రాష్ట్రీయం
పథకాలే గెలిపిస్తాయి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 10:రాష్ట్రంలో రాజకీయ వేడి మొదలైంది. ప్రధాన రాజకీయ పక్షాలు ముందుగానే ఎన్నికల యుద్ధానికి సన్నద్ధం అవుతున్నాయి. పథకాలే ఎన్నికల్లో గెలిపిస్తాయి అని అధికార పక్షం ధీమాగా ఉండగా, కాంగ్రెస్ జనంలోకి వెళ్లడానికి సిద్ధమవుతోంది. ముందస్తు ఎన్నికలు వచ్చినా రాకున్నా ముందు చూపుతూ అన్ని పార్టీలు సన్నద్ధం అవుతున్నాయి. టిఆర్‌ఎస్ తన పథకాలపైనే ప్రధానంగా దృష్టి సారించింది. డబుల్ బెడ్‌రూమ్ ఇళ్ల నిర్మాణంలో హఠాత్తుగా వేగం పెంచారు. ఏడాది లోపు రెండున్నర లక్షల ఇళ్ల నిర్మాణం పూర్తయ్యే విధంగా ప్రభుత్వం ప్రణాళిక రూపొందించింది. అదే విధంగా కాళేశ్వరం ప్రాజెక్టు పనుల వేగం పెంచారు. ఆసరా పెన్షన్, డబుల్ బెడ్‌రూమ్ ఇళ్ల నిర్మాణం, కళ్యాణ లక్ష్మి, షాదీ ముబారక్, కెసిఆర్ కిట్ వంటి సంక్షేమ పథకాల జనంలోకి బాగా వెళ్లాయని వీటి ప్రయోజనం ఉంటుందని, పార్టీ నిర్వహించిన సర్వేల్లో తేలినట్టు టిఆర్‌ఎస్ వర్గాలు తెలిపాయి. నియోజక వర్గాల్లో కొందరు ఎమ్మెల్యేలపై అసంతృప్తి ఉన్నా పథకాలే పార్టీని గెలిపిస్తాయి అనే ధీమా అధికార పక్షంలో ఉంది. వీటికి తోడు వ్యవసాయానికి 24 గంటల పాటు విద్యుత్ అందించడంతో పాటు ఎకరానికి ఏటా ఎనిమిదివేల రూపాయల వరకు పెట్టుబడి సహాయం అందించాలనే నిర్ణయం వల్ల గ్రామీణ ప్రాంతాల్లో టిఆర్‌ఎస్‌కు ఎదురు లేకుండా పోయిందని ఆ పార్టీ నాయకులు చెబుతున్నారు. నీటిపారుదల ప్రాజెక్టులు పూర్తి చేయడానికి ప్రభుత్వం ఇస్తున్న ప్రాధాన్యత ప్రభావం మరో ఏడాదిలో స్పష్టంగా కనిపిస్తుందని మంత్రులు తెలిపారు. ఇప్పటికే ఉమ్మడి మహబూబ్‌నగర్ జిల్లాలో పది లక్షల ఎకరాలకు సాగునీరు అందించగలిగినట్టు చెప్పారు. కాళేశ్వరం ప్రాజెక్టు ఫలాలు కూడా ఎన్నికలకు ముందే రైతులకు అందనున్నాయని ప్రభుత్వం ధీమాగా ఉంది. డబుల్ బెడ్ రూమ్ ఇళ్ల నిర్మాణం పూర్తి చేయలేదని, దీనిపై జనంలోకి వెళతామని కాంగ్రెస్ నాయకులు చెబుతున్నారు. అధికార పక్షాన్ని విమర్శించేందుకు కాంగ్రెస్‌కు ఎలాంటి ఇష్యూ లేదు అనేది టిఆర్‌ఎస్ వాదన. ప్రాజెక్టులకు వ్యతిరేకంగా కోర్టుల్లో కేసులు వేయడం మినహా కాంగ్రెస్ ప్రతిపక్షంగా
సాధించింది ఏమీ లేదని, ఇదే విషయాన్ని జనంలోకి తీసుకు వెళతామని టిఆర్‌ఎస్ ప్రకటించింది.
గతంలో టిఆర్‌ఎస్ బలహీనంగా ఉన్న హైదరాబాద్, ఖమ్మం లాంటి జిల్లాల్లో సైతం ఇతర పార్టీల నాయకులను పార్టీలో చేర్చుకోవడం ద్వారా టిఆర్‌ఎస్ అధికారంలోకి వచ్చిన తరువాత అన్ని ప్రాంతాల్లోనూ బలపడినట్టు ఆయా జిల్లాల్లో జరిగిన ఉప ఎన్నికల ఫలితాల్లో తేలింది.
కాంగ్రెస్ పార్టీ శిక్షణ కార్యక్రమాల ద్వారా పార్టీ శ్రేణులను ఎన్నికలకు సన్నద్ధం చేస్తోంది. కాంగ్రెస్‌లోని బహు నాయకత్వం ఆ పార్టీకి ఇబ్బంది కరంగా మారింది. చివరకు శిక్షణ కార్యక్రమాల్లో సైతం పార్టీలోని విబేధాలు బయటపడ్డాయి. పిసిసి అధ్యక్షుడు, సిఎల్‌పి నాయకులు పాత నల్లగొండ జిల్లాకు చెందిన వారే కాగా, అదే జిల్లా నుంచి వీరి నాయకత్వానికి కోమటిరెడ్డి బ్రదర్స్ సవాల్ విసురుతున్నారు. ప్రభుత్వం డబుల్ బెడ్‌రూమ్ ఇళ్ల హామీని నెరవేర్చలేదని, దళితులకు మూడేకరాల భూమి పంపిణీ, కేజీ నుంచి పీజీ వరకు ఉచిత విద్య హామీలను అమలు చేయలేదని, వీటిని ప్రజల్లోకి తీసుకు వెళ్లాలని కాంగ్రెస్ నిర్ణయించుకుంది. రెడ్డి సామాజిక వర్గానికి రాజ్యాధికారం అనే అంశంపై కాంగ్రెస్ నాయకులు ఆశలు పెట్టుకున్నారు. తెలంగాణలో టిడిపి పరిస్థితి నానాటికి తీసికట్టుగా మారింది. టిడిపి అంటే రేవంత్‌రెడ్డి ఒక్కరే అన్నట్టుగా తెలంగాణలో పార్టీ పరిస్థితి ఉంది. ఉన్న ఒక్క కేంద్ర మంత్రి బండారు దత్తాత్రేయకు మంత్రివర్గం నుంచి ఉద్వాసన పలకడం బిజెపి శ్రేణులకు నిరాశ కలిగించింది. ఇక కోదండరామ్ కొత్త పార్టీ ఏర్పాటు విషయంలో నాన్చివేత దోరణితో మాట్లాడుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.