్టు ఆదేశాలతో ఆయన్ను పోలీసులు రిమాండుకు పంపారు. ప్రస్తుతం విజయవాడ జిల్లా జైలులో ఉన్న మల్లాది విష్ణును విచారణ నిమిత్తం కస్టడీకి ఇవ్వాలని కోరుతూ సిట్ దాఖలు చేసిన పిటిషన్‌పై వాదనలు ముగిసినందున నాలుగు రోజుల పాటు అనగా ఈనెల 14 నుంచి 17 వరకు కస్టడీకి ఇస్తూ న్యాయమూర్తి ఉత్తర్వులు జారీ చేశారు. న్యాయమూర్తి ఆదేశాల ప్రకారం ప్రతి రోజూ ఉదయం 10 గంటల నుంచి సాయంత్రం 5 గంటల వరకు మాత్రమే సిట్ నిందితుడిని విచారించాల్సి ఉంటుంది. ఇదిలా ఉండగా విష్ణు తరుఫున దాఖలైన బెయిల్ పిటిషన్‌ను ఈనెల 19కి వాయిదా వేస్తూ మెట్రోపాలిటన్ సెషన్స్ జడ్జి ఉత్తర్వులు జారీ చేశారు.
మచిలీపట్నం ఎక్స్‌ప్రెస్‌కు
అదనపు ఎసి బోగీ
నేటినుంచే అమలు
ఆంధ్రభూమి బ్యూరో
హైదరాబాద్, జనవరి 13: సికింద్రాబాద్- మచిలీపట్నం ఎక్స్‌ప్రెస్‌కు ఈ నెల 14 నుంచి 31 వరకు తాత్కాలికంగా ఫస్ట్ క్లాస్ ఎసి బోగీని ఏర్పాటు చేసినట్లు దక్షిణ మధ్య రైల్వే ఒక ప్రకటనలో తెలిపింది. దీనితో 864 అదనపు బెర్తులు అందుబాటులోకి వచ్చాయని తెలిపింది.
విస్తృత తనిఖీ
రైళ్లలో టిక్కెట్లు లేని ప్రయాణికులను పట్టుకునేందుకు రైల్వే అధికారులు పెద్ద ఎత్తున తనిఖీలు చేపట్టారు. పండుగ రద్దీతో పాటు శబరిమల యాత్ర భక్తుల సంఖ్య పెరగడంతో అందుకు అనుగుణంగా రద్దీ పెరిగింది. ఈ నెల 12న అధికారులు సికింద్రాబాద్, కాజీపేట, వరంగల్, ఖమ్మం, మంచిర్యాల స్టేషన్లలో తనిఖీలు నిర్వహించారు. 1013 మంది టిక్కెట్లు లేనివారిని పట్టుకున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.